Dünən Gəncədə məktəb direktorunun intihara cəhd etməsi ilə bağlı bəzi məqamlar üzə çıxıb.

Məlumata görə, İ. Qayıbov adına 1 nömrəli tam orta məktəbin direktoru, 1960-cı il təvəllüdlü Mətanət Qarayeva Üçtəpə qəsəbəsində yerləşən evində tək olarkən intihar məqsədilə 14 ədəd dərman həbi içib.

Daha sonra vəziyyətinin ağırlaşdığını görərək bacısına zəng edib. Dərhal M.Qarayevanın evinə gələn bacısı onun huşsuz halda qaldığını görüb və təcili tibbi yardım maşını ilə M.Qarayeva Göygöldəki xəstəxanaya çatdırılıb.

Hazırda onun vəziyyətinin orta-ağır olduğu və həkim nəzarətində saxlanıldığı bildirilir. Hələlik M.Qarayevanı dindirmək mümkün olmayıb.

Faktla bağlı araşdırma aparılır.

Nizam Rza

İstinadlar Qafqazinfo