
Fransa Prezidenti Emmanuel Makron yaxın ətrafı ilə parlament seçkilərində sağçıların qalib gələcəyi təqdirdə dövlət başçısı vəzifəsindən istefa vermək imkanını müzakirə edir.
Bu barədə “Europe 1” radiostansiyası məlumat yayıb.
“Prezidentin istefası tabu deyil. Bu gün bütün ssenariləri nəzərdən keçirmək lazımdır”, – radiostansiya Makronun yaxın adamlarından birinin sözlərini sitat gətirib.
Qeyd olunub ki, Makronun özü son həftələrdə həmsöhbətlərindən biri ilə bu “son tədbirlər ssenarisini” müzakirə edib.
Əlavə edək ki, Avroparlamentə seçkilərdə fransız ekstremist partiyalar Makronun partiyasından iki dəfə çox səs toplayıb. Ardınca təcili ölkə parlamentini buraxaraq yeni seçkilər təyin edən Makronun partiyası yenidən məğlubiyyətlə üzləşsə, onun istefadan başqa çıxış yolu qalmayacaq. Seçkilər 30 iyun və 7 iyul tarixlərində keçiriləcək.