“Bütün münaqişə dövründə Ermənistan tək olmayıb. Havadarları hər zaman ermənilərə dəstək verib. Ermənilərin dəstəkçisi əsas Rusiya, gizli də olsa İran və Fransa idi”.

Bu fikirləri REAL TV-nin efirində Milli Məclisin deputatı Cavanşir Feyziyev bildirib.

Deputat qeyd edib ki, bu gün Ermənistanı dəstəkləyən hər üç ölkənin özündə təlatüm var.

“Fransada hakimiyyət böhranı var. Rusiya dünyada öz mövqeyini itirir. İranda da regionda öz nüfuzunu itirməkdədir. Bir sözlə indi Ermənistan tam dəstəksiz qalıb. İndi Ermənistan özündə cəsarət tapıb sülh müqaviləsi bağlamaq gücündə deyil”, – deyə Cavanşir Feyziyev bildirib.

Daha ətraflı videoda:

“Bakının Nəsimi rayonunda yerləşən “Union Logistics” MMC şirkəti mütəşəkkil dəstə halında 18 sahibkara ümumilikdə 300 min dollar ziyan vurub”. 

Bu şikayətlə “Qafqazinfo”ya bir qrup sahibkar müraciət edib. 

Belə ki, “Softech-A” şirkətinin direktoru Cavid Nəbiyev, “Ulanzi Azerbaijan” MMC-nin təsisçisi Əsgərov Kənan, “Qlobal KS” MMC-nin rəhbəri Ceyhun Süleymanov, “3ADDIMPRINT” MMC-nin direktoru Ceyhun Sahilov, “Wonlex Azerbaijan” təsisçisi Rəna Mənsurova, “İNFİNİTY SOLUTİONS” MMC rəhbəri Fərrux Cəfərov, “LumeGrand” MMC rəhbəri Tural Əhmədov, “OTSTEC” MMC təsisçisi Rauf Qədirov və fərdi sahibkarlar İlham Hacıbalayev,Ələddin Mehdiyev, Rauf İsmayılov ötən ilin avqust ayında adıçəkilən şirkətlə müqavilə bağlayaraq, Çindən sifariş olunan malların Azərbaycana çatdırılması ilə bağlı razılığa gəliblər. Amma mallar hələ də sahibkarlara çatdırılmayıb. 

Onlar bildirib ki, adıçəkilən şirkətin direktoru Mehdiyev Rövşənin yerli və xarici logistika şirkətlərinə külli miqdarda borcu olduğu üçün, son 5 ay ərzində ən bahalı malları və sahibkarlara məxsus yükləri qeyri-rəsmi yollarla satıblar: “Onlar mütəşəkkil dəstə halında işləyirlər. Çin Xalq Respublikasında sahibkarların yüklərini anbarlara qəbul edən şəxs də şirkətin direktorunun xalası oğludur. Gömrük orqanlarında sənəd rəsmiləşdirməsi işləri ilə məğul olan isə bir başqa adamdır. Ehtimal olunur ki, yük Azərbaycan sərhədini keçsə də, gömrük orqanlarında öz adlarına sənəd saxtalaşdırılması edib, Azərbaycan ərazisində yükləri satıblar”.

Sahibkarların dediyini görə, şirkət  onlara məxsus yüklərin Çinin Kaşqar ( Qırğızıstan ilə sərhəd), Qazaxıstanın Horqos dövlət anbarlarında olduğunu deyiblər: “Lakin bununla bağlı heç bir sənəd foto və ya video təqdim edilmədi. Dəfələrlə şirkətin direktoru ilə görüşmək istəsək də, işçilər müxtəlif bəhanələrlə bizi uzaqlaşdırıb.

Belə olduğu halda hər iki səfirliyin Çin Xalq Respublikasının və Qırğızıstan Respublikasının səlahiyyətli şəxslərindən məsələnin həqiqiliyini öyrənmək məqsədilə, bizlərə köməklik göstərmələrini ümid edirik. Avqust ayından bəri yüklərdən heç bir xəbər ala bilməmişik. Digər sahibkarlara da ziyan dəyməməsi üçün, daşınacaq yüklərini indi və gələcəkdə bu şirkətin Çindəki anbarlarına göndərməmələrini tövsiyə edirik”.

Sahibkarların 30 min dollar mənimsəmə iddiaları ilə bağlı “Union Logistics”lə əlaqə saxladıq.  Şirkətin satış şöbəsinin rəhbəri Anar Qafarlı saytımıza cavab olaraq bildirdi ki, yüklər ay sonuna kimi təhvil veriləcək: “Sahibkarlara yüklərin harada olması ilə bağlı məlumat vermişik. Lakin onlar şəkil, video tələb edirlər. Ancaq xarici dövlət anbarında olan yüklərin şəklini çəkmək qadağandır. Bizim belə bir icazəmiz yoxdur. Bu ayın sonuna qədər yüklər təhvil veriləcək. Onlar rəqəmlər iddia edirlər, lakin bizim həmin yüklərin qiymətindən xəbərimiz yoxdur, bu, gömrüyü maraqlandıran mövzudur. Biz yükdaşıma şirkətiyik. Yüklərin daşınmasında sıxıntı var idi. Amma düzəlib. Bundan öncə də bizdə belə bir problem olmayıb. Yüklər həmişə 1 aya çatdırılır. Oradakı sahibkarlar əvvəl də bizimlə işləyib. Hər şey qaydasındadır, şəffaf şəkildə işləyirik. Borc məsələsinə qaldıqda isə, bu iddialar əsassızdır. Nəticə olaraq deyim ki, ay sonuna kimi, bütün yüklər təhvil veriləcək”.

Sahibkarlar həmçinin, bildirib ki, məsələ ilə bağlı digər zərərçəkmişlər də varsa, əlaqə saxlaya bilərlər.

Qeyd edək ki, sözügedən problem ötən gün “Xəzər Tv”də yayımlanıb. 

Bununla bağlı videomaterialı təqdim edirik: 

Bakının Yasamal rayonu, Şərifzadə küçəsində yerləşən şadlıq evlərindən birinin zirzəmisini və parklanma zonasını su basıb.

“Xəzər TV”nin hazırladığı sujetdə bildirilib ki, restoranın zirzəmisinə yığılan su getdikcə artmağa başlayıb.

Şadlıq evini işlədən Ruslan Hüseynov bildirib ki, hadisə dünən olub. Bununla bağlı dərhal aidiyyəti quruma müraciət ediblər: “Məlum oldu ki, subasmaya səbəb istilik borusunun partlaması nəticəsində olub. Aidiyyəti qurum gec reaksiya verdi, ilkin olaraq özümüz generatorları qoşduq. Gəldikləri zaman isə texnikalarından biri yararsız olduğu üçün, geri qayıtdılar. İstəyirik ki, bu problem tezliklə aradan qalxsın ki, başqa fəsadlar yaranmasın”. 

Məsələ ilə bağlı “Azəristiliktəchizat”dən bildirilib ki, magistral yolda istənilən vaxt qazıntı işləri apara bilmir: “Həmin ünvanda magistral xətdə qəza baş verib, hazırda tədbir görülməkdədir. Magistral yolda istənilən vaxt qazıntı işləri apara bilmək üçün aidiyyəti dövlət qurumları ilə razılaşdırılma aparılmalıdır. Həmçinin, ərazidə hərəkətin təhlükəsizliyi təmin edilməli və digər tədbirlər görülməlidir. Hazırda bu istiqamətdə iş aparılır, təcili texniki tədbirlər görülür və su çəkilir”. 

Daha ətraflı videomaterialda:

Avtomobil yollarında yeni texnologiyaya əsaslanan elektron tərəzilərin quraşdırılması prosesi 2 mərhələ üzrə aparılır. 

Bu barədə Azərbaycan Avtomobil Yolları Dövlət Agentliyi (AAYDA) məlumat yayıb. 

Bildirilib ki, 1-ci mərhələdə 11 yerdə 17 tərəzi, 2-ci mərhələdə 20 yerdə 34 olmaqla, ümumilikdə 31 yerdə 51 tərəzinin quraşdırılması planlaşdırılıb. 

Qeyd edilib ki, artıq 1-ci mərhələ üzrə 4 yerdə 6 tərəzinin quraşdırılması işləri tamamlanıb, 7 yerdə 11 tərəzinin qısa müddət ərzində istismara verilməsi planlaşdırılır: 

M-1 Bakı-Quba-Rusiya ilə dövlət sərhədi avtomobil yolunun 44,6-cı kilometrində sağ tərəfdə texniki vasitələrin quraşdırılması tamamlanıb, məntəqə istismara verilib. 

M-1 Bakı-Quba-Rusiya ilə dövlət sərhədi avtomobil yolunun 65,1-ci kilometrində sol tərəfdə texniki vasitələrin quraşdırılması tamamlanıb, məntəqə istismara verilib.

M-1 Bakı-Quba-Rusiya ilə dövlət sərhədi avtomobil yolunun 129-cu kilometrində sağ və sol tərəfdə texniki vasitələrin quraşdırılması tamamlanıb, məntəqə istismara verilib.

M-2 Bakı-Ələt-Qazax-Gürcüstan ilə dövlət sərhədi avtomobil yolunun 47,9-cu kilometrində sağ və sol tərəfdə texniki vasitələrin quraşdırılması tamamlanıb, məntəqə istismara verilib.

M-3 Ələt-Astara-İran ilə dövlət sərhədi avtomobil yolunun 11,3-cü kilometrində sağ və sol tərəfdə texniki vasitələrin quraşdırılması tamamlanıb. Yanvar ayının sonuna qədər məntəqənin istismara verilməsi planlaşdırılır.

M-3 Bakı-Ələt-Qazax-Gürcüstan ilə dövlət sərhədi avtomobil yolunun 244,2-ci kilometrində sol tərəfdə texniki vasitələrin quraşdırılması işləri davam etdirilir. Yanvar ayının sonuna qədər məntəqənin istismara verilməsi planlaşdırılır.

M-4 Bakı-Şamaxı-Yevlax avtomobil yolunun 55,3-cü kilometrində sağ və sol tərəfdə texniki vasitələrin quraşdırılması işləri davam etdirilir. 

M-4 Bakı-Şamaxı-Yevlax avtomobil yolunun 264-cü kilometrində sol tərəfdə texniki vasitələrin quraşdırılması tamamlanıb. Yanvar ayının sonuna qədər məntəqənin istismara verilməsi planlaşdırılır.

M-5 Yevlax-Zaqatala-Gürcüstan avtomobil yolunun 44,9-cu kilometrində sağ tərəfdə texniki vasitələrin quraşdırılması tamamlanıb. Yanvar ayının sonuna qədər məntəqənin istismara verilməsi planlaşdırılır.

M-6 Hacıqabul-Bəhrəmtəpə-Mincivan avtomobil yolunun 91,6-cı kilometrində sağ və sol tərəfdə texniki vasitələr quraşdırılması işləri davam etdirilir. Yanvar ayının sonuna qədər məntəqənin istismara verilməsi planlaşdırılır.

Əhmədbəyli-Füzuli-Şuşa (Zəfər yolu) avtomobil yolunun 21,4-cü kilometrində sağ və sol tərəfdə texniki vasitələr quraşdırılması işləri davam etdirilir. Yanvar ayının sonuna qədər məntəqənin istismara verilməsi planlaşdırılır.

2-ci mərhələdə 20 yerdə 34 tərəzinin quraşdırılması nəzərdə tutulub. Layihənin tam olaraq 2026-cı ilin sonlarında yekunlaşdırılması planlaşdırılır. Artıq 2-ci mərhələ üzrə işlərin başlanılması üzrə hazırlıq işləri aparılır və 1 ərazidə elektron tərəzi məntəqəsinin quraşdırılmasına start verilib: 

M-2 Bakı-Ələt-Qazax-Gürcüstan ilə dövlət sərhədi avtomobil yolunun 451,2-cu kilometrində sağ və sol tərəfdə texniki vasitələr quraşdırılması üçün ərazidə təmir işlərinə başlanılıb. 

Qeyd edək ki, məlumatların vahid mərkəzdə toplanılması üçün İdarəetmə Mərkəzi (Monitorinq mərkəzi) qurulub. 

Bundan başqa iriqabaritli və ya ağırçəkili nəqliyyat vasitələri tərəfindən törədilən inzibati xəta istismara verilmiş elektron tərəzilərin vasitəsi ilə aşkar edilərək elektron qərarın çıxarılmasının təmin olunması üçün Daxili İşlər Nazirliyinin elektron məlumat bazasına məlumatların ötürülməsinin təmin edilməsi istiqamətində də müvafiq işlər tamamlanıb.

Uzun illər bundan əvvəl keçirilən ağır cərrahi əməliyyatdan bir neçə gün sonra həkimini itirən Gülarə Məmmədova 14 il sonra bilir ki, bədənində yad cisim qalıb. 

Bu barədə Gülarə xanım TƏBİB-in “Çox yaşa” layihəsində danışıb. 

Hər iki böyrəklərini tamamilə itirmək təhlükəsi ilə üzləşən qadın çoxsaylı cərrahi əməliyyatdan sonra həyata qaytarılıb. 

Yaşamaq uğurunda mübarizədən qalib ayrılan G. Məmmədova “Çox yaşa” layihəsi vasitəsi ilə öz hekayəsini danışır.

“Əsgərlikdən təzə gəlmişdim. Rusiyaya atamın yanına gedirdim. Ailəvi orada yaşayırıq, təhsilimi də orada alıram”.

Bunu AZAL-ın Aktau yaxınlığında qəzaya uğrayan təyyarəsində xəsarət alan Məhəmməd Papaxov deyib.

“Hardasa 1 saat keçmişdi, hər şey yolunda idi. Sonra təyyarədə nəsə səs gəldi, sərnişinlər panikaya düşdülər. Bizə demişdilər ki, qəza enişi olacaq. Stüardessa hamını sakitləşdirib deyirdi ki, hər kəs yerində otursun, kəmərlərini bərkitsin. Qorxu, təşviş var idi. Düşəndən sonra gözlərimi bağladım, ora-bura dəydim, hər yerim əzildi. Pilotlar bacardıqları qədər yaxşı eniş etdilər. Təyyarəni başıaşağı buraxsaydılar, bəlkə də heç kim sağ çıxmazdı. Mən 30-cu yerdə, düz qanadın üstündə oturmuşdum. 31-ci yerdə bir qız oturmuşdu, panikaya düşmüşdü. Xahiş etdi, yerimizi dəyişdik, 31-ci yerdə oturdum. Eşitdim ki, o da sağdır, xəstəxanadadır”, – deyə M.Papaxov bildirib.

Ətraflı videomaterialda:

Bakı şəhərinin Binəqədi rayonu, Azadlıq prospektində doqquzmərtəbəli yaşayış binasının liftində vətəndaşlar köməksiz vəziyyətdə qalıb.

Bununla bağlı FHN məlumat yayıb.

Dərhal əraziyə nazirliyin Xüsusi Riskli Xilasetmə Xidmətinin xilasediciləri cəlb olunub.

Xilasedicilər tərəfindən xüsusi vasitələrin köməyi ilə liftin qapısı açılaraq köməksiz vəziyyətdə qalan bina sakinləri xilas edilib.

Qazax şəhəri, Səməd Vurğun küçəsində yanğın baş verib.

FHN-dən verilən məlumata görə, dərhal Dövlət Yanğından Mühafizə Xidmətinin Qazax rayon Yanğından Mühafizə Hissəsinin qüvvələri əraziyə cəlb olunub.

Ümumi sahəsi 60 m² olan birmərtəbəli fərdi yaşayış evində baş vermiş yanğın genişlənməsinə imkan verilmədən qısa müddətdə söndürülüb.

Yanğın nəticəsində ikiotaqlı fərdi yaşayış evinin bir otağının yanar konstruksiyaları və ev əşyaları yanıb.

Evin qalan hissəsi və yaxınlıqdakı tikililər yanğından mühafizə olunub.

Bakı şəhərinin Suraxanı rayonu, Qaraçuxur qəsəbəsində yerləşən çoxmərtəbəli yaşayış binasında azyaşlı mənzildə bağlı qapı arxasında köməksiz vəziyyətdə qalıb.

Bununla bağlı FHN məlumat yayıb.

Bildirilib ki, məlumatla əlaqədar dərhal nazirliyin Xüsusi Riskli Xilasetmə Xidmətinin xilasediciləri çağırış üzrə cəlb olunub.

Xilasedicilər alpinist ləvazimatlarının köməyi ilə doqquzmərtəbəli yaşayış binasının 5-ci mərtəbəsində yerləşən mənzilə eyvandan daxil olaraq evdə yatmış vəziyyətdə aşkarlanmış 2011-ci il təvəllüdlü yeniyetməni valideynlərinə təhvil veriblər.

Sumqayıt şəhəri, Yaşıl dərə yaşayış massivində yerləşən fərdi yaşayış evinin həyətyanı sahəsində yanğın baş verib.

Yanğınla bağlı Fövqəladə Hallar Nazirliyinin “112” qaynar telefon xəttinə məlumat daxil olub.

Bildirilir ki, dərhal əraziyə FHN-in Dövlət Yanğından Mühafizə Xidməti Sumqayıt şəhər Yanğından Mühafizə İdarəsinin qüvvələri cəlb olunub.

Yanğınsöndürənlərin çevik müdaxiləsi sayəsində fərdi yaşayış evinə bilavasitə bitişik taxta tullantıları yığılmış sahədə baş vermiş yanğın evə keçməsinə imkan verilmədən qısa müddətdə söndürülüb.

Yanğın nəticəsində 10kv.m. sahədə taxta tullantıları yanıb.

Fərdi yaşayış evi yanğından mühafizə olunub.

Yeni il bayramı günü qəzaya düşən şəxs vəfat edib.

Dekabrın 31-də saat 20:20 radələrində Salyan şəhərində “Hyundai” markalı avtomobilinin aşması nəticəsində ağır xəsarətlər alan Əhmədov Hilal Rafət oğlu xəstəxanada ölüb.

Respublika Neyrocərrahiyyə Xəstəxanasına yerləşdirilən sürücü ötən gecə dünyasını dəyişib.

Faktla bağlı Salyan RPŞ-də cinayət işi başlanılıb.