Ucuz “Google Pixel” smartfonlar seriyasının gözlənilən yenilənməsi köhnəlmiş aparat platforması üzərində qurulacaq. Bu barədə “9to5Google” portalı məlumat yayıb.

“Pixel 5a 5G” smartfonunun məhsuldarlığına eyhamın vurulması “Android 12 Developer Preview 3” kodunda aşkarlanıb. Smartfona “Qualcomm Snapdragon 765G” prosessoru quraşdırılacaq.

Məlumata görə, 2019-cu ildə təqdim edilən bu çip “Pixel 5” və “Pixel 4a 5G” smartfonlarına quraşdırılıb. Bu seçim onunla izah edilir ki, “Google” şirkəti bütün elektronika istehsalçılarının qarşılaşdığı qlobal mikrosxem çatışmazlığı şəraitində yeni qurğunun qiymətini saxlamağa çalışır.

Qiyməti açıqlanmayan “Google Pixel 5a” smartfonunun təqdimatı 2021-ci ilin payızına planlaşdırılır.

Nizam Nuriyev

İstinadlar ict news