“Microsoft” korporasiyası tezliklə “Windows 10 Mobile” əməliyyat sistemi üçün “Office” əlavələr paketinin dəstəklənməsinin dayandırılacağını açıqlayıb. Belə ki, “Word”, “Excel”, “PowerPoint”, “OneNote” və digər proqramlarda son yenilənmə 10 dekabr 2019-cu ildə olacaq.

21 yanvar 2020-ci ildən etibarən istehsalçı tərəfindən “Windows 10 Mobile” üçün “Office” versiyasının dəstəklənməsi dayandırılacaq. Bu isə o deməkdir ki, bu məhsullardan istifadə edənlər üçün pulsuz texniki dəstək və proqram təminatının təhlükəsizliyi ilə bağlı problemləri aradan qaldıran düzəlişlərlə təmin edilməsi dayandırılacaq. Bundan başqa, ehtiyat surətçıxarma və “Microsoft”un digər daxili servislərinin fəaliyyəti sona yetəcək.

Korporasiya nümayəndələrinin sözlərinə görə, “Windows 10 Mobile” sistemində bütün “Office” əlavələrindən 21 yanvar 2020-ci ildən sonra istifadə mümkün olacaq. olacaq.

“Təhlükəsizlik yenilənmələrinin mövcud olmaması ilə əlaqədar biz telefonda “Office”dən istifadə etmək istəyənlərə “iOS” və ya “Android” əməliyyat sistemləri üçün nəzərdə tutulan aktual “Microsoft Office” paketinə keçməyi tövsiyə edirik. “iOS” və “Android” üçün əlavələr mağazalarında “Word”, “Excel”, “PowerPoint” və “OneNote” ilə yanaşı, “Word”, “Excel” və “PowerPoint” ilə sadə inteqrasiya olunmuş işi təmin edən yeni funksiyalardan yararlanmaq mümkün olacaq”, – “Microsoft” korporasiyasının bəyanatında qeyd olunur.

Oxumağa dəyər:   Bakıda "Haski" oğrusu tutuldu

Nizam Nuriyev

İstinadlar ict news