“Dünya Rusiya Prezidenti Vladimir Putinin nüvə silahı ilə zərbə endirməsinə imkan verməməlidir”.

Bunu Ukrayna dövlət başçısı Volodimir Zelenski “Ouest-France” nəşrinə müsahibəsində bildirib.

Zelenski hesab edir ki, beynəlxalq təzyiqlər Putinə Ukraynaya qarşı nüvə silahından istifadə etməyə imkan verməyəcək. Bununla yanaşı, o, Kreml rəhbərinin növbəti addımlarını heç kimin proqnozlaşdıra bilməyəcəyini bildirib: “Putinin sabah nə edəcəyini kimsə bilmir. Onun üçün həqiqəti danışmaqla yalan söyləmək arasında, demək olar, fərq yoxdur”.

Rusiyada artıq qismən səfərbərliyin icrasına başlanıldığını bildirən Ukraynanın dövlət başçısı müsahibəsində rusları müharibəyə etiraz etməyə çağırıb.

İstinadlar Report