İstanbulda hərbi helikopterin qəzaya uğraması nəticəsində ölən hərbçilərin sayı 4-ə çatıb.
Hadisə nəticəsində 1 hərbçi isə yaralanıb.
*** 12:25
Türkiyədə hərbi helikopter qəzaya uğrayıb.
Hadisə İstanbul şəhərinin Sancaktepe rayonunda baş verib.
Qəza nəticəsində 3 hərbçi həlak olub, biri yaralanıb.
Avstraliyalı mühəndislər tərəfindən təqdim edilmiş “SwagBot” adlı kənd təsərrüfatı robotu kompüter görmə texnologiyasının köməyi ilə özü alaq otlarını tanıya və onları herbisidlərlə çiləyə bilər.
“ICTnews” Elektron Xəbər Xidməti “hightech.”SwagBot” kənd təsərrüfatı robotu 2016-cı ildən istifadə edilir, yenilənmiş qurğu özü alaq otlarını məhv edə bilir. “SwagBot” robotunun tanıdığı alaq otlarının sayı barədə dəqiq məlumat yoxdur. Qurğunun təsvirində deyilir ki, alqoritm Cənubi Amerikada olan “Nassella trichotoma” adlı alaq otlarını dəqiq tanıyır.
“SwagBot” robotu uzun fırlanan təkərləri olan düzbucaqlı formasında hazırlanıb. Qurğu lidar, kamera və idarə sisteminə malik antena ilə təchiz edilib. Bundan başqa, mərkəzi hissənin altında herbisid tozlandırıcısından ibarət balon yerləşir.
Bir neçə gündür ki, Fransa ilə İsrail arasında “Eurovision”la bağlı gərgin anlar yaşanır.Buna səbəb İsrailin ictimai kanalı olan KAN-da yayımlanacaq “Douze Pua” proqramıdır. “Yedioth Ahronot” qəzetinin məlumatına əsasən, veriliş Fransa təmsilçisi Bilal Hassanini homoseksual və terrorçuluqda şübhəli bilinən biri kimi təqdim edib.
Fransa anonsu yayılan verilişlə bağlı İsrailə ultimatum göndərib. Müraciətdə qeyd olunub ki, proqram yayımlanacağı təqdirdə Fransa tərəfi “Eurovision”dan geri çəkiləcək və beynəlxalq layihədə iştirak etməyəcək.
Kanalın rəhbəri Eldad Koblenz isə KAN TV-də sözügedən layihənin yayımlanacağını, mövzu barədə “Eurovision”un rəsmisi Jon Ola Sandla danışıqlar apardığını bildirib.
Sumqayıt şəhərində ağır yol qəzası baş verib.
Hadisə 16-cı məhəllə ərazisində qeydə alınıb.
Belə ki, 30 nömrəli müntəzəm xətt üzrə işləyən sərnişin avtobusu idarəetməni itirərək yoldan çıxıb və yaşayış binasına çırpılıb.
Hadisə nəticəsində 20-dən çox sərnişin yaralanıb.
Yaralılar Sumqayıt Şəhər Təcili Tibbi Yardım Xəstəxanasına çatdırılıb.
Silahlı Qüvvələrin Təlim və Tədris Mərkəzində Silahlı Qüvvələrinin Hərbi Akademiyasının yaranmasının 20-ci ildönümünə həsr olunan tədbir keçirilib.
Müdafiə Nazirliyindən verilən məlumata görə, əvvəlcə ümummilli lider Heydər Əliyevin və ölkəmizin ərazi bütövlüyü, torpaqlarımızın azad edilməsi uğrunda şəhid olanların xatirəsi bir dəqiqəlik sükutla yad edilib.
Sonra Azərbaycan Respublikasının Dövlət himni səsləndirilib.
Təntənəli mərasimdə çıxış edən akademiyanın rəisi general-leytenant Heydər Piriyev ulu öndər Heydər Əliyev tərəfindən əsası qoyulan və Ali Baş Komandan İlham Əliyevin prezidentliyi dövründə inkişafı davam etdirilən ordumuzun gücünün və potensialının mühüm göstəricilərindən biri olan zabit kadrlarının müasir tələblərə cavab verən peşə hazırlığından danışıb və son illər bu sahədə əldə edilən uğurları vurğulayıb.
Sonra tədbirdə çıxış edənlər ordu quruculuğu sahəsində atılan uğurlu addımlardan danışaraq ölkəmizin ərazi bütövlüyü və torpaqlarımızın işğaldan azad edilməsi uğrunda gedən döyüşlərdə akademiya məzunlarının göstərdikləri qəhrəmanlıq və igidlik nümunələrini qeyd ediblər.
Sonda bir qrup hərbi qulluqçu və mülki şəxs qiymətli hədiyyə və fəxri fərmanla mükafatlandırılıb.
Tədbir Həzi Aslanov adına Mərkəzi Zabitlər Evinin yaradıcı kollektivinin konsert proqramı ilə sona çatıb.
Ağır xəstəlikdən əziyyət çəkən Xalq artisti Könül Xasıyevanın sosial şəbəkələrdə müzakirələrə səbəb olan videosu yayılıb.Görüntülər müğənni Mətanət Əsədovanın ad günündə lentə alınıb.
Azərbaycanda şadlıq məclislərində müğənniyə şabaş vermək ənənəsi onu alqışlamağın bir forması kimi başa düşülsə də, bu dəfə yaranmış situasiya acınacaqlı mənzərəyə səbəb olub. Belə ki, ağır xəstəlikdən əziyyət çəkən Könül Xasıyevaya şou-biznes nümayəndələrinin məclisdə növbəyə duraraq nümayişkaranə bir şəkildə pul verməsi, bu mənzərəni telefona çəkməsi təhqiredici bir durum yaradıb. Hətta ad günü sahibəsi sənətçiyə uzatdığı 200 manatlıq əsginazı əlində yellədərək təqdim edib. Bu isə açıq-aşkar xəstəlikdən əziyyət çəkən sənətçiyə dəstək yox, sanki sədəqə uzatmaq anlamı yaradıb. Bəlkə də, onlar bu ucuz reklamın təhqiramiz görüntü yaratdığının fərqində olmayıblar.
Yayılan görüntüləri əlavə şərh vermədən təqdim edirik:
Ermənistanın nəqliyyat naziri Akop Arşakyan “Kilikiya” mərkəzi avtovağzalının tualetindən canlı yayım edib.
Tualetdəki antisanitar vəziyyətdən şoka düşdüyünü deyən nazir bununla bağlı tədbirlər görəcəyini bildirib. Arşakyan “Facebook”dakı canlı yayımında bunları deyib:
“Biz hər şeyi öz adı ilə adlandırmaq, aktual məsələləri qaldırmaq və vəziyyətdən çıxış yolu axtarmaq siyasətimizə davam edirik. Sizinlə avtovağzalın tualeti ilə bağlı təəssüratlarımı bölüşmək istəyirəm. Sanitariya qovşağının vəziyyəti bərbaddır. Tamamilə antisanitariya hökm sürür. Hiss edilir ki, on illərlə burada iş görülməyib. Avtovağzalın normal tualeti, gözləmə zalı olmalıdır. Biletləri almaq üçün normal sistem olmalıdır, sürücülərə şərait yaradılmalıdır”.
Arşakyan yaxın vaxtlarda avtovağzalın infrastrukturunun yaxşılaşdırılması üçün tədbirlər görəcəyinə vəd verib.
Qeyd edək ki, Arşakyanın canlı yayım videosu daha sonra “Facebook” səhifəsindən silinib.
Balakəndə elektron imza üçün notariusa müraciət edən qadına onun ölmüş kimi qeydiyyatda olduğu bildirilib.
42 ildir ki, Rəna Ağamalıyeva adlı Balakən rayon sakini ölmüş olaraq sənədlərə işlənilib. Üç uşaq anası olan qadın özəl bir şirkətdə mühasib işləyir. Son bir ay ərzində elektron imza almaq üçün Balakən rayon notariusuna müraciət etsə də, bu cəhdi uğursuz olub. Notariatlığın elektron sistemində 1977-ci ildən bu günə qədər ölü kimi qeyd olunduğu bildirilib.
Maraqlıdır ki, 2005-ci ildə şəxsiyyət vəsiqəsi almış Rəna Ağamalıyeva bu günə qədər bəzi hüquqi əməliyyatlar etməsinə baxmayaraq, hazırda ölmüş kimi göstərilir. Araşdırma nəticəsində məlum olub ki, 1973-cü ildə anadan olan və 1977-ci ildə dünyasını dəyişən bacısı Sevil Ağamalıyeva əvəzinə Rəna Ağamalıyeva ölmüş kimi qeydiyyata alınıb.
Balakən rayon qeydiyyat şöbəsindən isə bildiriblər ki, vətəndaşa məlumat verilib və rayon məhkəməsinə müraciət etməsi ilə bağlı hüquqi yardım göstərilib.
Astara rayonunun Ərçivan qəsəbəsində tarixi abidə kimi qorunan “Yanar bulaq”da qeyrı-adi təbiət hadisə baş verib.
Yerli sakinlərin məişətdə istifadə etdikləri bulaqdan su ilə birlikdə palçıq püskürüb.
Qəsəbə sakinləri bu hadisəni palçıq vulkanlarının aktivləşməsi ilə əlaqələndirirlər.
Bakıda antisanitar şəraitdə şirniyyat istehsalı və satışı ilə məşğul olan müəssisənin fəaliyyəti məhdudlaşdırılıb.
Qida Təhlükəsizliyi Agentliyindən verilən məlumata görə, Yasamal rayonu, Şeyx Məhəmməd Xiyabani, ev 33 ünvanında yerləşən “Gəncə Cake House”la bağlı yayılmış videoya əsasən qurum tərəfindən araşdırma aparılıb.
Araşdırmalar zamanı müəssisədə sanitar-gigiyena tələblərinə, mal qonşuluğu prinsipinə əməl edilmədiyi, texniki normativ sənədlərin tələblərinin pozulduğu aşkar edilib. Bundan başqa, laborator müayinələr üçün məhsullardan nümunələr götürülərək Qida Təhlükəsizliyi İnstitunun müvafiq laboratoriyalarına göndərilib. Bütün bunları nəzərə alaraq, aşkar olunan nöqsanlar aradan qaldırılanadək müəssisənin fəaliyyətinin məhdudlaşdırılması ilə bağlı qərar qəbul edilib.
Rusiya İnformasiya Təşəbbüsləri Mərkəzinin rəhbəri Fuad Abbasov bir neçə gün öncə Moskvada “Neolit” kafesində azərbaycanlılar və çeçenlər arasında baş vermiş insidentlə bağlı Rusiya hüquq-mühafizə orqanlarına videomüraciət ünvanlayıb. O, bildirib ki, sosial şəbəkələrdə hələ də kiminsə oğurlandığı anla bağlı videokadrlar, ya da morqdan fotolar yayılır. Azərbaycanlı jurnalist hər iki tərəfə səslənərək belə təxribatlara uymamağa çağırıb.
Fuad Abbasov sözügedən hadisədən sonra çeçenlərin həm votsap qruplarında, həm də yutub səhifələrində bir-birinə “azərbaycanlı” gəncin fotosunu göndərərək davanın əsl səbəbkarının o olduğunu, onu taparaq cəzalandıracaqlarını bildiriblər. Bu məqamda Fuad Abbasov etibarlı mənbənin ona çeçenlərin axtardığı gəncin şəxsiyyət vəsiqəsini göndərdiyini bildirərək sənədi efirdə göstərib. Aydın olub ki, həmin şəxs Azərbaycan yox, məhz Ermənistan vətəndaşı, 1993-cü il təvəllüdlü Harnik Aramoviç Vardanyandır.
Araşdırmaçı jurnalist bu şəxsin tapılması və məsələnin aydınlaşdırılması üçün hüquq-mühafizə orqanlarına müraciət edib.
Rusiya Daxili İşlər Nazirliyi Moskvanın Novoyasenevski prospektində yerləşən otellərdən birində adamöldürməyə cəhd və qanunsuz silah saxlamaqda şübhəli bilinən iki Azərbaycan vətəndaşının yaxalandığı anın görüntülərini yayıb.
Söhbət bu il yanvarın 28-də Nijnevartovsk şəhərində kriminal avtoritet Taleh Orif oğlu Əliyevə qəsd edən 23 və 39 yaşlı azərbaycanlı killerlərdən gedir.
Qeyd olunur ki, Nijnevartovskun Marjal Jukov küçəsində 39 yaşlı şəhər sakini evinin qarşısında güllələnib. O, ağır yaralı halda xəstəxanaya yerləşdirilib.
İstintaqa görə, sui-qəsdin sifarişçisi “Lotu Quli” kimi tanınan “qanuni oğru” Nadir Səlifovdur. O, Nijnevartovsk bazarlarına nəzarət uğrunda T. Əliyevi güllələtdirib.
Faktla bağlı cinayət işi açılıb. Hadisədə şübhəli bilinən daha bir nəfər beynəlxalq axtarışa verilib.
“Mash” teleqram-kanalı sui-qəsdlə bağlı yeni məlumat əldə edib. Bildirilir ki, “Lotu Quli”nin Rusiyada müvəkkili Vasif Dünyamalıyev Xantı-Mansiysk muxtar vilayətinə gələrək yerli bazarlara nəzarət üçün razılaşma əldə etmək istəyib. Lakin o, avtoritet Taleh Orif oğlu Əliyevdən rədd cavabı alıb. Bundan sonra tərəflər arasında gərginlik yaşanıb.
“V. Dünyamalıyevə tabe olan, “Malış” ləqəbli Asif Əliyev yanvarın 23-də T. Əliyevlə görüşərək ona artıq biznesini “Lotu Quli”yə təhvil verməli olduğunu deyib. Taleh isə Vasifi qovaraq Nijnevartovska yaxın durmamağı bildirib. Bundan sonra “Malış” Talehin “işini görmək” üçün iki killerlə danışıb. Növbəti günlərdə T. Əliyevə qarşı sui-qəsd cəhdi olub”, – deyə məlumatda vurğulanır.
“Samsung” şirkəti “Galaxy Tab S5e” planşetini təqdim edib.
Bu, Cənubi Koreya şirkətinin ən nazik planşetidir. Onun korpusunun qalınlığı 5,1 mm-dir. Qurğunun çəkisi 400 qr, ekranın diaqonalı isə 10 düym təşkil edir, ekran “Super AMOLED” texnologiyası üzrə hazırlanıb, təsvir ölçüsü 2560×1600 pikseldir.
“Galaxy Tab S5e” planşeti “Android 9 Pie” mobil əməliyyat sisteminin idarəetməsi altında işləyir. Həmçinin bu planşet “Bixby 2.0” səs köməkçisini dəstəkləyir.
Planşet orta sinfə məxsus qurğu kimi təqdim edilir. “Snapdragon 670” prosessoru ilə təchiz edilib. 7040 milliamper/saat tutumunda olan akkumulyator 14,5 saat müddətində avtonom işləməyə imkan verir.
Bu gün səhər Bakının Ziya Bünyadov prospekti ilə Azadlıq prospektinin kəsişməsindəki “Karl Marks” dairəsində qəza olub.
Taksi fəaliyyəti ilə məşğul olan 99 BA 273 dövlət nömrə nişanlı “Mercedes” markalı avtomobil, xanım polis kapitanın idarə etdiyi 99 LR 515 dövlət nömrə nişanlı “KİA Sportage” markalı maşınla toqquşub. Hər iki avtomobilə ciddi ziyan dəyib.
Hadisə yerinə gələn polis əməkdaşlarının verdiyi məlumata görə, hadisə taksi sürücüsünün səhvi ucbatından baş verib. Belə ki, “Mercedes” “KİA”nın hərəkətinə maneə yaradıb.
Qəza nəticəsində hər iki istiqamətdə tıxac əmələ gəlib.
Rusiya Prezidenti Vladimir Putin Soçi şəhərində cüdo yığmasının üzvləri ilə bir araya gəlib.
“Yuq-sport” idman zalında baş tutan görüşdə dövlət başçısı kimano geyinərək əvvəlcə isinmə hərəkətləri edib, daha sonra yığmanın üzvləri ilə güləşib.
Prezident çempion Beslan Mudranovla güləşi zamanı sağ əlindəki barmağını zədələyib.
Adi plasterlə barmağını sarıyan Putin yenidən məşqə davam edib.
Bakı Nəqliyyat Agentliyi “Tütün məmulatlarının istifadəsinin məhdudlaşdırılması haqqında” Azərbaycan Respublikasının Qanunundan irəli gələn bəzi məsələlərin icrası ilə bağlı layihəyə başlayıb.
Layihəyə əsasən Bakı şəhərinin inzibati ərazisində müntəzəm marşrut xətti üzrə sərnişin avtobuslarından istifadə edən sərnişinlər sükan arxasında tütün məmulatından istifadə edən sürücünün inzibati qaydada məsuliyyətə cəlb edilməsində iştirak edə bilər. Bunun üçün sürücünün xəta törətməsini aydın əks etdirən foto çəkilməli, avtobusun eyniləşdirmə və ya dövlət qeydiyyat nömrəsi, marşrut xəttinin nömrəsi barədə məlumatları Agentliyin facebook sosial şəbəkəsindəki rəsmi səhifəsinə və ya “Tütün” başlığı ilə [email protected] elektron ünvanına göndərilməlidir. Məlumatlar xətanın aşkar edildiyi andan 24 saat müddətinədək təqdim edilməlidir. Xətanı törədən sürücünün İnzibati Xətalar Məcəlləsinə uyğun olaraq məsuliyyətə cəlb edilərək 40 manatdan 50 manatadək məbləğdə cərimələnməsi həyata keçiriləcək.
Bakı Nəqliyyat Agentliyi ictimai nəqliyyatda etik davranış qaydalarına əməl edilməsi sahəsində birgə mübarizənin əhəmiyyətli olduğunu bildirir və sərnişinləri aktiv olmağa dəvət edir.
Qeyd edək ki, rüblük olaraq daha çox inzibati xəta göndərən (məlumatları rəsmiləşdirilən) sərnişin mükafatlandırılacaq.
Dağıstanın Kizlyar şəhərində anbarlardan birində antisanitar şəraitdə qeyri-qanuni olaraq saxlanılan min kiloqramdan çox quşçuluq məhsulları aşkarlanıb.
İstehlakçı hüquqlarının qorunması üzrə Federal Xidmətin əməkdaşları anbara baxış zamanı məhsulları ələ keçiriblər.
Araşdırmalar zamanı anbarı Azərbaycan vətəndaşının kirayələdiyi, onun ölkə ərazisində qanunsuz biznes fəaliyyəti ilə məşğul olduğu məlum olub.
Həmin şəxsin kimliyi araşdırılır, ona qarşı cinayət işi açılacaq.
Bağla
