Yeni Kaledoniyada Fransa müstəmləkəçiliyinə qarşı etiraz aksiyası keçirilib, Azərbaycan bayrağı qaldırılıb – VİDEO

Yeni Kaledoniyanın paytaxtı Numea şəhərində Fransa müstəmləkəçiliyinə qarşı etiraz aksiyası keçirilib.
Fransa kolonializminə qarşı təşkil olunmuş etiraz aksiyasında 10 min nəfər iştirak edib.
Sosialist və Milli KANAK Azadlığı Cəbhəsi tərəfindən təşkil edilən aksiyanın iştirakçıları Fransanın müstəmləkəçilik siyasətinə qarşı şüarlar səsləndirib, müstəqillik tələb ediblər.
İştirakçılar Azərbaycan da daxil olmaqla 3 bayraq – BMT və Yeni Kaledoniya – bayraqları da qaldırılıb.
Onlar Azərbaycanın dövlət atributunu ön cərgədə daşıyıb, tribunaya sancıblar. Polis başqa ölkənin bayrağının dalğalandırılma səbəbini soruşduqda etirazçılar bildiriblər ki, Azərbaycan hər zaman onların yanlarındadır, neokolonializmlə mübarizəyə dəstək olur.
Qeyd edək ki, noyabrın 21-də Bakıda Qoşulmama Hərəkatının Bakı Təşəbbüs Qrupunun təşkilatçılığı ilə “Dekolonizasiya: Qadınların gücləndirilməsi və inkişaf” mövzusunda konfrans keçirilib.
Azərbaycan Prezidenti İlham Əliyev konfrans iştirakçılarına müraciət edərək Azərbaycanın Qoşulmama Hərəkatının sədri kimi kolonializmə qarşı mübarizə aparan və azad olmağa çalışan xalqları dəstəklədiyini bildirib.
“Bəşəriyyətin kolonializm tarixinin qanlı cinayətlərinin çoxu məhz Fransa tərəfindən törədilmişdir. Afrika, Cənub-Şərqi Asiya, Sakit Okean, Atlantik və Hind Okeanı regionunda, Latın Amerikasında onlarla ölkəni işğal edən, sərvətlərini talan edən, xalqlarını uzun illər əsarətdə saxlayan Fransa həmin ərazilərdə hərbi və bəşəriyyət əleyhinə çoxsaylı cinayətlər törətmişdir, fransız silahlı qüvvələri etnik və dini mənsubiyyətinə görə yüz minlərlə dinc sakini soyqırımına məruz qoymuşdur. Fransanın fəal surətdə məşğul olduğu qul ticarəti insanlığın ən utancverici səhifələrindən biridir. Milyonlarla afrikalı Fransanın qul siyasətinin qurbanı olmuşdur”, – Prezident İlham Əliyevin müraciətində deyilib.
Ağcabədidə qanunsuz tikili sökülüb – VİDEO

Ağcabədidə qanunsuz tikili sökülüb.
Bu barədə Fövqəladə Hallar Nazirliyindən məlumat verilib.
Bildirilib ki, Ağcabədi Rayon İcra Hakimiyyəti tərəfindən Ağcabədi-Ağdam avtomobil yolunun rayonun Şərəfxanlı kəndi ərazisindən keçən hissəsinə yaxın yerdə vətəndaş Ələmdar Məmmədzadə tərəfindən qanunsuz tikinti işlərinin aparılması faktı aşkar edilərək, bu barədə müvafiq tədbirlərin görülməsi məqsədilə FHN-ə müraciət edilib.
Müraciət əsasında FHN-in Tikintidə Təhlükəsizliyə Nəzarət Dövlət Agentliyi tərəfindən Dövlət Şəhərsalma və Arxitektura Komitəsi, Əmlak Məsələləri Dövlət Xidməti və Ağcabədi Rayon İcra Hakimiyyətinin nümayəndələrinin iştirakı ilə həyata keçirilən tədbirlər nəticəsində qanunsuz inşa olunan tikili sökülüb.
Ödənişli yoldan istifadə edənlər üçün yenilik – Video

Bakı-Quba-Rusiya Federasiyası ilə dövlət sərhədi ödənişli avtomobil yolundan istifadə üçün “Sürətli Keçid Kartı”nın balansını artıq onlayn şəkildə də artırmaq mümkündür.
Bu barədə Azərbaycan Avtomobil Yolları Dövlət Agentliyi (AAYDA) məlumat yayıb.
Onlayn balans artırmaq üçün:
1. www.odenisliyol.az rəsmi internet səhisəsinə daxil olun.
2. “Balans artırma” bölməsini seçin.
3. Qeydiyyat zamanı təqdim edilmiş hesab məlumatlarını daxil edərək sistemə giriş.
4. “Mənim səhifəm” bölməsindən “Etiket vəziyyəti” alt bölməsinə keçid edin.
5. “Balans artırma” bölməsini seçin və bank kartı məlumatlarını daxil edərək ödənişi tamamlayın.
Kartın balansını satış məntəqələrində də artırmaq mümkündür.
Balans artırma və “Sürətli Keçid kartı”nın satış əməliyyatını yalnız nağdsız şəkildə həyata keçirmək mümkündür.
“Sürətli Keçid Kartı”nı əldə etmək üçün vətəndaş şəxsiyyət vəsiqəsini və nəqliyyat vasitəsinin qeydiyyat şəhadətnaməsini təqdim etməlidir.
Bakıda ağıllı radarlar quraşdırılıb? – Rəsmi cavab – VİDEO

Bəzi sürücülər Bakıda hava limanı şossesində radarlar arasında sürəti ölçə bilən ağıllı radarlar quraşdırıldığını iddia edirlər.
Iddiaları Baş Dövlət Yol Polisi İdarəsinin İctimai qurumlarla əlaqə şöbəsinin əməkdaşı Mübariz Ağayev cavablandırıb.
BDYPİ rəsmisi bildirib ki, ölkə yollarında zamana görə sürəti qiymətləndirən radarlar yoxdur.
Daha ətraflı Xəzərxəbər-in hazırladığı süjetdə:
FHN helikopteri ilə vəhşi heyvanların peyvəndləməsi aparıldı – Video

Fövqəladə Hallar Nazirliyi, Kənd Təsərrüfatı Nazirliyi və Qida Təhlükəsizliyi Agentliyinin birgə təşkilatçılığı ilə ətyeyən vəhşi heyvanlar arasında quduzluq xəstəliyinə qarşı növbəti peyvəndləmə aparılıb.
Nazirliyin Aviasiya dəstəsinin helikopteri vasitəsilə aparılan peyvəndləmə ümumilikdə Şamaxı, İsmayıllı, Qəbələ, Oğuz, Şəki, Qax, Zaqatala, Balakən rayonları ərazisində kəndətrafı meşəlik sahələrdə həyata keçirilib.
Müəyyən edilmiş istiqamətlər üzrə mürəkkəb relyefli dağ-meşə massivlərində həyata keçirilən quduzluq xəstəliyi əleyhinə peyvəndləmə prosesi çərçivəsində helikopterlər vasitəsilə meşə zolaqlarına ümumilikdə 600 kilometrdən çox məsafədə 13 min aldadıcı yem səpilib.
Qeyd edək ki, peyvəndləmə məqsədilə uçuşların davam etdirilməsi nəzərdə tutulur.

“XXI əsr bacarıqları”na qeydiyyat başladı – Video

Azərbaycan təhsil aləmində yenilikçi layihə olan “XXI əsr bacarıqları” adlı məktəblilərarası olimpiadada iştirak üçün qeydiyyat başlayıb.
Artıq dördüncü dəfə təşkil ediləcək olimpiadada Azərbaycan və rus bölməsi üzrə təhsil alan V-VIII sinif şagirdləri iştirak edə bilər.
2 kateqoriya üzrə (V-VI və VII-VIII sinif şagirdləri arasında olmaqla) təşkil edilən olimpiadada şagirdlər üç nəfərdən ibarət olan komandalar şəklində iştirak edir.
Qeyd edək ki, olimpiada özünəməxsus xüsusiyyətləri və orijinallığı ilə seçilir.
Birinci fərqlilik ondan ibarətdir ki, şagirdlər olimpiadada tək yox, üç nəfərdən ibarət komandalar halında iştirak edirlər. İlk mərhələdə fərdi olaraq əldə edilən xallar toplanaraq ümumi komanda xalını formalaşdırır və ən yüksək xal toplayan komandalar ikinci mərhələyə dəvət olunur. Artıq final mərhələsində komanda üzvləri birlikdə canlı şəkildə təqdim olunan sualları cavablandırır.
İkinci fərqlilik və yenilik ondan ibarətdir ki, bu olimpiadada iştirak edən şagirdlər məktəbdə öyrəndikləri nəzəri biliklər əsasında yox, bilikləri tətbiq edəbilmə, tənqidi düşünmə, kreativlik və digər oxşar bacarıqları üzrə qiymətləndirilir. Final mərhələsində şagirdlərin əzmklarlığı, komandada işləmək və ünsiyyət kimi bacarıqları da nəticələrə təsir edir.
Olimpiadanın seçim və final mərhələlərinin may ayında keçirilməsi nəzərdə tutulur.
Qeydiyyat üçün tələsin!
Olimpiada haqqında ətraflı məlumat əldə etmək üçün aşağıdakı keçidə daxil ola bilərsiniz: https://21century.edu.az/olimp/
Bundan əlavə XXI Əsr bacarıqları haqqında ümumi məlumat əldə etmək üçün olimpiadanın təşkilatçısı olan XXI Əsr Beynəlxalq Təhsil və İnnovasiya Mərkəzinin veb saytına keçid edə bilərsiniz: https://21century.edu.az/az/about/21ciesrbacariqlari
Bütün iştirakçılara öncədən müvəffəqiyyət arzulayırıq!
Bakıda binada yanğın olub, sakinlər təxliyə edilib – VİDEO

Fövqəladə Hallar Nazirliyinin “112” qaynar telefon xəttinə Bakı şəhəri, Xətai rayonu, M.Hadi küçəsində yanğın baş verməsi barədə məlumat daxil olub və dərhal FHN-in Dövlət Yanğından Mühafizə Xidmətinin qüvvələri əraziyə cəlb olunub.
Bu barədə nazirlikdən məlumat verilib.
Bildirilib ki, əməliyyat şəraitinə uyğun olaraq həyata keçirilmiş zəruri və təxirəsalınmaz tədbirlər sayəsində doqquzmərtəbəli yaşayış binasının birinci mərtəbəsində yerləşən texniki otaqda elektrik kabellərində baş vermiş yanğın genişlənməsinə, o cümlədən mənzillərə keçməsinə imkan verilmədən qısa müddətdə söndürülüb.
Yanğın nəticəsində ümumi sahəsi 12 kv.m. olan texniki otağın içərisinə yığılmış əşyalar, 6 ədəd elektrik sayğacı və 5p.m. elektrik kabeli yanıb.
Təhlükəsizlik tədbirləri çərçivəsində bina sakinləri təxliyə edilib. Yaşayış binasında yerləşən mənzillər yanğından mühafizə olunub.
“Gördüm ki, “KamAZ”lar gəldi çıxdı üstümə” – Video

Xəbər verdiyimiz kimi, Ucarda 14 avtomobilin iştirakı ilə ağır yol-nəqliyyat hadisəsi baş verib.
Qəza nəticəsində 2 nəfər həlak olub, 11 nəfər xəsarət alıb.
Hadisə şahidlərinin sözlərinə görə, qəza baş verən zaman yolda qatı duman olub:
“Hava dumanlı idi. Maşını saxlayıb yerə düşəndə gördüm qarşıda 2 maşın toqquşub. Dedim bu dumanda heç kəs görməyəcək, gəlib bizi vuracaq. Maşını kənara çəkmək istəyəndə gördüm ki, “KamAZ”lar gəldi çıxdı üstümə”.
Faktla bağlı araşdırma aparılır”.
Ətraflı “Baku-tv”nin videomaterialında:
Babək prospektindən birbaşa “Gəncliy”ə yol çəkiləcək – Yeni layihə – VİDEO

Yusif Səfərov küçəsi, Babək və Heydər Əliyev prospektlərinin kəsişməsində ciddi inrastruktur dəyşikliyi olacaq.
Nəqliyyatın dayanmadan hərəkəti üçün həmin kəsişmədə fərqli səviyəli yol ötürücüləri və digər alternativ yolların yaradılması gözlənilir.
Yol hərəkəti üzrə ekspert Ərşad Hüseynov deyir ki, əsas hədəflərdən biri Babək prospekti ilə “ADA” universitetinin qarşısından keçən yolun birbaşa əlaqələndirilməsidir.
8 Noyabr prospektində də yeni layihələr icra ediləcək. Əsas hədəf “Nargilə dairəsi” kimi tanınan ərazidə sıxlığı aradan qaldırmaqdır.
Ekspert deyir ki, bundan başqa şəhərdə nəqliyyat axınının intensivliyini təmin etmək məqsədilə 8 Noyabr da daxil olmaqla 4 böyük əsas prospekti birləşdirən yeni yolun yaradılması da əsas hədəflərdəndir.
“Xəzərxəbər”in mövzu ilə bağlı hazırladığı süjeti təqdim edirik:
FHN təlim keçirdi – Video

Fövqəladə Hallar Nazirliyinin Şimal Regional Mərkəzi tərəfindən “Yol nəqliyyat hadisələri zamanı zərərçəkmişlərin xilas edilməsi” mövzusunda gecə təlimi keçirilib.
Təlimin keçirilməsində məqsəd xilasetmə işlərinin təşkili və aparılması qaydaları, o cümlədən nəqliyyat qəzaları zamanı deformasiyaya uğramış avtomobildən zərərçəkmişlərin xilas edilməsi üzrə xilasedicilərin bilik və bacarıqlarının artırılması, həmçinin xilasetmə qrup komandirlərinin hadisə zamanı effektiv idarəetmə vərdişlərinin təkmilləşdirilməsi olub.
Təlim zamanı şərti olaraq baş vermiş nəqliyyat qəzası ilə əlaqədar “hadisə yerinə” operativ çatan xilasedicilər xüsusi xilasetmə vasitələrindən istifadə etməklə deformasiyaya uğramış avtomobildən “zərərçəkmişləri xilas edərək” onlara “təxirəsalınmaz ilkin yardım göstəriblər”.
Sonda təlimin nəticələrinin təhlili aparılıb, müvafiq tapşırıqlar verilib.
“ABŞ səfirlik xətti ilə həyata keçirilən maliyyələşməni də təftiş etməlidir” – Video

ABŞ-də Donald Trampın hakimiyyətə gəlməsindən sonra indiyədək USAİD və digər strukturlar vasitəsilə müxtəlif ölkələrdə vətəndaş cəmiyyətlərinin, media strukturlarının maliyyələşdirilməsi, korrupsiya sxemləri, çirkli pulların yuyulması və ifşası casus şəbəkəsinin fəaliyyətindən əziyyət çəkən bir sıra ölkələrdə ümid yaradıb.
Belə ölkələrin sağlam düşüncəli kəsimi ümid edir ki, təxribat yuvalarının ifşası, fəaliyyətinə son verilməsi USAİD uzantılarının soxulduğu ölkələrdə dinclik yaradacaq.
REAL TV-nin araşdırmasına görə, Tramp administrasiyasının ifşa siyasəti ABŞ-nin diplomatik nümayəndəliklərini də əhatə etməlidir.
İddia olunur ki, ABŞ-nin Azərbaycandakı diplomatik nümayəndəliyi indiyədək ölkənin daxili işlərinə qarışıb, gizli yollarla radikal müxalifəti, ayrı-ayrı jurnalist, QHT-ləri və s. maliyyələşdirib. Ona görə də, ABŞ Administrasiyası səfirlik xətti ilə həyata keçirilən maliyyələşməni təftiş etməlidir.
Həmçinin iddia olunur ki, ABŞ-nin Azərbaycandakı Səfirliyi Bakıda yeni səfirlik binası tikmək adı ilə casusluq mərkəzləri əldə etmək üçün uzun illər canfəşanlıq edib. Videomaterialda bununla bağlı səfirliyin 1 milyard dollara yaxın investisiya qoymağa hazır olduğu iddiaları öz əksini tapıb.
Daha ətraflı süjetdə:
Tarixə düşən qolu vurdu, sabahısı məktəbə getdi – Fotolar – VİDEO

İrlandiyanın “Şamrok Rovers” klubunun futbolçusu Maykl Nunan avrokuboklar tarixinə düşüb.
O, Konfrans Liqasının pley-off mərhələsində “Molde” il matçda komandasına qələbə gətirən qolu vurub. M.Nunan bununla avrokuboklar tarixində qol vuran ən gənc futbolçu olub.
O, buna 16 yaş 197 günlüyündə nail olub. Maraqlısı budur ki, M.Nunan qolu vurduğu günün sabahısı məktəbə gedib.
Onun tarixə düşən qolu vurduqdan sonra məktəbə getməsi dünya mediasının müzakirə mövzusu olub.

“Pionner” qaldırıcı qurğularına baxış keçirildi, aktlar tərtib edildi – Video

Fövqəladə Hallar Nazirliyinin Sənayedə İşlərin Təhlükəsiz Görülməsi və Dağ-Mədən Nəzarəti Dövlət Agentliyi tərəfindən Bakı şəhərinin Yasamal və Nizami rayonlarının müxtəlif ünvanlarında “Akt ko LTD” MMC, “Rahatlığın Məkanı” MMC, “Karayev City” MTK və “Vesta Construction” MMC tərəfindən istismar olunan ümumilikdə 9 ədəd “Pionner” qaldırıcı qurğusuna baxış keçirilib.
Baxış zamanı qaldırıcı qurğuların istismarında insan həyatı və sağlamlığı üçün təhlükə yarada biləcək pozuntular aşkarlanıb.
Belə ki, qaldırıcı qurğuların istismarı zamanı təhlükəsizlik qaydalarına əməl edilmədiyi, o cümlədən texniki nəzarətin təşkili üçün cavabdeh şəxslərin təyin olunmadığı, qurğuların texniki sənədlərinin olmadığı və kustar üsulla hazırlandığı müəyyən edilib.
Aşkar edilmiş pozuntuların dərhal aradan qaldırılmasının mümkün olmadığı, eləcə də insan həyatı və sağlamlığı üçün yaratdığı təhlükə nəzərə alınaraq, qaldırıcı qurğuların istismarı agentliyin əməkdaşları tərəfindən dayandırılıb, həmçinin cavabdeh şəxslərin iştirakı ilə aktlar tərtib edilib.
Zaqatalada məşhur şəlalə donub – Video

Zaqatalanın məşhur Qanslar şəlaləsi donub.
Bu barədə “soltanoff_foto” səhifəsi paylaşım edib.
Səhifədə paylaşılan görüntülərdə bildirilib ki, video 8 fevral tarixində çəkilib və həmin gün -13 dərəcə şaxta olub. Bu səbəbdən də Qanslar şəlaləsinin yarısı donub.
Həmin görüntüləri təqdim edirik:
Ana olmağa hazırlaşırdı, əri ilə faciəvi şəkildə öldülər – Video

Paytaxtın Suraxanı rayonu, Bülbülə qəsəbəsində ailə faciəsi baş verib.
Fərdi evdə yaşayan Arif Qurbanov və 8 aylıq hamilə xanımı Aytən Qurbanova yaxınları tərəfindən evdə ölü tapılıblar.
Yaxınlarının sözlərinə görə, Aytən Qurbanova iki həftə sonra ana olacaqmış.
Hadisə yerinə təcili yardım briqadası gəlsə də, onların öldükləri müəyyən edilib.
Məlumata görə, Arif Qurbanov 44 günlük Vətən müharibəsində könüllü iştirak edib. O, “Qubadlının azad olunmasına” görə və “Vətən müharibəsi iştirakçısı” medalları ilə təltif olunub.
Hadisə ilə bağlı Suraxanı Rayon Prokurorluğunda araşdırma aparılır.
Daha ətraflı “Xezerxeber-az”ın videomaterialında:
Əhmədlidə ikimərtəbəli bina yandı – Video

Xətai rayonunda yanğın baş verib.
Əhmədli qəsəbəsi Mirzə Davud küçəsində yerləşən evdə açıq alovla müşahidə edilən yanğın qeydə alınıb.
Fövqəladə Hallar Nazirliyindən bildirilib ki, ərazidə təhlükəsizlik tədbirləri görülüb: “112” qaynar telefon xəttinə Bakı şəhəri, Xətai rayonu ərazisində yerləşən ikimərtəbəli yaşayış binasında yanğın baş verməsi barədə məlumat daxil olub.
Məlumatla əlaqədar dərhal FHN-in Dövlət Yanğından Mühafizə Xidmətinin qüvvələri əraziyə cəlb olunub.
Yanğın yanğından mühafizə bölmələri tərəfindən söndürülüb”.
Abşerondakı bu məktəbə bit düşüb? – Video

Abşeron rayonunun Qobu qəsəbəsi 3 nömrəli məktəbdə bit yayıldığına dair iddialar yayılıb.
Şagirdlər bu halla bağlı müəllimlər tərəfindən də təlimatlandırılıblar.
Məktəbin yuxarı sinif şagirdləri isə bildiriblər ki, sözügedən durum daha çox ibtidai siniflərdə yayılıb.
Məktəbdən verilən açıqlamada isə iddialar təkzib olunub.
Ərazi üzrə təhsil idarəsinin açıqlamasında isə məktəbdə sanitar vəziyyətin nəzarətdə saxlanılması üçün mütəmadi profilaktik tədbirlərin görüldüyü qeyd olunub.
Xatırladaq ki, ötən tədris ilində də Sumqayıt şəhəri 14 nömrəli orta məktəbdə sinif otaqlarını bit-birə basması ilə bağlı iddialar yayılmışdı.
Daha ətraflı “Xəzər Xəbər”in videomaterialında:
Həmçinin baxın
Babək prospektindən birbaşa “Gəncliy”ə yol çəkiləcək – Yeni layihə – VİDEO
“ABŞ səfirlik xətti ilə həyata keçirilən maliyyələşməni də təftiş etməlidir” – Video
“Pionner” qaldırıcı qurğularına baxış keçirildi, aktlar tərtib edildi – Video
“Nazirin eynəyini təcili düzəlt dedilər, yandırdım” – 53 ildir eyni yerdə işləyir – VİDEO
Şans, uduşlar və tamaşaçı sevgisi – Çingiz Əhmədov efirə qayıtdı – VİDEO
Azərbaycan və Türkiyə hərbçilərinin Qarsda birgə təlimi başa çatıb – VİDEO
Hərbi Hava Qüvvələrinin aviasiya bölmələri təlim-məşq uçuşlarını icra ediblər – VİDEO
“Azərişıq” güclü qarın yaratdığı qəzaları aradan qaldırmaq üçün fasiləsiz çalışıb – Video
Bizi Facebook-da izləyirsiniz?
Bağla