Almaniya kansleri Angela Merkel ilə Rusiya Federasiyasının prezidenti Vladimir Putin arasında telefon danışığı olub.

Bu barədə Kremlin mətbuat xidməti bildirib.

Qeyd edilir ki, Almaniyanın hökumət başçısı ilə Rusiyanın dövlət rəhbəri Liviyada yaranmış vəziyyəti müzakirə ediblər. Danışıqlarda əsas diqqət bu ölkədə yaranmış böhran probleminin həllinə ayrılıb.

Putin və Merkel Liviyada vəziyyətin pisləşməsinə yol verilməməsinin və dinc sülh dialoqunun yenilənməsi ehtiyacının əhəmiyyətini qeyd ediblər.

Putin Rusiyanın bu istiqamətdə Almaniyanın və BMT-nin vasitəçilik səylərinə kömk etməyə hazır olduğunu təsdiq edib.

Tərəflər həmçinin Ukrayna məsələsini və enerji təhlükəsizliyini də müzakirə ediblər.

İstinadlar Report