Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə “Obyektiv” Milli Dəyərlərin Təbliğinə Dəstək İctimai Birliyi “İşgəncələr məbədi – Şuşa həbsxanası” adlı sənədli film hazırlayıb.

“Qafqazinfo” xəbər  verir ki, sənədli filmin müəllifi tanınmış telejurnalist Mübariz Əsgərovdur.

Filmin çəkilişləri işğal dövründə Şuşa şəhərində azərbaycanlı əsir və girovların saxlandığı, amansız işgəncələrə məruz qaldığı, həndəvərində kütləvi məzarlıq aşkar olunan Şuşa həbsxanasında aparılıb, filmdə əsir və girovluqdan azad edilənlər başlarına gətirilənlər, şahidi olduqları hadisələrlə əlaqədar dəhşətli faktlar açıqlayıb.

Ermənistan uzun illər zənn edirdi ki, işğal etdiyi Şuşa həmişəlik onundur və buradakı cinayətlərinin üstü heç vaxt açılmayacaq. “İşgəncələr məbədi-Şuşa həbsxanası” sənədli filmində Ermənistanın beynəlxalq konvensiyalara, humanitar hüquqa, əsir və girovlarla rəftar qaydalarına zidd olaraq, insanlıq əleyhinə törətdiyi müharibə cinayətləri faktlarla ifşa edilir.

“Obyektiv” Milli Dəyərlərin Təbliğinə Dəstək İctimai Birliyi ərsəyə gətirdiyi bu filmlə xarici ölkələrdəki vətəndaş cəmiyyəti təsisatlarını, insan hüquq və azadlıqlarını müdafiə edən beynəlxalq təşkilatları aşkara çıxan faktlara diqqət yetirməyə, onlar barəsində məsələlər qaldırmağa çağırış edir.

Sənədli filmdə müəllif əminliyini bildirir ki, Ermənistan törətdiyi müharibə cinayətlərinə görə məsuliyyətdən qaça bilməyəcək.

Filmdə mövzu ilə əlaqədar zəruri informasiya dəstəyinə, müvafiq köməkliyə və sənədlərlə tanışlıq üçün hərtərəfli şərait yaradılmasına görə Əsir və itkin düşmüş, girov götürülmüş vətəndaşlarla əlaqədar Dövlət Komissiyasına xüsusi təşəkkür edilir.

37 dəqiqəlik sənədli filmin ingilis və rus dillərinə də tərcüməsi nəzərdə tutulur.

Sğzügedən sənədli filmi təqdim edirik:

“Azərişıq” ASC tərəfindən həyata keçirilən yenidənqurma layihəsi çərçivəsində bütün regionlarda olduğu kimi Xaçmaz Regional Enerji Təchizatı və Satışı İdarəsinin ərazisinə daxil olan kəndlərdə də genişmiqyaslı işlər davam etdirilir.Xaçmaz rayonunda artıq 7 kənddə – Yürgüc, Əhmədoba, Hacıəhmədoba, Sərkərli, Üçgün, Padar və Armudpadar kəndlərində işlər yekunlaşıb. 

Uzunoba, Xanoba və Şıxlı kəndlərində isə işlər davam etdirilir.

İşlərin yekunlaşdığı kəndlərdən biri də Xaçmazın 600-ə yaxın abonenti olan Yergücdür. Yenidənqurma işləri çərçivəsində 7 KTM, 150-ə yaxın 10 kv dayaq və 15 km-dən artıq 10 kv-luq kabel xətti həmçinin 900-ə yaxın 0.4 kv dayaq, 20 km uzunluğunda 0.4 kv-luq sip kabel xətti çəkilib. Köhnə elektrik şəbəkəsinin kənd sakinləri üçün yaratdığı problemlər geridə qalıb.

Hacıəhmədoba kəndində də yenidənqurma işləri başa çatıb. Abonentləri fasiləsiz və dayanıqlı elektrik enerjisi ilə təmin etmək üçün yeni KTM-lər quraşdırılıb, köhnə dayaqlar yenisi ilə əvəzlənib, eyni zamanda kabel xətləri də müasirləri ilə əvəz olunub.

Digər kəndlərdə də yenidənqurma işləri yekunlaşdıqdan sonra Xaçmaz rayonunda ümumilikdə 15 minə yaxın sakin keyfiyyətli, dayanıqlı və fasiləsiz elektrik enerjisi ilə təchiz olunacaq.

Xəbər verdiyimiz kimi, Nyu-Yorkda səfərdə olan Türkiyə Prezidenti Rəcəb Tayyib Ərdoğan amerikalı milyarder İlon Maskla görüşüb. Mask görüşə oğlu X ilə gəlib.

Görüş zamanı Ərdoğanla Mask arasında maraqlı dialoq yaşanıb.

Belə ki, Ərdoğan milyarderə “Həyat yoldaşın haradadır?” deyə sual ünvanlayıb.

Mask isə cavabında “O hazırda San Fransiskodadır. Biz ayrılmışıq və buna görə də oğluma mən baxıram” deyib.

Dialoqun görüntüləri sosial mediada maraqla qarşılanıb.

Xatırladaq ki, 3 yaşlı X İlon Mask və kanadalı müğənni Qraymsın övladıdır. Cütlük 2018-ci ildə münasibətə başlayıb və 2 ildən sonra X dünyaya gəlib. Mask və Qrayms 2021-ci ildə ayrıldıqlarını elan ediblər.

Senytabrın 18-i saat 09:00-a olan məlumata əsasən ölkə ərazisində arabir leysan xarakterli yağış yağıb, ayrı-ayrı yerlərdə yağıntılar intensiv və güclü olub.

Bu Milli Hidrometeorologiya Xidmətindən bildirilib.

Qeyd olunub ki, Şahdağda, Zaqatala rayonunun dağlıq ərazilərində qar yağıb.

Düşən yağıntının miqdarı: Astarada 121 (aylıq normanın 61%-i) , Balakəndə 111 (aylıq normanın 131%-i), Zaqatalada (aylıq normanın 112%-i) 95, Qaxda (aylıq normanın 38%-i) 45, Yardımlıda 20, Qusarda 19, Xaltanda 16, Xınalıqda 14, Qubada 12, Şahdağda 11, Ağdamda 10, Lənkəran, Xaltan, Şəki , Xaçmaz, Qobustan, Neftçala, Göyçay, Cəfərxan, Qəbələ, Oğuz, Tərtər, Biləsuvar, Şirvan, Sabirabad, İmişli, Zərdab, Yevlax, Mingəçevir, Şabran, Daşkəsən, Gəncədə 9, Bakı və Maştağada 5, Sumqayıtda 4, Binə və Pirallahıda 2 mm-dək olub.

Rəsmi məlumata görə, sentyabrın 17-i saat 23:00 radələrində Zaqatala rayonuna diametri 8-10 mm olan dolu düşüb.

Hazırda Zaqatala rayonu ərazisindən keçən Talaçaydan, Şəki rayonu ərazisindən keçən Şinçaydan sel keçir.

Qrız, Qusar, Şahdağ və Lerikdə duman müşahidə olunub.

Şimal-qərb küləyi əsib, arabir Zaqatala və Balakəndə 25, Neftçalada arabir 20, Naftalanda arabir 18, Bakıda və Abşeron yarımadasında arabir 25-27 m/s-dək güclənib. Neft Daşları stansiyasının məlumatına əsasən dalğanın hündürlüyü 4.6 metrə çatıb.

Fövqəladə Hallar Nazirliyinin “112” qaynar telefon xəttinə Kürdəmir şəhəri, Bakı prospektində yanğın baş verməsi barədə məlumat daxil olub.

Fövqəladə Hallar Nazirliyindən verilən xəbərə görə, FHN-in Dövlət Yanğından Mühafizə Xidməti Kürdəmir Rayon Yanğından Mühafizə Hissəsinin qüvvələri yanğının baş verdiyi əraziyə cəlb olunub.

Hadisə yerində əməliyyat şəraiti qiymətləndirilərkən yanğının vətəndaşa məxsus dərzi sexində baş verdiyi və genişlənərək bitişik digər tikililərə, o cümlədən tikinti materiallarının satışı mağazalarına keçmə riskinin yüksək olduğu müəyyən edilib.

Yanğınsöndürmə qüvvələrinin çevik və peşəkar fəaliyyəti sayəsində yanğın genişlənməsinə imkan verilmədən qısa müddətdə söndürülüb.

Yanğın nəticəsində yanğın baş verən ümumi sahəsi 16m2 olan taxta konstruksiyalardan ibarət dərzi sexi, eləcə də ona bitişik ümumi sahəsi 50m2 olan digər dərzi sexinin lambirdən ibarət tavanı 15m2 sahədə və plastik qapısı yanıb.

Sexin qalan hissəsi və bitişik tikinti materiallarının satışı mağazaları yanğından mühafizə olunub.

Azərbaycanın istedadlı şairi Qulu Ağsəs yeni yazdığı şeirini “Qafqazinfo”ya təqdim edib.

 Həmin şeiri oxucuların ixtiyarına veririk:

Bu beşgünlük dünyada 

ürəyimdən şənbə seyrinə çıxmaq keçdi, 

arzu dediyin 

can evində ən şuluq kirəkeşdi;

Bütün yanıq ciyərlərin 

qərarı qətidi: 

ən gözəl xətt – 

su xəttidi;

Bəlkə də xırda detaldı: 

viran evləri işğaldan 

uçuq daxmalar qutardı;

Qadınla qələbə hardasa əkizdi: 

yoxsa heç biri belə şəstlə 

sinəsin qabağa verməzdi;

…İlk sevgi şeirim 

mənə dostluq yollayıb instaqramda

(şəklin də çəkmişəm, telefonda durur),

görün nə yazır:

“ikini ikiyə vurarlar,

amma bir bir(in)ə

özü vurulur… “

Xəbər verdiyimiz kimi, bu gün Tacikistanın paytaxtı Düşənbə şəhərində “Dostluq Axşamı” konsert proqramı keçirilib.

Azərbaycan Prezidenti İlham Əliyev və Mərkəzi Asiya Dövlət Başçılarının 5-ci Məşvərət görüşündə iştirak edən prezidentlər konsertə baxıblar.

Konsertdə musiqisi Vüqar Mirzəyevə, sözləri Orxan Mürvətliyə aid “Əzizim” mahnısı da ifa edilib.

Qeyd edək ki, sözügedən mahnı Xalq artisti Eyyub Yaqubovun ifasında daha çox məşhurlaşıb.

Həmin anın görüntülərini təqdim edirik:

Milli Hidrometeorologiya Xidmətinin senytabrın 14-ü saat 18:00-a olan məlumatına əsasən Çilov adası, Cəfərxan, Neftçala, Biləsuvar, Yardımlıda şimşək çaxıb, arabir leysan xarakterli yağış yağıb.

Xidmətdən verilən məlumata görə, havanın temperaturu Bakıda və Abşeron yarımadasında 23 dərəcəyədək, Naxçıvan MR-da 27 dərəcəyədək, Aran rayonlarında 27 dərəcəyədək, dağlıq rayonlarda 16 dərəcəyədək isti qeydə alınıb.

Burkina-Faso Prezidenti İbrahim Traorenin CBC TV-yə verdiyi eksklüziv müsahibə bu ölkənin mediasında geniş işıqlandırılıb.

RTB dövlət teleradio şirkəti ölkə başçısının toxunduğu məsələlərdən süjetlər hazırlayıb və öz sosial platformalarında paylaşıb.

Yeri gəlmişkən, həmin paylaşımlar da böyük auditoriya tərəfindən izlənilib və İbrahim Traorenin səsləndirdiyi fikirlərə həmrəylik göstərənlər çox olub. Şərhlərdə istifadəçilər Fransanın postmüstəmləkə siyasətini pisləyib, Burkina-Fasonun müstəqil siyasət yürütməyinin vacibliyini vurğulayıblar.

“İmperializm təəssübkeşlərinə rəhm edilməlidir!”, “Fransa ilə əlaqələri tam kəsmək lazımdır!”, “Nəhayət ki ölkə öz qorxularını üstələdi”, – şərhlərdə bildirilir.

Qeyd edək ki, CBC TV-yə eksklüziv müsahibəsində İbrahim Traore ölkədə baş verən son hadisələrdən danışıb. Dövlət başçısı postmüstəmləkə asılılığından azad olunmağın, Burkina-Fasonun digər ölkələrdən təcrid olub-olmamasına, Fransanın ölkəsi ilə mövcud əlaqələrinin yaxşılaşdırılması üçün hansı addımlar atmalı olduğuna və digər məsələlərə aydınlıq gətirib.

Müsahibəni CBC TV-nin YouTube kanalından (https://youtu.be/IXWrhx63FSg?si=CuJ_FaV752dyYXWz linkinə keçid edərək) izləyə bilərsiniz.

“Radiodiffusion Tvision du Burkina” Qərbi Afrika Burkina Faso dövlətinin milli yayımçısıdır. “Radiodiffusion Television du Burkina”nın baş ofisi paytaxt Uaqaduquda yerləşir. RTB 12 oktyabr 1959-cu ildə yayımlanmağa başlayıb.

Avropalı komissar İlva Yohansson Avropa Komissiyasının rəhbəri Ursula von der Leyenin çıxışı zamanı corab toxuması ilə gündəmə gəlib.

Bu barədə məlumatı Fransanın “Vətənpərvərlər” partiyasının rəhbəri Florian Filippo öz “X” hesabında paylaşıb. 

Onun sözlərinə görə, Leyenin Avropa İttifaqındakı vəziyyət barədə Avropa parlamentindəki çıxışı o dərəcədə yorucu olub ki, onun komissarlarından biri o danışarkən toxumağa üstünlük verib: “Və bu yüksəkgəlirli şəxslər sizin taleyinizi həll edir! İnanılmazdır”, – deyə Filippo qeyd edib. 

Qeyd edək ki, sentyabrın 11-dən 14-nə qədər Strasburqda Avropa parlamentinin plenar sessiyası keçirilib. Ursula von der Leyen isə Aİ-də vəziyyətlə bağlı illik hesabatla çıxış edib.

Əməkdar artist Qoçaq Əsgərov “Kərkük” türküsünü ifa edib.

Xanəndənin duet ortağı türkəsilli Aliyə Əziz olub.

Qeyd edək ki, ABŞ-da yaşayan Aliyə Əzizin atası Kərkükdən, anası isə yamaykalıdır. Musiqi ilə həvəskar səviyyədə məşğul olan A.Əziz Türkiyədə jurnalistika üzrə təhsil alır.

Həmin ifanı təqdim edirik:

Xəbər verdiyimiz kimi, Prezident İlham Əliyev bu gün iki min şagird yerlik Xırdalan şəhər 11 nömrəli tam orta məktəbin yeni binasının açılışında iştirak edib.

“Qafqazinfo” açılış mərasimindən görüntüləri təqdim edir: