“Dağlıq Qarabağda 30 illik ədalətsizliyin sona çatmasına qatqımız oldu. Erməni işğalı sona çatdı və problemin həlli istiqamətində ümidlər ilk dəfə artdı. Dünənə qədər ortalıqda görünməyən, açıqca ermənilərə dəstək olan Minsk Qrupunun rəhbərliyi və bəzi ölkələrin narahatlığının önəmi yoxdur”. 

Bu sözləri Türkiyə Prezidenti Rəcəb Tayyib Ərdoğan bu barədə Ədalət və İnkişaf Partiyasının bu gün keçirilən iclasında qeyd edib. 

Ərdoğan Rusiya Prezidenti Vladimir Putinlə telefon danışığından da söhbət açıb: “Dünən hörmətli Putinlə ətraflı bu mövzularda danışığımız oldu. Nə kimi addımlar ata biləcəyimiz barədə müzakirə apardıq. Rusiya- Türkiyə- Azərbaycan bölgədə sülhü daim tutacaq. 

Dəmir yolu və magistral nöqtədə qərbdən şərqə və şimaldan cənuba nəqliyyat prosesini idarə edə biləcəyik və azərbaycanlı qardaşlarımızın öz torpaqlarına qayıtmasına imkan verəcəyik. İlham Əliyev qardaşımla danışdım, atılan addımları dəyərləndirdik. Kəlbəcər dünən tamamilə boşaldıldı. Kəlbəcərdən keçmə imkanını azərbaycanlı qardaşlarımız tapmış oldu. Qarabağda Azərbaycan bayrağı dalğalanmağa başlayır. Hər kəs meydandakı yeni reallığa uyğun münasibət qurmalıdır”. 

İstinadlar Qafqazinfo