Abşeron rayonunun Saray qəsəbəsində yol-nəqliyyat hadisəsi baş verib.
Bu haqda FHN məlumat yayıb.
Bildirilib ki, Fövqəladə Hallar Nazirliyinin (FHN) “112” qaynar telefon xəttinə hadisə ilə əlaqədar xilasedici köməyinə ehtiyac yaranması barədə məlumat daxil olub.
Məlumatla əlaqədar FHN-nin Xüsusi Riskli Xilasetmə Xidmətinin müvafiq xilasetmə qüvvələri çağırış üzrə cəlb olunub.
Əməliyyat şəraiti qiymətləndirilərkən müəyyən olunub ki, “Mercedes” markalı minik avtomobili və “İveco” markalı yük avtomobili toqquşub, 1 nəfər minik avtomobilində sıxılmış vəziyyətdə qalıb.
Həyata keçirilən tədbirlər nəticəsində 1 nəfərin meyiti nəqliyyat vasitəsindən çıxarılaraq aidiyyəti üzrə təhvil verilib.
***
Saray qəsəbəsində baş verən qəzada ölənlərin sayı artıb.
Qəza nəticəsində 2019-cu il təvəllüdlü Hüseynli Mehdi, 2016-cı il təvəllüdlü Hüseynli Hüseyn,1984-cü il təvəllüdlü Hüseynova Nərminə və 1989-cu il təvəllüdlü Hüseynli Nurəngiz xəsarət alaraq xəstəxanaya yerləşdirilib.
Məlumata görə, dünyasını dəyişən Məryəm Rusiyada təhsil alırmış. O, Azərbaycana sənəd düzəltmək üçün gəlib.
