Niderland Krallığının paytaxtı Amsterdamda polislə koronavirus məhdudiyyətlərinə etiraz edən aksiyaçılar arasında bir neçə toqquşma baş verib.

Bundan əvvəl Amsterdam bələdiyyəsi, prokurorluq və polis təşkilatçıların tədbirin təhlükəsiz keçirilməsini təmin etməkdən imtina etdiyinə görə yanvarın 2-də şəhərdə COVID-19 ilə mübarizə məhdudiyyətlərinə qarşı nümayişi qadağan edib Bu, iştirakçıların sayının 3,5 minə qədər məhdudlaşdırılmasını nəzərdə tuturdu. Bununla belə, təşkilatçılar 25 000 insanın iştirak edəcəyini gözlədiklərini və şəhər boyu yürüş etmək niyyətində olduqlarını bildiriblər.

Aksiya zamanı polis etirazçılara qarşı xidməti itdən istifadə edib. Qeyd edilir ki, qarşıdurma zamanı azı 1 nəfər xəsarət alıb.

Nəsimi rayonunda yerləşən obyektlərdən birinin mis naqillərini kəsərək oğurlayan şəxs mühafizə polisləri tərəfindən saxlanılıb.

Xüsusi texniki vasitələrlə qorunan obyektdən Baş Mühafizə İdarəsinin Kompüterləşdirilmiş Mərkəzi Mühafizə Məntəqəsinə “həyəcan” siqnalı daxil olub. Nəsimi Rayon Mühafizə İdarəsinin əməkdaşları tərəfindən hadisəyə operativ reaksiya göstərilib. Əraziyə gələn polislər obyektə baxış keçirən zaman bir nəfərin elektrik naqillərini kəsərək oğurlayıb qaçmasının şahidi olublar. Polislər hadisəni törətməkdə şübhəli bilinən əvvəllər məhkum olunmuş Asif Əbdürrəhmanovu saxlayaraq ərazi üzrə 19-cu Polis Şöbəsinə təhvil veriblər.

Faktla bağlı araşdırmalar davam etdirilir. Həmin şəxsin paytaxt ərazisində digər analoji cinayətlər törədib-törətmədiyi araşdırmaların yekunundan sonra məlum olacaq.

Qeyd edilib ki, bu ilin 5 ayı ərzində Nəsimi Rayon Mühafizə İdarəsinin əməkdaşları tərəfindən rayon ərazisində mühafizə olunan müxtəlif obyektlərdən ümumilikdə 8 oğurluğa cəhd edilib. Bu cəhdlərin qarşısı idarənin əməkdaşları tərəfindən alınıb. Həmin hadisələr üzrə və ümumən ictimai asayışı pozan 12 nəfər saxlanılaraq ərazi üzrə polis şöbə və bölmələrinə təhvil verilib.

Bundan başqa, hesabat dövründə Nəsimi Rayon Mühafizə İdarəsinin əməkdaşları tərəfindən rayon ərazisində 1 nəfərin intihar etmək cəhdinin qarşısı alınıb.

Fövqəladə Hallar Nazirliyinin Dövlət Yanğın Nəzarəti Xidməti səlahiyyətlərinə uyğun olaraq, ölkədə yanğın təhlükəsizliyinin təmin edilməsi məqsədilə zəruri tədbirlərin görülməsini davam etdirir.

Bu çərçivədə Dövlət Yanğın Nəzarəti Xidməti tərəfindən Bakı şəhəri, Qaradağ rayonu, Sahil qəsəbəsində “Az Steel Company” MMC-yə məxsus ərazidə istismara yararsız yük gəmisində aparılan doğrama işləri ilə əlaqədar yoxlama zamanı yanğın təhlükəsizliyi sahəsində çoxsaylı nöqsanların mövcud olduğu, həmin nöqsanların insan həyatı və ya sağlamlığına, ətraf mühitə və dövlətin əmlak maraqlarına birbaşa təhlükə yaratdığı müəyyən edilib. Belə ki:

– obyektin ərazisi, doğrama işləri aparılan sahələr neft və mazut tullantılarından təmizlənməyib;

– açıq alovun tətbiqi ilə işlər icra edilərkən yanar konstruksiyaları qığılcımlardan qorumaq üçün obyektin ərazisi gəzdirilən çəpərlərlə hasarlanmayıb;

– açıq od ilə icra edilən iş yerləri, qaynaq aqreqatları və transformatorların qurulduğu yerlər 5 metr radiusda hər cür yanar materiallardan təmizlənməyib;

– obyektin ərazisində elektro-qaz qaynaq işləri zamanı nasaz cihazlarla işləmək qadağan edilməyib;

– obyektin ərazisində yanğın baş verdikdə zəruri davranış qaydaları və yanğının söndürülməsinin təşkilinə dair tədbirlər görülməyib;

– obyektin yanğın təhlükəsizliyinin təmin edilməsi üçün əmrlə (təlimatla) yanğına qarşı rejim müəyyənləşdirilməyib;

– obyektdə elektrik enerjisinin kəsilməsi halları nəzərə alınaraq, xidməti heyət ehtiyat elektrik generatoru ilə təmin edilməyib;

– obyekt ilkin yanğınsöndürmə vasitələri və odsöndürən balonlarla tam təmin olunmayıb.

Beləliklə, mövcud vəziyyət onu göstərir ki, obyektin istismarının davam etdirilməsi nəticəsində orada hər an baş verə biləcək yanğın qısa müddətdə genişlənərək faciəni qaçılmaz edəcək.

Qeyd olunanları nəzərə alaraq, yanğın təhlükəsizliyi norma və qaydalarının pozulması səbəbindən baş verə biləcək yanğın hadisələrindən insanların həyatının və sağlamlığının, dövlətin əmlak maraqlarının, milli sərvətin, ətraf mühitin, bütün mülkiyyət növlərinin qorunması məqsədilə, “Yanğın təhlükəsizliyi haqqında” Azərbaycan Respublikası Qanununun 25-ci maddəsinin 9-cu bəndini, “Sahibkarlıq sahəsində aparılan yoxlamaların tənzimlənməsi və sahibkarların maraqlarının müdafiəsi haqqında” Azərbaycan Respublikası Qanununun 28-ci maddəsini, eləcə də “Azərbaycan Respublikası Fövqəladə Hallar Nazirliyi Dövlət Yanğın Nəzarəti Xidməti haqqında Əsasnamə”nin 9.7-ci bəndinin tələblərini rəhbər tutaraq, yanğın təhlükəsizliyi norma və qaydalarının tələblərinin pozulması faktları aşkar edilmiş Bakı şəhəri, Qaradağ rayonu, Sahil qəsəbəsində “Az Steel Company” MMC-yə məxsus ərazidə istismara yararsız doğranmaqda olan yük gəmisində işlərin dayandırılması barədə Qərar qəbul olunub.

Son vaxtlar dünyada baş verən qiymət artımı Həcc ziyarəti ilə bağlı məsələlərə də təsir edib. 

Bunu ARB 24-ə açıqlamasında QMİ-nin sədr müavini Salman Musayev deyib.

O bildirib ki, Bakıdan gediş-gəliş üçün zəvvarlara çəkilən bütün xərclər 5350 ABŞ dollarına daxildir:

“Səudiyyə Ərəbistanının qəbul etdiyi qərarlar əsasında, qiymətlər xeyli artıb. Hətta zəvvarların sağlamlıq məsələlərinin qorunması da ödənişə daxildir. Əvvəlki illərdə bunların hamısı ödənişsiz idi. Amma bu il bu xərclər də ziyarət səfərinin qiymətinin üzərinə gəlib”.

Qeyd edək ki, bu il Azərbaycana Həcc ziyarəti üçün 680 nəfərlik kvota ayrılıb.