“15 iyun 2021-ci il tarixində Azərbaycanla Türkiyə arasında tarixi Şuşa Bəyannaməsi imzalandı. Bununla da rəsmən Türkiyə-Azərbaycan münasibətləri müttəfiqlik səviyyəsinə yüksəlib. Ancaq mən düşünürəm ki, bir qədər öncəki tarixə nəzər salsaq, Azərbaycan-Türkiyə münasibətlərinin dərin tarixə malik olduğunu görərik. Bu qardaşlıqdır, ortaq etnik mədəniyyət bağlarıdır”.

Bunu Azərbaycan xarici işlər naziri Ceyhun Bayramov deyib.

“Lakin biz son 30 ildən az olan müddət ərzində iki müstəqil dövlət olaraq münasibətlərimizin inkişafına baxsaq görərik ki, nə qədər böyük və sürətli yol keçmişik. Azərbaycan-Türkiyə münasibətləri olduqca müsbət və intensiv inkişaf edirdi. Bunlar hamısı göz önündə idi və bütün sahələrdə çox ciddi bir yaxınlaşma, çox ciddi bir əməkdaşlıq mövcud idi”, – XİN başçısı vurğulayıb.

O qeyd edib ki, bütün bunlarla yanaşı 2020-ci il sentyabrın 27-də başlayan və 44 gün davam edən Vətən müharibəsi zamanı Türkiyə Azərbaycanın yanında olub.

Nazir vurğulayıb ki, nəinki sülh, hətta savaş zamanı da Türkiyənin Azərbaycana göstərdiyi dəstək ən yüksək səviyyədə olub. C.Bayramov söyləyib ki, Prezident Rəcəb Tayyib Ərdoğan başda olmaqla, bütün Türkiyə rəsmiləri, siyasi partiyaları, Türkiyə Böyük Millət Məclisi üzvləri, bütün türk milləti 44 günlük Vətən müharibəsi zamanı Azərbaycanın yanında oldu:

İstinadlar Report