“Mən sonuncu dəfə nə vaxt mətbuat konfransı təşkil etmişəm, yadımda deyil. Ara-sıra yerli jurnalistlər gileylənirdi ki, nədən Prezident İlham Əliyev mətbuat konfransı təşkil etmir? Mən hesab edirəm ki, hər bir şeyin vaxtı var”.

Bunu Prezident İlham Əliyev bu gün keçirilən mətbuat konfransında deyib.

Dövlət başçısı qeyd edib ki, müharibə dövründə 30-dan artıq müsahibə verib:

“Mən həqiqəti dünyaya çatdırmaq istəyirdim. Xalqımızın buna ehtiyacı var idi. Bu gün xüsusi bir gündür. Mənə məlumat veriləndə ki, xarici jurnalistlər qrupu burdadır, düşündüm bu konfrans üçün yaxşı imkandır. Əgər siz gəlməsiydiniz bu mətbuat konfransı yəqin ki, baş tutmazdı”.