Fransa hakimiyyəti Yeni Kaledoniyada etirazlarla əlaqədar mayın 15-də tətbiq edilən fövqəladə vəziyyəti ləğv etmək qərarına gəlib.

Bu barədə Fransanın bu dənizaşırı ərazisinin Ali Komissarlığının ofisinin yaydığı məlumatda qeyd edilib.

“Son 24 saat ərzində vəziyyətin sabitləşməsi tendensiyası müşahidə olunub. Yeni Kaledoniyada fövqəladə vəziyyət mayın 28-də yerli vaxtla səhər saat 5:00-dan etibarən ləğv ediləcək”, – məlumatda bildirilib.

Amma qeyd edilib ki, hüquq-mühafizə orqanları yüksək döyüş hazırlığı vəziyyətində olmağa davam edəcək. Hakimiyyət həmçinin axşam və gecə saatlarında qüvvədə olan komendant saatını hələ ki, ləğv etmək niyyətində deyil.

İstinadlar Report