Pakistan və Hindistan sərhədində gərginlik yüksək səviyyədə qalır, tərəflər atıcı silahlardan atəş açmağa davam edirlər.

Bu barədə “Reuters” agentliyi məlumat yayıb.

Hindistan atəşin Pakistan tərəfindən atıcı silahlardan açıldığını iddia edir. Bildirilib ki, Hindistan hərbçiləri arasında xəsarət alanlar yoxdur.

İslamabad isə öz növbəsində bu məlumatlarla bağlı hələ ki şərh vermir.

Kəşmirdə baş verən son qanlı insident sonrası Hindistan Pakistanı ittiham edərək ordusunu müharibəyə hazır vəziyyətə gətirib.