İspaniya hökuməti yerli sakinlər arasında təbii fəlakətlə mübarizə aparması ilə bağlı artan narazılıq səbəbindən daşqından zərər çəkmiş bölgələrə daha çox əsgər göndərəcək.
“İspaniya ordusu xəsarət alanlara və ehtiyacı olanlara yardım etmək üçün həftəsonu təxminən 5 000 əsgər göndərib. Daha 2 500 nəfər onlara qoşulacaq”, – krallığın müdafiə naziri Marqarita Robles deyib.
Hava limanının operatoru AENA-dan bildirilib ki, Barselonanın qismən su altında qalan “El Prat” hava limanından yola düşməli olan 50-yə yaxın reys ləğv edilib və ya uzun müddət gecikdirilib, 17 geridönüş reysi isə başqa hava limanlarına yönləndirilib.
Xilasedicilər cəsədlərin axtarışı, yeraltı dayanacaq və qarajların təmizlənməsi üçün dron və su nasoslarından istifadə edirlər.
