Xəbər verdiyimiz kimi, Azərbaycan cüdoçusu Hidayət Heydərov Paris-2024-də qızıl medal qazanıb.

Azərbaycan Cüdo Federasiyası yarışdan 2 həftə öncə cüdoçunun yaxınları və məşqçisinin də müsahibəsi yer alan reportaj hazırlayıb.

Həmin müsahibələrdə Hidayətlə bağlı bir sıra maraqlı məqamlardan bəhs olunub. Onun mübarizə əzmindən söz açılıb. 26 yaşında Dünya çempionu titulunu hədəflədiyi, bunun üçün gecə-gündüz çalışdığı qeyd olunub.

Məlumat üçün deyək ki, cüdoçunun 3 gün öncə 27 yaşı tamam olub. Onun bu yaşındakı ilk uğuru da məhz Olimpiya çempionluğu oldu.

Həmin reportajı təqdim edirik:

Bakı Dövlət Peşə Təhsil Mərkəzinin tələbələri arasında kütləvi dava düşüb.

Hadisə ötən axşam Xətai rayonu Məhsəti küçəsi 5 a ünvanında qeydə alınıb.

Belə ki, hadisə nəticəsində 19 yaşlı Elmir Nəsirov bədəninin 5 nahiyəsindən xəncər zərbəsi alıb.

Yaralı ağır vəziyyətdə Respublika Neyrocərrahiyyə Xəstəxanasına yerləşdirilib.

DİN-in Mətbuat xidmətinin əməkdaşı polis leytenantı Elbrus İbrahimov bildirib ki, paytaxtın Xətai rayonunda bir nəfərin kəsilmiş-deşilmiş xəsarətlərlə xəstəxanaya yerləşdirilməsi barədə polisə daxil olmuş məlumat üzrə araşdırma başlanılıb.

Əməli törədən şəxsin və ya şəxslərin müəyyən olunması istiqamətində polis əməkdaşları tərəfindən tədbirlər görülür.

***

Tibbi Ərazi Bölmələrini İdarəetmə Birliyindən (TƏBİB) “Qafqazinfo”nun sorğusuna belə cavab verildi: “2005-ci il təvəllüdlü şəxs 17.09.2024-cü il tarixdə saat 19:35-də Respublika Neyrocərrahiyyə Xəstəxanasının Təcili tibbi yardım şöbəsinə ambulator olaraq müraciət edib və həkim-neyrocərrah tərəfindən müayinə olunub. Hər iki bud və sol baldır nahiyədə  kəsilmiş-deşilmiş yara diaqnozu təyin edilən şəxsə zəruri tibbi xidmət göstərilib. Pasiyent təcili tibbi yardım briqadası ilə çoxprofilli xəstəxanaya təxliyə olunub”.

Daha ətraflı videomaterialda:

Bakı Dövlət Peşə Təhsil Mərkəzinin tələbələri arasında kütləvi dava düşüb.

Hadisə ötən axşam Xətai rayonu Məhsəti küçəsi 5 a ünvanında qeydə alınıb.

Belə ki, hadisə nəticəsində 19 yaşlı Elmir Nəsirov bədəninin 5 nahiyyəsindən xəncər zərbəsi alıb.

Yaralı ağır vəziyyətdə Respublika Neyrocərrahiyyə Xəstəxanasına yerləşdirilib.

DİN-in Mətbuat xidmətinin əməkdaşı polis leytenantı Elbrus İbrahimov bildirib ki, paytaxtın Xətai rayonunda bir nəfərin kəsilmiş-deşilmiş xəsarətlərlə xəstəxanaya yerləşdirilməsi barədə polisə daxil olmuş məlumat üzrə araşdırma başlanılıb.

Əməli törədən şəxsin və ya şəxslərin müəyyən olunması istiqamətində polis əməkdaşları tərəfindən tədbirlər görülür.

Daha ətraflı videomaterialda:

Xəbər verdiyimiz kimi, bu gün səhər saatlarında Bakı səhərində ağır tıxac olub. 

Ən böyük tıxac isə Xətai rayonu, 8 Noyabr prospektində müşahidə olunub.

Uzun tıxac məktəbə və işə gedənlərin işini çətinləşdirib.

Hərəkət olmadığından bəzi avtobus sürücüləri və sərnişinlər nəqliyyat vasitələrini tərk ediblər.

Avtomobil Yolları Dövlət Agentliyindən “Xəzər Xəbər”ə bildirilib ki, hazırda 8 Noyabr prospektində təmir işləri aparılır, tıxac da bununla əlaqədardır.

Bakı Şəhər Dövlət Yol Polisi İdarəsindən isə bildirilib ki, tıxacın aradan qaldırılması istiqamətində zəruri addımlar atılıb.

Mövzu ilə bağlı telekanalın videomaterialını təqdim edirik:

CBC telekanalının istehsalı olan “Doğma sahillər” sənədli filmi Smaraqdni Ekoloji Film Festivalının (SEFF) ekoloji mövzular müsabiqəsində nümayiş olunacaq.

Bu telekanaldan məlumat verilib.

Bildirilib ki, unikal film festivalı artıq 17 ildir keçirilir. Dünya ekofəallarını bir araya gətirən tədbirdə nümayiş olunan filmlər ekoloji maarifləndirməni artırmaq və ekovandalizmin qarşısını almaq məqsədi daşıyır.

Festival sentyabrın 25-29-da Xorvatiyanın Duqa-Resa şəhərində keçiriləcək. Sənədli filmin bu qədər maraq doğuracağı və Smaraqdni Ekoloji Film Festivalında nümayiş ediləcəyi CBC telekanalı üçün də gözlənilməz olub.

“Doğma sahillər” sənədli filmi vaxtilə Yaxın Şərqin ən böyük gölü olan, İranın etnik azərbaycanlıların yaşadığı vilayətində yerləşən Urmiya gölünün quruması ilə yaranan ekoloji fəlakətə həsr edilib. Film Urmiya gölünün qurumasının ekosistemə, yerli əhalinin sağlamlığına və bölgənin mədəniyyətinə dağıdıcı təsirlərindən bəhs edir. Su səthinin 95 faizini itirmiş Urmiya gölünün quruma problemi təkcə bu bölgə üçün deyil, bütün dünya üçün vacib ekoloji və sosial məsələdir.

Sənədli filmi buradan izləyə bilərsiniz:

Paytaxtın Nəsimi və Yasamal rayonları ərazisində ümumilikdə dörd ünvanda vətəndaşlar mənzildə bağlı qapı arxasında köməksiz vəziyyətdə qalıb. 

Bu barədə Fövqəladə Hallar Nazirliyi (FHN) məlumat yayıb. 

Bildirilib ki, məlumatlarla əlaqədar Xüsusi Riskli Xilasetmə Xidmətinin xilasediciləri çağırış üzrə cəlb olunublar.

Xilasedicilər tərəfindən həyata keçirilən xilasetmə tədbirləri nəticəsində 3-ü azyaşlı olmaqla 5 nəfər xilas edilib.

Xankəndi Qarabağ Universitetinin ilk tələbələrini qarşılayıb.

Tələbələr bir neçə gün əlavə vaxtlarının olmasından istifadə edərək Xankəndi şəhəri və ətraf ərazilərlə tanış olublar.

Onu da deyək ki, tələbələr öz yaşadıqları bölgələrdən gələrkən onları 2 nəfər ailə üzvü müşayiət edə bilər.

Qeyd edək ki, ilk tədris ilində Qarabağ Universitetində 1104 tələbə təhsil alacaq.

Ətraflı “Xəzər Xəbər”in süjetində:

Elm və təhsil naziri Emin Əmrullayev Bilik Günü münasibətilə müəlim, şagird və təhsil işçilərini təbrik edib.

Bu barədə Elm və Təhsil Nazirliyi məlumat yayıb. 

Belə ki, nazir öz təbrikində bildirib ki, bu gün ilk dəfə olaraq Azərbaycan bütün əraziləri üzərində öz suverenliyini bərpa etdikdən sonra Bilik Günü qeyd edilir: “İnanıram ki, bu tədris ili hər birimiz üçün uğurlu olacaq. Bütün müəllim və şagirdlərimizə uğur arzulayıram”. 

Həmin təbrik videosunu təqdim edirik:

FHN-in “112” qaynar xəttinə Abşeron rayonu, Mehdiabad qəsəbəsində sexdə yanğın baş verməsi barədə məlumat daxil olub.

Bu FHN-in mətbuat xidmətindən məlumat verilib.

Məlumatla əlaqədar FHN-in Dövlət Yanğından Mühafizə Xidmətinin qüvvələri dərhal əraziyə cəlb olunub.

Hadisə yerində əməliyyat şəraiti qiymətləndirilərkən yanğının çörəkbişirmə sexində baş verdiyi və yayılma riskinin yüksək olduğu müəyyən olunub.

Yanğınsöndürənlərin operativ müdaxiləsi sayəsində baş vermiş yanğın genişlənərək daha böyük sahəyə yayılmasına, o cümlədən bitişik obyektlərə keçməsinə imkan verilmədən qısa müddətdə söndürülüb.

Yanğın nəticəsində ümumi sahəsi 400 kv.m. olan çörəkbişirmə sexinin dam örtüyünün taxta atmaları və şüşə-pambıq üzlüyü 200 kv.m. sahədə yanıb.

Sexin qalan hissəsi və bitişik obyektlər yanğından mühafizə olunub.

Fövqəladə Hallar Nazirliyinin “112” qaynar telefon xəttinə Bakı şəhərinin Xətai rayonu, Ceyhun Həsənov küçəsində yerləşən çoxmərtəbəli yaşayış binasında azyaşlıların mənzildə bağlı qapı arxasında köməksiz vəziyyətdə qalması barədə məlumat daxil olub.

Bu haqda “Qafqazinfo”ya FHN-dən bildirilib.

Qeyd olunub ki, məlumatla əlaqədar hadisə yerinə dərhal FHN-in Bakı Regional Mərkəzinin xilasediciləri cəlb olunub.

Xilasedicilər xüsusi alpinist ləvazimatlarından istifadə etməklə onaltımərtəbəli binanın 4-cü mərtəbəsində yerləşən mənzilə pəncərədən daxil olub və köməksiz vəziyyətdə qalan azyaşlılar – 2018-ci il təvəllüdlü Y.Axundzadəni və 2021 ci il təvəllüdlü A.Axundzadəni xilas edərək ailə üzvlərinə təhvil veriblər.

Türk Akademiyası Türk Dövlətləri Təşkilatı (TDT) tərəfindən yaradılan Türk Dünyası Ortaq Əlifba Komissiyasının 34 hərfdən ibarət Ortaq Türk Əlifbası təklifi ilə bağlı razılığa gəldiyini açıqlayıb.

Bununla türk dövlətləri arasında ortaq əlifba sistemi fəaliyyət göstərəcək.

Qeyd edək ki, bu əlifba heç də bütün türk dillərində olan səsləri, işarələrin, fonemlərin tam cədvəli deyil.

Türk dövlətləri öz əlifbalarını dəyişdiyi halda məhz ortaq əlifbadakı işarələrə müraciət etməlidilər.

Bəs ortaq əlifbada bizə tanış olmayan hansı hərflər öz əksini tapıb?

Ətraflı “Xəzər Xəbər”in süjetində: