Bakıda mağazaya basqın edərək 65 yaşlı kişini öldürən şəxslər saxlanılıb.

Iyunun 1-də səhər saat 06 radələrində 1955-ci il təvəllüdlü Hüseyn Əhmədovun paytaxtın Sabunçu rayonu Kürdəxanı qəsəbəsi ərazisində yerləşən, işlədiyi mağazanın anbarında üzərində zorakılıq əlamətləri olan meyiti aşkar edilib. Daxili İşlər Nazirliyinin Baş Cinayət Axtarış İdarəsi, Bakı Şəhər Baş Polis İdarəsi, Sabunçu RPİ və Dövlət Yol Polisinin birgə keçirdiyi əməliyyat zamanı qətli törətməkdə şübhəli bilinən Tərtər rayon sakini, 1993-cü il təvəllüdlü Fuad Yusifli və Kürdəmir rayon sakini, 1992-ci il təvəllüdlü Sadiq Cəlalov paytaxt ərazisində avtomobil idarə edərkən tutulublar.

Onların qətli törətdikdən sonra mağazadan apardıqları 40 min 98 manat pul və mağazanın müşahidə kamerasının yaddaş bloku götürülüb.

Faktla bağlı Sabunçu rayon prokurorluğunda Cinayət Məcəlləsinin 120.2.11 (quldurluq, hədə-qorxu ilə tələb etməklə əlaqədar adam öldürmə) və 181.3.3-cü (zərərçəkmiş şəxsin sağlamlığına ağır zərər vurulmaqla quldurluq) maddələri ilə başlanan cinayət işinin istintaqı davam etdirilir.