Türkiyədəki meşə yanğınlarının söndürülməsinə köməklik göstərilməsi məqsədilə qardaş ölkəyə göndərilən Fövqəladə Hallar Nazirliyinin Aviasiya dəstəsinin “BE-200ÇS” amfibiya tipli təyyarəsi Azərbaycana qayıdıb.

Avqustun 18-də meşə yanğınları ilə mübarizə tədbirlərinə qoşulan “BE-200ÇS” amfibiya tipli təyyarəsi Muğla – Ula, Bolu – Gerede, Uşak – Eşme, Akhisar – Taşkuyucak, Balıkesir – Edremit, Manisa – Alaşehir, İzmir – Urla, Berqama, Foça, Aliağa, Kemalpaşa – Kamberler istiqamətlərində yanğınsöndürmə əməliyyatlarını həyata keçirib.

Meşə yanğınları ilə mübarizə tədbirləri çərçivəsində yanğın ocaqlarına ümumilikdə 400 tona yaxın su tökülüb.

Qarşıya qoyulmuş tapşırıqları yüksək peşəkarlıqla yerinə yetirən və yerli yanğınsöndürmə qüvvələri ilə əlaqəli şəkildə yanğınların tam söndürülməsinə nail olan amfibiya təyyarəsi bu gün saat 14:40 radələrində Heydər Əliyev Beynəlxalq Aeroportuna eniş edib.

Qastroenterologiya uzmanı Dr. Kənan Nuriyev Ege Hospitalda fəaliyyətə başlayıb.

O, Azərbaycan Tibb Universitetini bitirdikdən sonra 2024-cü ildə Almaniyanın Klinik für İnnere Medizin St. Josef Krankenhaus Gelsenkirchen klinikasında tibbi praktika keçib.

Daha sonra İstanbul Universiteti Tip Fakültəsində Daxili Xəstəliklər Uzmanlığı (2016-2020) və Gastroenterologiya uzmanlığı (2021-2024 ) alıb. Türkiyədə Memorial Bahçelievler xəstəxanasında Daxili Xəstəliklər Uzmanı olaraq (2021) çalışıb. 

Hazırda Ege Hospitalda Qastroenterologiya uzmanı olaraq fəaliyyət göstərir. 

Əlavə məlumat üçün aşağıdakı nömrələrlə əlaqə saxlayın. 

Tel; 1117 ; 0125991117, 0502991117 
Ünvan; Akademik Həsən Əliyev küç.38

Fövqəladə Hallar Nazirliyi (FHN) tərəfindən Qəbələ regional “ASAN xidmət” mərkəzində “Fövqəladə halların nəticələrinin aradan qaldırılması zamanı qəza-xilasetmə və digər təxirəsalınmaz işlərin həyata keçirilməsi” mövzusunda təlim keçirilib.

Bu barədə FHN məlumat yayıb.

Təlimdə FHN-in Şimal-qərb Regional Mərkəzi, Şimal-qərb Dövlət Yanğın Nəzarəti İdarəsi, Qəbələ rayon Yanğından Mühafizə Hissəsinin və Qəbələ regional “ASAN xidmət” mərkəzinin əməkdaşları iştirak edib.

Təlimin keçirilməsində məqsəd “ASAN xidmət” mərkəzinin kollektivinə fövqəladə hallar zamanı davranış qaydalarının aşılanması, ilkin yanğınsöndürmə avadanlıqları və fərdi mühafizə vasitələrindən istifadə üzrə praktiki vərdişlərinin təkmilləşdirilməsi, habelə yanğın-xilasetmə bölmələrinin hadisələrə çevik reaksiyavermə imkanlarının daha da gücləndirilməsi olub.

Təlim zamanı şərti yanğın baş vermiş mərkəzdə köməksiz vəziyyətdə qalmış “zərərçəkmişlər” xilas edilib, onlara “ilkin yardım göstərilib”, həmçinin baş vermiş “yanğın qısa müddətdə söndürülüb”.

Sonda təlimin nəticələrinin təhlili aparılıb, müvafiq tapşırıqlar verilib.

DİN Kibercinayətkarlıqla Mübarizə Baş İdarəsi “TOST” dələduzluq piramidasına qarşı əməliyyat keçirib.

Sosial şəbəkələrdə onlayn dələduzluq piramidası olan “TOST”a qarşı keçirilən əməliyyat-texniki tədbirlər nəticəsində piramidaya başçılıq edən şəxslərdən biri 1981-ci il təvəllüdlü Namiq Cabbarzadə saxlanılıb. Digər şəxs 1989-cu il təvəllüdlü Sahib Hüseynovun isə ölkə hüdudlarından kənarda olduğu müəyyən edildiyindən barəsində axtarış elan olunub.

Müəyyən edilib ki, N.Cabbarzadə və S.Hüseynov “TOST”a yatırım edən şəxslərə guya onların pul vəsaitləri hesabına süni intellekt vasitəsilə elektron birjada kriptovalyuta alqı-satqısı həyata keçirildiyini və nəticədə yüksək faizli qazanc əldə edəcəkləri barədə şirnikləndirici vədlər veriblər. Piramidaya daxil olan şəxslərdə inam yaratmaq və digərlərini də bu platformaya qoşmaq məqsədilə ilk dövrlərdə zərərçəkənlərə kiçik simvolik məbləğlərdə pullar əldə etmək üçün şərait yaradılıb, faizlərin vaxtında ödənildiyi, eləcə də özlərinin “TOST”dan qazandıqları gəlirlər hesabına lüks həyat tərzi keçirdikləri barədə reklam xarakterli paylaşımlar edilib.

Yatırım edən şəxslərin qarşısında qoyulan digər tələb isə onlara göndərilən dələduzluq piramidasının linklərini “Whatsapp” ani mesajlaşma tətbiqi vasitəsilə qruplarda yaymaqdan ibarət olub.

Müxtəlif üsullarla “TOST”a cəlb edilən şəxslərin ödənişləri hesabına N.Cabbarzadə və S.Hüseynov zərəçəkənlərin 5 milyon manata yaxın pul vəsaitlərini ələ keçiriblər. Həmin vəsaitlər isə dəstə başçıları tərəfindən kriptovalyuta formasına çevrildikdən sonra elektron pul kisələrinə köçürülüb.

N.Cabbarzadənin ünvanına baxış keçirilən zaman iş üzrə əhəmiyyət kəsb edən maddi və elektron sübutlar aşkar olunaraq götürülüb.

Faktlarla bağlı Baş İdarədə Cinayət Məcəlləsinin müvafiq maddələri ilə cinayət işi başlanılıb. N.Cabbarov barəsində məhkəmənin qərarı ilə həbs qətimkan tədbiri seçilib.

Dələduzluq piramidasında iştirak edən digər şəxslərin də müəyyən edilərək məsuliyyətə cəlb olunmaları istiqamətində tədbirlər davam etdirilir.

Sonda qeyd edək ki, “TOST” dələduzluq piramidası vasitəsilə zərərçəkən vətəndaşlar polis orqanlarına müraciət edə bilərlər.

Prezident İlham Əliyev Hadrutun işğaldan azad olunmasının 4 illiyi ilə bağlı paylaşım edib.

“Qafqazinfo” paylaşımı təqdim edir:

“Zəfər tariximiz – Hadrutun Ermənistan işğalından azad edilməsindən dörd il ötür”.

Fövqəladə Hallar Nazirliyinin “112” qaynar telefon xəttinə Bakı şəhərinin Suraxanı rayonu, Yeni Günəşli qəsəbəsində avtomobildə yanğın baş verməsi barədə məlumat daxil olub.

FHN-dən “Qafqazinfo”ya bildirilib ki, məlumatla əlaqədar dərhal əraziyə FHN-in Dövlət Yanğından Mühafizə Xidmətinin qüvvələri cəlb olunub.

Yanğınsöndürənlərin çevik müdaxiləsi sayəsində “Mercedes” markalı minik avtomobilində baş vermiş yanğın yaxınlıqdakı binaya keçməsinə imkan verilmədən qısa müddətdə söndürülüb.

Yanğın nəticəsində avtomobilin ön hissəsi yanıb, avtomobilin digər hissələri və yaxınlıqdakı yaşayış binası yanğından mühafizə olunub.

Çində Rusiya Prezidenti Vladimir Putinin ad günü münasibətilə işıq şousu təşkil edilib.

Şou zamanı yüzlərlə drondan istifadə edilib. 

Belə ki, Quançjou şəhərinin səmasında dronlarla “Happy Birthday, Mr. President” təbriki, eləcə də Rusiya liderinin təsviri yaradılıb. 

Təbrikin görüntüləri sosial şəbəkələrdə maraqla qarşılanıb. 

Xatırladaq ki, oktyabrın 7-də V.Putinin 72 yaşı tamam olub. O, ad gününü adi iş rejimində keçirib.

Prezident İlham Əliyevin tapşırığına əsasən Türkiyədəki meşə yanğınları ilə mübarizə tədbirlərinə köməklik göstərilməsi məqsədilə qardaş ölkəyə göndərilmiş Fövqəladə Hallar Nazirliyinin Aviasiya dəstəsinin “BE-200ÇS” amfibiya tipli təyyarəsi yanğınsöndürmə əməliyyatını davam etdirir.

Bu haqda FHN məlumat yayıb.

Bildirilib ki, əməliyyat çərçivəsində təyyarə ötən gün İzmir-Foça istiqamətində meşədəki yanğınla mübarizə tədbirlərinə cəlb olunub.

Hazırda yanğınların söndürülməsi işləri davam etdirilir.

Xumar Qədimovanın “Səni-səni” adlı mahnısı və klipi ekranlaşdırılıb.

Yüksək əhvali-ruhiyyəli mahnıya eyni ab-havalı klip çəkilib.

Musiqiləri ilə dinləyicilərin könlünə yol tapan Xumar Qədimova budəfəki klipində də özünəməxsusluğunu qorumağı bacarıb.

Layihədəki obrazları məşhur simalar canlandırıb. Onlardan biri Türkiyənin tanınmış aktyoru Erhan Ufukdur.

Qeyd edək ki, aktyor “Kurtlar Vadisi” serialında “Güllü Erhan” obrazı ilə məşhurlaşıb.

Bundan başqa üçqat dünya, dördqat Avropa çempionu Hacı Əliyev də klipdə rol alıb.

Layihədə nüfuzlu Azərbaycan və türk iş adamları da var.

Qeyd edək ki, “Sənin-səni”nin söz və musiqisi Ferhat Çeğilə məxsusdur.

Yeni sezonun hitinə çevriləcək klipi dinləmək üçün keçid edə bilərsiniz.

Fövqəladə Hallar Nazirliyi və “Bakı Metropoliteni” QSC-nin birgə təşkilatçılığı ilə metronun “İçərişəhər” stansiyasında taktiki-xüsusi təlim keçirilib.

Təlimin mövzusu “Bakı metropolitenində baş verə biləcək fövqəladə hadisələr zamanı birgə fəaliyyətin təşkili” olub.

Təlimə rəhbərlik FHN-in Baş əməliyyat idarəsi tərəfindən həyata keçirilib.

Əvvəlcə, FHN-in “112” qaynar telefon xəttinə metronun “İçərişəhər” stansiyasında “yanğın” baş verməsi barədə “məlumat daxil olub” və dərhal Nazirliyin Dövlət Yanğından Mühafizə, Dövlət Yanğın Nəzarəti xidmətləri və Bakı Regional Mərkəzinin müvafiq qüvvələri hadisə yerinə cəlb olunub.

Şərti hadisə ilə bağlı Metropoliten əməkdaşları tərəfindən əvvəlcə stansiyanın bağlanması, tuneldə işçi işıqların yandırılması, keçid qapılarının açılması və “yanğına ilkin müdaxilə” işləri həyata keçirilib.

FHN-in mobil yanğın-xilasetmə qrupları tərəfindən fərdi mühafizə vasitələrindən istifadə edilməklə operativ olaraq kəşfiyyat və əməliyyat şəraitinin qiymətləndirilməsi işləri aparılıb, qısa müddətdə şərti yanğın “söndürülüb”, xilasetmə vasitələri tətbiq edilməklə “zərərçəkmişlər” təxliyə olunaraq onlara “ilkin yardım göstərilib”.

Uğurla keçən təlimdən sonra nəticələr müzakirə olunub, FHN və Metropolitenin əməkdaşları arasında obyektdə baş verə biləcək fövqəladə hallarda xilasetmə işlərinin aparılması, zərərçəkmişlərə ilkin yardımın göstərilməsi və təxliyə zamanı təhlükəsizlik qaydaları ilə bağlı fikir mübadiləsi aparılıb.

Təlimə FHN-in ümumilikdə 6 ədəd texnikası və 39 nəfərdən ibarət şəxsi heyəti cəlb olunub.

Binəqədi və Nəsimi rayonlarında doqquzmərtəbəli yaşayış binalarının liftində vətəndaşlar köməksiz vəziyyətdə qalıb.

Bu barədə Fövqəladə Hallar Nazirliyinin “112” qaynar telefon xəttinə məlumatlar daxil olub.

Dərhal əraziyə FHN-in Xüsusi Riskli Xilasetmə Xidmətinin xilasediciləri cəlb olunub.

Xilasedicilər tərəfindən xüsusi vasitələrin köməyi ilə liftlərin qapısı açılaraq köməksiz vəziyyətdə qalan ümumilikdə 3-ü azyaşlı olmaqla 4 nəfər xilas edilib.