İsveçrənin ikinci ən böyük bankı olan “Credit Suisse”in İdarə Heyətinin sədri Antonio Orta-Osorio 2021-ci ildə COVID məhdudiyyətlərini 2 dəfə pozduğuna görə istefaya gedib.

Onu bu vəzifədə Aksel Leman əvəz edib.

Orta-Osorio banka və onun bankı təmsil etməsinə xələl gətirmiş bəzi hərəkətlərindən peşman olduğunu bildirib.

Onunla bağlı aparılmış daxili araşdırma zamanı məlum olub ki, iyul ayında Antonio Orta-Osorio karantin tələbinə riayət etmədən Uimbldon tennis turnirinin yarımfinalında tamaşaçı qismində iştirak edib. O, noyabr ayında isə İsveçrədə 10-günlük karantin qaydasını pozub.

İstinadlar Report