Yeni Azərbaycan Partiyasının (YAP) nümayəndə heyəti Çinə səfər edib.

Səfər YAP-la Çin Kommunist Partiyası (ÇKP) arasında əlaqələrin qurulmasının 20 illiyi  münasibətilə “Xalqların rifahı naminə” mövzusunda təşkil olunmuş konfransda iştirakla bağlıdır.

Konfransda çıxış edən ÇKP-nin beynəlxalq əlaqələr şöbəsinin nazir statusunda rəhbəri Sun Tao hər iki ölkədə uzun illərdir hakimiyyətdə olan YAP ilə ÇKP-nin səmimi dostluq və etibarlı tərəfdaşlıq əlaqələrinin olduğunu deyib.

YAP Siyasi Şurasının üzvü, Milli Məclisin (MM) komitə sədri Hadi Rəcəbli isə Azərbaycanın Çin Xalq Respublikası ilə ikitərəfli münasibətlərə xüsusi əhəmiyyət verdiyini, əlaqələrin bütün sahələrdə dərinləşməsində və genişlənməsində maraqlı olduğunu deyib.

Səfər zamanı YAP nümayəndə heyəti Böyük Çin səddinə də baş çəkib. Hadı Rəcəbli   “Hər şey Azərbaycan üçün” qeydilə Çin səddindən fotolar paylaşıb.