Rusiya sülhməramlılarının müvəqqəti olaraq yerləşdikləri Azərbaycan ərazisindəki ermənilər separatçıların tör-töküntülərinin zülmünə etiraz ediblər.

“Novosti Armeniya”nın yaydığı məlumata görə, etirazçılar separatçıların tör-töküntüsünə başçılıq edən Araik Arutyunyanın rüşvətxorluq etdiyini bildiriblər : “Araik Arutyunyan torpaqları zəbt edib. Deyirlər ki, guiya 100-ə yaxın kəndli (Azərbaycan ərazisində yaşayan erməniləri nəzərdə tutur- red. ) texnikaya görə təzminat alıb. Ancaq kimdən soruşuruq, aldım deyən yoxdur. Ancaq adamı olanın zənglərinə cavab verilir. İşsizlər yardım edilimir”.

Qeyd edək ki, onlar İrəvanda Ermənistan hökumətinin binası qarşısında etiraz aksiyası keçiriblər.

İstinadlar Report