Xəbər verdiyimiz kimi, Prezident İlham Əliyev Soçidəki “Valday” forumunda çıxışı zamanı Ermənistanın Baş Naziri Nikol Paşinyanın “Qarabağ-Ermənistanın bir hissəsidir və nöqtə” bəyanatına cavab verib.
Ölkə başçısı çıxışında Ermənistanın işğalçı siyasətini xatırladaraq “Qarabağ – Azərbaycandır və nida işarəsi” fikrini səsləndirib.
Preizdentin çıxışının tam videosunu təqdim edirik:
“YouTube” videohostinqi son on ilin ən populuyar kliplərinin siyahısını açıqlayıb.2010-cu ildən kliplər 37 milyard dəfədən çox izlənilib.
Ən çox baxılan Luis Fonsi və Daddy Yankee-nin “Despacito”ya çəkdirdikləri klip olub. Video 2017-ci ildə işıq üzü görüb və indiyədək 6,5 milyarddan çox baxış sayı toplayıb.
İkinci yerdə 4, 5 milyard baxış sayı olan Ed Şiranın “Shape of you” klipidir. Şiran sözügedən siyahıya iki dəfə düşən yeganə ifaçı olub. Belə ki, onun “Thinking Out Loud” mahnısına çəkdirdiyi klipi 10-cu yeri tutub.
Üçüncü yerdə “See you again” mahnısına çəkdirdiyi klipi ilə Viz Halifa qərarlaşıb.
Həmçinin top-10-da Castin Biberin “Sorry”, Keti Perrinin “Roar”, Maroon 5-in “Sugar”ı yer alıb.
“ASAN xidmət” növbəti sosial rubrikaya start verib.
Rubrika çərçivəsində hazırlanan #xidmətdəMədəniyyət videoçarxında düzgün xidmət göstərməklə yanaşı düzgün xidmət almağın da vacibliyi diqqətə çatdırılıb.
Bakıda vətəndaşların üzərinə bıçaqla hücum edənlərin şəxsiyyətləri və hadisənin təfərrüatı məlum olub.
Polis tərəfindən saxlanılan şəxslər – Yevlax rayon sakini Yasin Abdullayev və Mahmud Məmmədovdur.
Məlum olub ki, hər iki şəxs ötən gecə paytaxtın Nizami küçəsində yerləşən marketlərdən birindən spirtli içki oğurlayan zaman mağazanın işçiləri tərəfindən saxlanılıb. Onlar bu zaman üzərlərində olan bıçaqla qarşı tərəfə və küçədə olan vətəndaşlara hədə-qorxu gəlməyə başlayıblar.
Daha sonra hadisə yerinə polis əməkdaşları gələrək onları saxlayıblar.
Faktla bağlı araşdırma aparılır.
Hadisə ilə bağlı yeni görüntüləri təqdim edirik:
“Azərenerji” Açıq Səhmdar Cəmiyyəti sentyabr ayında Şüvəlan qəsəbəsində istismara verilən 400 meqavatlıq “Şimal-2” Elektrik Stansiyasında daha bir irəliləyiş edib.
ASC-nin Mətbuat xidmətindən verilən məlumata görə, Cənubu Qafqaz regionunda ən yüksək faydalı iş əmsalına malik “Şimal-2” Elektrik Stansiyasının ərazisində Kiçik Su Elektrik Stansiyası tikilib. Belə ki, indiyədək “Şimal-2″nin buxar turbininin kondensatorunun soyudulması üçün Xəzər dənizindən götürülən su geri dönərək yenidən dənizə tökülürdüsə, artıq geri qayıdan həmin su yeni tikilən Kiçik Su Elektrik Stansiyasına daxil olur və suyun kinetik enerjisindən istifadə edilməklə enerji alınır.
Kiçik SEs-in tikintisi yerli mütəxəssislər tərəfindən aparılıb və montaj prosesində yerli mütəxəsislərlə yanaşı xarici mütəxəssislər də iştirak edib. Stansiyanın tikintisi, sifariş verilən avadanlıqların gətirilməsi və montajı bir neçə ayın içində yekunlaşdırılıb.
300 kilovatlıq Kiçik Su Elektrik Stansiyası vasitəsi ilə il ərzində 2,5 milyon kilovat saata yaxın elektrik enerjisi alınacaq ki, bu da ölkənin ikinci böyük elektrik stansiyası olan “Şimal-1” və “Şimal-2” elektrik stansiyalarının təsərrüfat ehtiyaclarını ödəməklə daxili tələbatına sərf olunacaq. Nəticədə, bu günə qədər “Şimal” Elektrik Stansiyasının daxili tələbatına sərf olunan elektrik enerjisi qənaət edilərək ümumi sistemə ötürüləcək.
Qeyd dək ki, “Azərenerji” ASC “Şimal” Elektrik Stansiyasında olduğu kimi digər elektrik stansiyalarında da analoji olaraq qayıdan sudan faydalanıb əlavə enerji istehsal etmək niyyətindədir. Artıq “Cənub” Elektrik Stansiyasının daxilində də belə bir kiçik su elektrik stansiyasının tikilməsi planlaşdırılıb.
Bakının mərkəzində, Nizami küçəsində, Fəvvarələr meydanı deyilən ərazidə 2 gənc dekabr ayı, soyuq olmasına baxmayaraq geyimlərini soyunaraq əllərində bıçaqla özlərinə xəsarət yetiriblər.
Onların bu hərəkətindən çəkindirməyə çalışan ətrafdakı insanları da bıçaqla təhdid ediblər. Polisin xəbərdarlığına məhəl qoymayan xuliqanlar, tabe ol əmrindən boyun qaçırıblar. Soyuq silahı əlindən buraxmayan iki gənc hətta polisə də yaxınlaşacağı təqdirdə onlara xəsarət yetirəcəyini bildiriblər.
Bir neçə dəqiqəlik xəbərdarlıqdan sonra polis iki xuliqanı saxlayıb və asayiş bərpa olub.
ABŞ-ın “Sarcos Robotics” şirkəti insana çəkisi 90 kiloqrama bərabər yükü qaldıran zaman 4,5 kiloqramlıq ağırlığı hiss etməyə imkan verən “Guardian XO” ekzoskeletinin seriyalı versiyasını təqdim edib.
Şirkət ekzoskeletin yaradılmasına bir neçə il sərf edib. Massiv konstruksiya kəmər və xüsusi jilet vasitəsilə insana bərkidildikdən sonra robot insanın hərəkətlərini təkrarlamağa başlayır. Mütəxəssislərin sözlərinə görə, robot və insan arasında səylərin nisbəti 20:1 təşkil edə bilər. “Guardian XO” elektromotorlar vasitəsilə hərəkətə gətirilən çoxlu bölmələrdən ibarətdir. Onların işi həm mexaniki, həm də proqram baxımından məhdudlaşdırılıb.
Robotun əl-ayaqlarındakı qarmaqları görülən işdən asılı olaraq dəyişdirmək mümkündür. Robotun akkumulyatorunun işləmə müddəti 2 saata bərabərdir. Zərurət yarandıqda batareyanı asanlıqla əvəzləmək olar. İş prosesi zamanı enerji kəsiləndə isə robotun əlləri qəflətən yox, yavaş-yavaş aşağı salınacaq.
“Sarcos Robotics” şirkəti ekzoskeleti illik 100 min dollar olmaqla icarəyə verməyi planlaşdırır.
Nizam Nuriyev
Rusiyanın şimalındakı Murmansk şəhərindəki tərsanədə təmir edilən təyyarə daşıyan kreyserdə baş verən yanğın nəticəsində 6 nəfər xəsarət alıb, onlardan 1-nin vəziyyəti ağırdır.
Yerli qurumlardan verilən məlumata görə, yanğın gəminin enerji qurğusunda aparılan qaynaq işləri zamanı qığılcımdan dizel yanacağının alışması səbəbindən başlayıb və 120 kvadratmetr sahəyə yayılıb.
Hadisə yerinə yanğın xidmətinin üç bölməsi cəlb edilib.
“Apple” şirkəti dekabrın 10-da iyunda təqdim edilən və peşəkarlar üçün nəzərdə tutulan “Mac Pro” kompüterinin, eləcə də “6K” təsvir ölçülü 32 düymlük “Pro Display XDR” monitorlarının satışına başlayıb.
Yeni “Mac Pro” fərdi kompüteri nüvə sayı 28 təşkil edən “Intel Xeon” prosessorları ilə təchiz edilib. Operativ yaddaş tutumu 1,5 terabayta bərabərdir. Kompüterə 4 ədəd “Radeon Pro Vega II” videokartı quraşdırmaq mümkündür. Qurğu, həmçinin 8 daxili “PCI” slotu, iki “Thunderbolt” portu, iki “USB=А” portu, iki “Ethernet” portu və qulaqcıq üçün 3,5 millimetrlik çıxışla təchiz olunub. Kompüterin ən qabaqcıl konfiqurasiyası “8К” təsvir ölçülü 3 və “4К” formatlı 12 videonun eyni anda göstərilməsini dəstəkləyir.
“Pro Display XDR” monitoru 6016*3384 piksel təsvir ölçüsünə malikdir. Quraşdırılmış ventilyasiya sistemi monitora maksimal 1000 kandel kvadratmetr parlaqlıqla fasiləsiz işləməyə imkan verir, displeyin parlaqlıq səviyyəsi isə 1000000:1 təşkil edir. Monitordan ayrılan altlıq ekranın mailliyini və dönməsini tənzimləməyə imkan verir. Bir “Mac Pro” kompüterinə eyni anda 6 “Pro Display XDR” monitoru qoşmaq olar.
Kompüterin 8 nüvəli “Intel Xeon” prosessoru, “Radeon 580x” videokartı və “256 GB SSD” ilə təchiz edilən əsas versiyasının qiyməti 5999 dollara bərabərdir. “6K” formatlı displeyin ən ucuz versiyasının qiyməti 4999 dollardır. Beləliklə, fərdi kompüter və monitorun daxil olduğu ən ucuz dəstin qiyməti 11 min dollara çatır. “Mac Pro” kompüterinin ən bahalı versiyası 52 599 dollardır.
Nizam Nuriyev
Heydər Əliyev Fondu Ümummili lider Heydər Əliyevin anım günü ilə bağlı videoçarx hazırlayıb.
Ekran işində uşaqlar məşhur “Xalq Heydər söyləyəcək” mahnısını ifa ediblər.
Sözügedən layihənin çəkilişləri Heydər Əliyev Mərkəzində baş tutub.
Xatırladaq ki, həmin bəstənin sözləri Kamala, musiqisi Baba Vəziroğluya məxsusdur.
ABŞ-ın “Nike” idman kompaniyası müsəlman qadınlar üçün çimərlik geyimi (“kupalnik”) hazırlayıb.”Victory Swim” kolleksiyası 2020-ci il fevralın 1-dən bütün firma mağazalarında satışa çıxarılacaq.
Tamamilə bağlı çimərlik kostyumu və ayrıca üzmək üçün nəzərdə tutulmuş hicab tez quruyan parçadan hazırlanıb, hansı ki, həm də günəşdən qoruyur.
Qeyd edək ki, 2017-ci ildə kompaniya müsəlman qadınlar üçün idman hicabı buraxmışdı.
Çinin Heilonqjianq şəhər sakini xəstəxanada hamilə həyat yoldaşı üçün etdiyi jesti ilə dünya gündəminə çevrilib.
Müayinə olunmaq üçün həkim qəbulunu gözləyən qadın yorulduğundan əyləşmək istəyib. Ancaq bütün yerlərin tutulduğunu görən qadın çıxılmaz vəziyyətdə qalıb. Bu zaman isə onun köməyinə əri çatıb.
Əyilərək həyat yoldaşı üçün stul rolunu oynayan kişi qısa zamanda dünyanın müxtəlif yerlərində müzakirə olunmağa başlayıb və onun bu addımı alqışlanıb.
FHN-in müvafiq qüvvələri tərəfindən Bakı şəhəri Binəqədi rayonu ərazisində yerləşən “EuroHome” tikinti materialları bazarında baş verən yanğının söndürülməsi istiqamətində işlər davam etdirilir.
verilən məlumata görə, tikinti materiallarının yanğından mümkün qədər mühafizəsi məqsədilə Fövqəladə hallar nazirliyinin ərazidəki müvafiq qüvvələri səfərbər olunub.
Məmmədov
Fövqəladə Hallar Nazirliyi “EuroHome” tikinti materialları bazarında baş verən yanğından yeni görüntülər yayıb.
Azərbaycan 24 helikopterdən çəkilən görüntüləri təqdim edir:
Səhər saatlarında “Eurohome” Ticarət Mərkəzində başlayan yanğın hələ də davam edir.
“Qafqazinfo” yanğından fotoları təqdim edir:
Noyabrın 27-də Bakıda keçirilən “Elm, din və fəlsəfə” adlı konfransda çıxış edən dünya şöhrətli geoloq, İstanbul Texniki Universitetinin professoru Cəlal Şengör tələbələrlə söhbəti əsnasında birmənalı qarşılanmayan fikirlər səsləndirib.
Professor tələbələrin “Sizcə, türklər modern çağda niyə cahil buraxıldı” sualına professorun cavabı belə olub:
” Xeyr, türklər cahil buraxılmadı. Türklər cahil qaldılar, özləri özlərini cahil etdilər. Ən cahil türklər müsəlman türklərdir. Müsəlmanlara qoşulduqları zaman İslamiyyətin XI əsrdəki tənəzzülü türkləri də özü ilə sürüklədi və xüsusilə mənim fikrimcə, Osmanlı dövləti Türk tarixinin ən aşağı nöqtəsidir. Yəni osmanlılar nə təhsilə əhəmiyyət verdilər, nə də başqa şeyə”.
Cəlal Şengörün sözləri sosial şəbəkələrdə mübahisələrə səbəb olub.
Bakıda atası və ögey anası tərəfindən işgəncələrə məruz qalan Hüseyn və Qulunun nənəsi Tamaşa İbrahimova açıqlama verib.
“Qafqazinfo”ya danışan qadın nəvələrinin başına gətirilənlərdən söz açıb.
Qeyd edək ki, Bakıda yaşayan Qulu və Hüseyn adlı qardaşların anası onlar körpə ikən vəfat edib. Himayəsində qaldığı ataları, Ağcabədi rayon sakini Xəqani Əkbərov isə adlı qadınla ailə qurub. Bundan sonra uşaqların atası həyat yoldaşı ilə birlikdə hər iki oğluna müxtəlif işgəncələr verib. Hər iki valideynin uşaqlara əzab verməsi ilə bağlı toplanmış materiallar cinayət işinin başlanması məsələsinə baxılması üçün Sabunçu Rayon Prokurorluğuna göndərilib”.
Tural Hüseynli
Bağla
