“Sony” şirkəti “PlayStation Portable” (PSP) qurğusunun yeni versiyasını buraxmağı planlaşdırır. Bu barədə “T3” nəşrinin məlumatında deyilir.

Məlumata görə, korporasiya oyun həvəskarları dairələrində məşhur olan əfsanəvi “PlayStation Portable” qurğusunu təkrar buraxmaqla portativ qurğular bazarına qayıtmaqda maraqlıdır. Rəhbərliyin fikrincə, şirkət bazarın bu seqmentində əsas məhsulu “Switch” hibrid konsolu olan “Nintendo” ilə rəqabət apara bilər – ona qlobal miqyasda tələbat rəqiblər tərəfindən yeni nəsil qurğular buraxıldıqdan sonra da qalır.

Qurğunun beşinci nəsil mobil rabitə şəbəkələrində işi dəstəkləməsi səbəbindən onun “PSP 5G” adlanacağı gözlənilir. Konsol oyunun görüntü və digər məlumatlarının məsafəli serverdən translyasiya edildiyi “bulud” oyunları üçün nəzərdə tutulacaq. “5G” dəstəyi məlumatların sürətli ötürülməsini və zəif yubanmanı təmin edəcək.

“Bulud” oyunları oriyentasiyası sayəsində şirkət konsolu qabaqcıl komplekt hissələri ilə təchiz etməyəcək. Bu halda “Sony” komplekt hissələrinə qənaət edəcək. Bundan başqa, kartric və oyunların fiziki surətlərinin istehsalına ehtiyac qalmayacaq. Buna səbəb kimi bütün media məzmununun şəbəkə vasitəsilə translyasiya edilməsi göstərilir.

Blogerlərin fikrincə, yeni “PSP” proqramları retro oyunları və remasterlərdən ibarət olacaq. Həmçinin konsol “PlayStation 4” və “PlayStation 5” qurğularındakı “ААА” başlıqlarını işə sala biləcək. Qurğunun “PlayStation Now” abunəsinə qoşulacağı bildirilir.

Jurnalistlər qeyd edib ki, konsolun buraxılış tarixi açıqlanmır. Lakin Yaponiya şirkətinin “PSP” ilə bağlı ciddi planları var.

“PlayStation Portable” 4,3 düymlük ekran, kontroller və “Universal Media Disc” (UMD) optik toplayıcısı dəstəyinə malik portativ oyun konsoludur. Qurğu 12 dekabr 2004-cü ildə buraxılıb.

Nizam Nuriyev

İstinadlar ict news