Azərbaycanda ən yaşlı qadın və kişi seçicinin adı açıqlanıb.

Bu haqda mətbuat konfransında Mərkəzi Seçki Komissiyasının sədri Məzahir Pənahov danışıb.

M. Pənahovun sözlərinə görə, onlardan ən yaşlısı Lənkərandan olan qadın seçici 1890-cı il təvəllüdlü Tamam Əli qızı Əzizovadır. O, 78 saylı Lənkəran seçki dairəsinin seçicisidir.

Ən yaşlı kişi seçici isə 28 saylı Sabunçu üçüncü seçki dairəsinin 47 saylı məntəqəsində qeydiyyatda olan 1915-ci il təvəllüdlü Hilal İsa oğlu İbrahimovdur.