Rusiyalı jurnalist Yuliya Yuziki İranda saxlanılıb.

Bunu Rusiyanın İrandakı səfirliyinin mətbuat attaşesi Andrey Qanenko bildirib.

Diplomatın sözlərinə görə səfirlik hazırda məsələni araşdırır.

Bildirilib ki, oktyabrın 4-də jurnalist Boris Voysexovski “Facebook” səhifəsində Yuzikin Tehranda saxlanılması ilə bağlı məlumat yayıb: “Dünən (oktyabrın 3-də – red.) Tehranda saxlanılıb. Onu həbsxana kamerasına yerləşdiriblər. Şənbə günü (oktyabrın 6-da – red.) onun məhkəməsi olacaq. O, 10 il müddətinə azadlıqdan məhrum edilə bilər”.

Onun sözlərinə görə, Yuzik bir neçə il əvvəl Tehranda müxbir olaraq işləyib və bu yaxınlarda onu yenidən ölkəyə dəvət ediblər: “Tehranda hava limanında onun pasportunu alıblar. Bildiriblər ki, İrandan gedən qaytaracaqlar. Anca inqilab keşikçiləri qvardiyasının əməkdaşları onun gecələdiyi mehmanxananın qapısını sındıraraq Yuliyanı aparıblar. Dünən Moskvaya zəng etmək üçün ona bir dəqiqə danışmağa icazə veriblər”.

O deyib ki, kamerada yerdə oturub. Onu İsrailin xüsusi xidmət orqanları ilə əməkdaşlıqda ittiham edirlər: ” Bu isə azı 10 il həbs deməkdir”.

Oxumağa dəyər:   Tramp: "Türkiyəyə qarşı yeni sanksiyalara ehtiyac yoxdur"

Yuzikin qızı anasının “Facebook”dakı səhifəsində faktı təsdiqləyib.

Bildirilib ki, 2016-cı ildə o, Xalq Azadlıq Partiyası Şimal Qafqaz regional qrupunun başçısı kimi dövlət dumasına namizədliyini irəli sürüb.

İstinadlar Report