Monteneqroda URA vətəndaş hərəkatının deputatları və bir sıra müxalifət partiyaları ölkə parlamentinə hazırkı hökumətə etimadsızlıq təşəbbüsü təqdim ediblər.

Bu barədə URA lideri, baş nazirin müavini Dritan Abazoviç mətbuat konfransında bildirib.

Parlamentə təqdim olunan təşəbbüsdə deyilir ki, etimadın yoxlanılması müasir demokratiyanın əsas postulatlarından biridir. Təşəbbüsün dəstəklənməsi üçün tələb olunan 27 imza toplanıb.

Sənəd Monteneqronun “Demokratik Cəbhəsi” və Milo Cukanoviçin Sosialistlərin Demokratik Partiyasının daxil olmadığı azlıq hökumətinin yaradılmasını tələb edən Dritan Abazoviçin rəhbərlik etdiyi “Ağ-Qara” koalisiyasının təşəbbüsü ilə hazırlanıb.

Hökumətə etimadsızlığın səbəbi kimi beş məqam göstərilib. Səsvermənin vaxtı daha sonra açıqlanacaq.

İstinadlar Report