
Fransa vətəndaşlarının üçdə iki hissəsi pensiya islahatı səbəbindən Baş nazir Elizabet Born hökuməti üçün etimadsızlıq səsverməsinin keçirilməsini dəstəkləyir.
Aparılmış sorğuda iştirak edən respondentlərin 68%-i etimadsızlıq səsverməsinin tərəfdarıdır. 2022-ci ildə Fransada keçirilmiş Prezident seçkilərində Emmanuel Makrona səs verənlərin isə 51%-i bu fikirdədir. Sorğuda mindən çox şəxs iştirak edib.
Martın 20-də Milli Assambleya (Fransa parlamentinin aşağı palatası) hökumətə etimad səsverməsinin keçirilməsi ilə bağlı iki müraciətə baxacaq. Onlardan biri Marin Le Penin Milli Birlik Partiyası, digəri isə müstəqil “Liot” parlament qrupu tərəfindən irəli sürülüb. Etibarsızlıq səsverməsinin keçirilməsi üçün 287 səs tələb olunur.