İsrailin xarici işlər naziri Katz deyib ki, İran İsrailə hücum etmək qərarına gəlib.
Bu barədə Yerusəlim Post məlumat yayıb.
İranın mesajını Macarıstanın xarici işlər naziri vasitəsilə İsrailə çatdırdığı bildirilir.
İranın İsrailə hücum etmək qərarına gəldiyini, xarici işlər naziri İsrael Katz İslam Respublikası ilə yəhudi dövləti arasında birbaşa müharibəyə səbəb ola biləcək hər hansı növbəti hərbi əməliyyatın qarşısını almaq üçün intensiv diplomatik səylər fonunda bəyan edib.
İranın mesajı Macarıstanın xarici işlər naziri Peter Szijyarto vasitəsilə İsrailə çatdırılıb və o, Katza birbaşa zəng edərək bu məlumatı İranın xarici işlər naziri vəzifəsini icra edən Əli Baqeridən aldığını izah edib.
“İran bizə İsrailə hücum etmək niyyətində olduğunu bildirib” deyən Katz, “Dünya İrandan etdiyi hər hansı təcavüzkar hərəkətə görə qiymət tələb etməlidir” söyləyib.
Baqeri bəhreynli həmkarı Əbdüllətif bin Rəşid Əlzayani ilə söhbətində ölkəsinin HƏMAS-ın siyasi lideri İsmayıl Haniyənin keçən həftə Tehranda öldürülməsinə cavab vermək əzmindən danışıb.
“Sionist rejimin genişlənən pis əməllərinə qarşı susmaq regional sabitliyə zərər verəcək və onun son hərəkətlərinə biganəlik bu rejimə stimul verməyə bərabərdir” – Baqeri deyib.
Hücuma görə məsuliyyəti İsrail açıq şəkildə öz üzərinə götürməsə də, təkzib də etmir.
Birləşmiş Ştatlar İranın hücumunun yaxın 48 saat ərzində baş verə biləcəyini bildirir.
