Bu ilin may-avqust aylarında Naxçıvan Muxtar Respublikasında 4 691 obyektdə uçot məlumatlarının dürüstləşdirilməsi aparılıb və bu zaman vergi ödəyicilərinin faktiki uçot məlumatları ilə vergi orqanlarının uçot baza məlumatlarının müqayisəsi ilə 12 542 kənarlaşma aşkarlanıb.
Bununla yanaşı, təsərrüfat obyektlərinin mövcudluğu, vergi ödəyicilərinin və obyektlərinin fəaliyyət növü, təsərrüfat subyektinin (obyektinin) vəziyyəti (aktiv, passiv), obyektdən istifadə hüquqlarının araşdırılması, sahəsi və digər uçot məlumatları dəqiqləşdirilib. Dürüstləşdirmə dövründə 361 ədəd köhnə nəsil nəzarət kassa aparatı (NKA) qeydiyyatdan çıxarılıb, 279 ədəd yeni nəsil NKA-nın və 302 ədəd POS-terminalın tətbiqi təmin edilib.
Azərbaycan24 sosial şəbəkələrdə
İstinadlar Report
