Pandemiya dövründə dublyajları, yumoristik videoları ilə gündəmə gələn Ərtoğrul Kamalova vəzifə verilib.

O, Azərbaycan Dövlət Akademik Musiqili Teatrında quruluşçu rejissor vəzifəsinə təyin edilib.

Xatırladaq ki, Prezidentin köməkçisi Hikmət Hacıyev avqustun 15-də Operativ Qərargahın brifinqində Ərtoğrul Kamalovun fəaliyyətini yüksək qiymətləndirdiklərini qeyd etmiş və onu Prezident Administrasiyasına (PA) görüşə dəvət etmişdi.

Daha sonra Ə.Kamalovun Azərbaycan Prezidentinin köməkçiləri – Şahmar Mövsümov və Hikmət Hacıyevlə görüşü baş tutmuşdu.