Açıq məkanda reklamla əlaqəli süni zəka tətbiq ediləcək, “Reklama İntellektual Nəzarət Sistemi” yaradılacaq.

Bu barədə Azərbaycan Dövlət Reklam Agentliyinin İdarə Heyətinin sədri Aydın İbadov məlumat verib.

Onun sözlərinə görə, reklam yerləşdirilməsinə icazə alınmasının asanlaşdırılması məqsədilə mobil tətbiq hazırlanacaq.

A.İbadov açıq məkanda mövcud reklam qurğularının “Reklam Məlumat Mərkəzi”nin hazırlanaraq reklam yayıcılarının istifadəsinə veriləcəyi barədə də danışıb: “Reklam yayıcısı həmin sistemə daxil olmaqla onu maraqlandıran ərazidə bütün mövcud reklam daşıyıcıları haqda ətraflı məlumat almaq, istəyinə uyğun reklam daşıyıcısını seçmək və birbaşa həmin daşıyıcı üzərində reklam yerləşdirmək imkanı əldə edəcək. Bu layihənin həyata keçirilməsi reklam yayıcısının işini asanlaşdırmaqla yanaşı, həm reklam daşıyıcılarının qeydiyyatı sahəsində şəffaflığı təmin edəcək, həm də açıq məkanda reklam sahəsində fəaliyyət göstərən sahibkarların işini daha da stimullaşdıracaq”.

İstinadlar Report