“Azərbaycan Sənaye Korporasiyası” ASC-yə (ASK) məxsus “Bakı Ayaqqabı Fabriki” ASC investisiya müsabiqəsi yolu ilə özəlləşdiriləcək.

Barədə İqtisadiyyat Nazirliyi yanında Əmlak Məsələləri Dövlət Xidmətinin (ƏMDX) nümayəndəsi Elmar Yaqubov bildirib.

Onun sözlərinə görə, müəssisənin özəlləşdirilməsi üçün komissiya yaradılıb.

“Ötən il oktyabrın 29-da Prezident İlham Əliyev sərəncam imzalayaraq ASK-nın bir sıra müəssisələrini özəllədirməyə açıq elan edib. Bunlardan biri “Bakı Ayaqqabı Fabriki”dir. Sərəncamın icrası məqsədilə Dövlət Xidməti inventarlaşdırma işləri aparıb, mövcud qanunvericiliyə uyğun olaraq müəssisədə özəlləşdirmə komissiyası yaradıb və müstəqil qiymətləndirici şirkətin iştirakı ilə müəssisənin nizamnamə kapitalını müəyyən edib. Təyin edilmiş kapital əsasında yeni adda hüquqi şəxs “Bakı Ayaqqabı Fabriki” təsis edilib. Müəssisənin investisiya müsabiqəsi vasitəsilə özəlləşdirilməsi qərara alınıb”, – deyə E.Yaqubov qeyd edib.