“Nasizmin qəhrəmanlaşdırılması bütün hallarda qəbuledilməzdir”.

Bu barədə Azərbaycanın xarici işlər naziri Ceyhun Bayramov bu gün Rusiya xarici işlər naziri Sergey Lavrovla görüşdən sonra keçirilən ortaq mətbuat konfransında bildirib.

Bayramov qeyd edib ki, Ermənistanda ksenofobiya və radikal millətçiliyin artması müşahidə olunur: “Ermənistanda terrorçuların qəhrəmanlaşdırılması aktualdır və onların fəaliyyətləri terror aktları törətməkdən ibarətdir”.

Ksenofobiyanın Ermənistanda fərqli təzahürlərdə müşahidə olunduğunu qeyd edən Bayramov Holokost abidələrinin təhqir edilməsinin bu problemin Ermənistanda nə qədər ciddi olduğunu göstərdiyini bildirib.

“İnsanlar bunun Ermənistandakı təhlükəsi barədə düşünməlidir”,-deyə XİN rəhbəri qeyd edib.

İstinadlar Qafqazinfo