“Avqustun 19-da “Azadlıq” radiosunun jurnalistləri mənə müraciət edərək AXCP sədri Əli Kərimli ilə debata çağırdılar”.

Bu sözləri Real Partiyasının sədri İlqar Məmmədov deyib.

O, debata razılıq verdiyini qeyd edib:

“Razılıq verdim. Dedim ki, əgər mövzu jurnalistin dediyi kimi, “boykot, yoxsa seçki”dirsə, onda AXCP boykot qərarını verən kimi, bu debata qatılacam, çünki başqa elə bir mübahisəli mövzu yoxdur.

Məsələ o nöqtədə qalmışdı, bir xəbər gəlmədi.

Tanınmış publisist-tənqidçi Xədicə İsmayılova da belə bir debatda moderatorluq etmək təşəbbüsü ilə çıxış etdi.

Baxmayaraq ki, Xədicə İsmayılova cəmi iki gün əvvəl aşağılayıcı səbəb gətirərək mənimlə maraqlanmadığını bildirmişdi, dəvəti qəbul edirəm. Mövzuları gözləyirəm”.

Xədicə İsmayıl da sosial şəbəkədə İlqar Məmmədovla Əli Kərimliyə debat təklifini müsbət cavab verdikləri üçün təşəkkür edib.