
Türkiyə və Avropa İttifaqı (Aİ) 6 il ərzində ilk dəfə iqtisadi dialoq üzrə yüksək səviyyəli iclas keçirməyi planlaşdırır.
Bunu Avropa Komissiyasının genişlənmə məsələləri üzrə üzvü Marta Kos Brüsseldə Avropa Parlamentinin Xarici İşlər Komitəsində çıxışı zamanı bildirib.
O, keçən il Aİ-nin Ankara ilə dialoqun aktivləşdirilməsi barədə qərar qəbul etdiyini xatırladıb.
“Bu ilin mart-aprel aylarında Türkiyə ilə iqtisadiyyat üzrə yüksək səviyyəli iclas keçirməyi planlaşdırırıq”, – Avropa komissarı bildirib.
M.Kos həmçinin vurğulayıb ki, Avropa İttifaqı Türkiyənin suriyalı qaçqınlara yardım göstərilməsi istiqamətində səylərini yüksək qiymətləndirir.