Dünən Naxçıvan şəhərinin sakinləri maraqlı və diqqətiçəkən “xilasetmə” əməliyyatının şahidi olublar.

Naxçıvan Hava limanına gedən yolun üzrəində yerləşən bayraq parçasının güclü küləyin təsirindən yararsız vəziyyətə düşdüyünü görən Naxçıvan MR-in Fövqəladə Hallar Nazirliyinin əməkdaşları bu mənzərəyə etinasız qala bilməyiblər.

Dərhal qurum rəhbərliyinə məlumat verilib və xilasedicilər tərəfindən xüsusi əməliyyat reallaşdırılıb. Naxçıvan FHN-in Xüsusi Riskli Xilasetmə Xidmətinin xilasediciləri xüsusi vasitələrlə hündür bayraq dirəyinə çıxaraq bayraq parçasının dirəkdə qalan hissəsini çıxarıb. Sonra Xidmətin əməkdaşları tərəfindən dirəyə yeni bayraq bərkidilərək dövlət rəmzimizin yenidən həmin yerdə tam şəkildə dalğalanması təmin olunub.

Həmin əməliyyatın videosunu təqdim edirik:

Azərbaycan xalqı öz qəhrəman övladlarını anır.

Bu münasibətlə şəhidlərin uyuduğu İkinci Fəxri xiyaban ziyarət olunur.

“Qafqazinfo” saytının əməkdaşları Pərvin Zeynal və Xəyal Vəlizadə xiyabanda ziyarətlər zamanı həssas görüntülər lentə alıb.

Videoreportajı təqdim edirik:

Müdafiə Nazirliyi (MN) “Vətən uğrunda döyüşən hər bir əsgər Qəhrəmandır!” videoçarx hazırlayıb.

Azərbaycanın qələbəsi ilə başa çatan 44 günlük Vətən Müharibəsinin başlamasının üç ili tamam olur.

2020-ci ilin bugünkü tarixində Ermənistan silahlı qüvvələrinin bölmələri bütün cəbhə boyu genişmiqyaslı təxribat törədib. Düşmənin yaşayış məntəqələrimizi də atəşə tutması nəticəsində mülki vətəndaşlarımız arasında ölən və yaralanan olub.

Bundan sonra Ali Baş Komandan İlham Əliyevin göstərişi ilə cəbhə boyu qoşunlarımız əks-hücum əməliyyatına başlayıb. Tezliklə bir sıra ərazilərimiz işğaldan azad olunub.

44 günlük Vətən Müharibəsi sonda Ermənistanın kapitulyasiyası ilə nəticələnib. Noyabrın 10-da Azərbaycan Prezidenti İlham Əliyev, Rusiya dövlət başçısı Vladimir Putin və Ermənistanın Baş naziri Nikol Paşinyanın iştirakı ilə üçtərəfli bəyanat imzalanıb. Bununla da neçə-neçə igidimizin qanı hesabına 30 ilə yaxın müddətdə işğal altında qalan Qarabağ torpaqları azad olunub.

Bundan başqa, bu ilin sentyabrın 19-da üçtərəfli bəyanatın müddəalarının təmin olunması, Qarabağ iqtisadi rayonunda törədilən genişmiqyaslı təxribatların qarşısının alınması, Ermənistan silahlı qüvvələrinin birləşmələrinin tərksilah edilərək ərazilərimizdən çıxarılması, onların hərbi infrastrukturunun zərərsizləşdirilməsi, işğaldan azad edilmiş ərazilərə qayıdan dinc əhali, habelə bərpa-quruculuq işlərinə cəlb olunmuş mülki işçilər və hərbi qulluqçularımızın təhlükəsizliyinin təmin olunması və Azərbaycan Respublikasının konstitusiya quruluşunun bərpa edilməsi məqsədilə bölgədə lokal xarakterli antiterror tədbirlərinə başlanılıb.

Cəmi bir sutka davam edən antiterror tədbirlərinin nəticəsində Qarabağdakı seperatçı rejim ağ bayraq qaldırıb.

Vətən Müharibəsi ilə bağlı hazırladığımız videonu təqdim edirik:

Qarabağ bölgəsində Ermənistan silahlı birləşmələri və qeyri-qanuni erməni silahlı dəstələrinin hərbi məqsədlər üçün istifadə etdiyi mülki təyinatlı tikililərin aşkar olunması üzrə tədbirlər davam edir. 

Bu Müdafiə Nazirliyindən bildirilib.

Xocalı rayonu ərazisindəki mülki infrastruktur obyektlərinə baxış zamanı növbəti silah-sursat anbarı müəyyən edilib.

Anbardan aşkar edilmiş külli miqdarda patron, əl qumbaraları, minaatan, müxtəlif çaplı ağır artilleriya və tank mərmiləri, həmçinin tankəleyhinə raket komplekslərinin idarəolunan raketləri və digər döyüş sursatları müsadirə edilib.

Ərazidə, həmçinin qoşqulara yüklənmiş halda xeyli sayda sursatla dolu yeşiklər də aşkar edilərək götürülüb.

Xocalı rayonu ərazisində tərk edilmiş dayaq məntəqəsinin görüntüləri yayılıb.

Xəbər verdiyimiz kimi, Türkiyə Prezidenti Rəcəb Tayyib Ərdoğan bu gün Naxçıvana rəsmi səfər edib. 

Naxçıvandakı rəsmi tədbirləri işıqlandıranlar arasında türkiyəli jurnalist Fulya Öztürk də var.

Türkiyə Prezidenti Rəcəb Tayyib Ərdoğan xanım jurnalistlə qarşılaşan zaman təəccüblənib və ona “Fulya, haradan gəldin bura?” sualını verib.

Prezident İlham Əliyev isə bu zaman “Bu qız bizim qızdır” deyib.

Həmin anın videosunu təqdim edirik:

Kəlbəcər rayonu ərazisində növbəti dəfə Ermənistan silahlı qüvvələrinin birləşmələri və qeyri-qanuni erməni silahlı dəstələrinə məxsus döyüş texnikası, silah və sursat aşkar edilib.

Bu Müdafiə Nazirliyindən (MN) bildirilib.

“Müsadirə edilən artilleriya qurğuları, müxtəlif təyinatlı hərbi nəqliyyat vasitələri, əl qumbaraları və digər döyüş sursatları Kəlbəcər rayonu ərazisindəki toplama məntəqəsinə daşınıb”, – MN bəyan edib.

Azərbaycan Prezidenti İlham Əliyev və Türkiyə Prezidenti Rəcəb Tayyib Ərdoğan mətbuata birgə bəyanatlarla çıxış edirlər.

Əvvəlcə Azərbaycan dövlət başçısı bəyanatla çıxış edir.

Türkiyə Prezidenti Rəcəb Tayyib Ərdoğan Naxçıvana səfərə yola düşüb.

Bu barədə məlumatı “TRT Haber” yayıb. 

Bildirilir ki, səfər Prezident İlham Əliyevin dəvəti ilə həyata keçirilir və bir gün davam edəcək.

***

Türkiyə lideri Naxçıvana çatıb.

19 sentyabrda başlayan və Qarabağda cəmi bir sutka çəkən uğurlu lokal xarakterli antiterror tədbirlərinin ən başlıca məqsədlərindən biri də Azərbaycanın konstitusiya quruluşunun bərpa edilməsi idi.

Bu tədbirlərin nəticəsində Azərbaycan öz suverenliyini bərpa etmiş oldu.

Bu məqamda Azərbaycanın ümummilli lideri Heydər Əliyevin tarixi çıxışı yada düşür. Ulu öndər 1995-ci ilin 12 noyabrında ümumxalq referendumu əsasında Konstitusiyanın qəbul edilməsindən sonra jurnalistlərə açıqlama verir və o, 28 il sonra Prezident İlham Əliyev tərəfindən reallaşdırılan prosesin proqnozunu verir.

Bu görüntülər “Mir Şahinin vaxtı” verilişində efirə gedib.

Həmin tarixi çıxışa şahidlik edənlər arasında olan hazırkı ölkə başçısı İlham Əliyev də var. Aradan 28 il keçir və Ali Baş Komandan Azərbaycanın öz suverenliyini bərpa etməsindən sonra xalqa müraciətində deyir: “Bunu mən demişəm və bir daha demək istəyirəm, Qarabağın erməni əhalisi bizim vətəndaşlarımızdır. Mən əminəm ki, Qarabağda yaşayan erməni əhalisi tezliklə yaxşılığa doğru dönüşü görəcək. Çünki bizim niyyətimiz sülh, qarşılıqlı anlaşma, qarşılıqlı hörmət əsasında birgə həyat qurmaqdır. Bizim erməni xalqı ilə heç bir problemimiz yoxdur, ədavətimiz də yoxdur”.