Ukraynanın sabiq prezidenti Petro Poroşenko Kiyevin mərkəzində keçirilən etiraz aksiyalarında iştirak edib.

Bu barədə UNİAN bildirib.

Qeyd edilir ki, ölkənin keçmiş lideri aksiya iştirakçıları qarşısında tribunada çıxış edib. Ukraynanın dövlət himninin ifasından sonra Poroşenko “Yaşasın Ukrayna!”, – deyib.

Bundan sonra kütlə içindən səhnəyə yumurtalar atılıb. Yumurtalardan biri keçmiş prezidentin həyat yoldaşına dəyib. Səhnəyə atılan ikinci yumurtanı isə “Avropa həmrəyliyi” partiyasından olan deputat tutub.

Bundan sonra Poroşenko kütləyə çağırış edərək yumurtaları atmış şəxsi tapmaqla bağlı müraciət edib.

Keniyada xilasedicilər uçmuş altımərtəbəli binanın dağıntıları altından 2 nəfəri xilas edə bilib.

Bu barədə yerli “Citizen TV” telekanalı bildirib.

Hadisə Nayrobidəki Embakasi dairəsində baş verib. Hadisə zamanı 7 nəfər həlak olub. Beynəlxalq Qırmızı Xaç Komitəsinin yerli bölməsinin məlumatında bildirilir ki, uçqun zamanı daha 11 nəfər itkin düşüb.

İlkin məlumatlara görə, binanın uçması inşa prosesindəki qüsurlara görə baş verib. Hadisə yerində xilasetmə işləri davam edir. Əməliyyatın başlanğıcından 35 nəfər xilas olunub.

Səhhətində yaranan problemlərə görə Mərkəzi Neftçilər Xəstəxanasına yerləşdirilən Xalq artisti Rafael Dadaşov indiki vəziyyəti barədə danışıb.

Xəstəxanada açıqlama verən tanınmış aktyor bildirib ki, müalicəsi davam edir:

“Allahın köməkliyi ilə babatam. Sağ olsunlar, qulluq edirlər. 4 gün reanimasiyada yatdım. Dünən günortadan palataya düşmüşəm. Belə baxanda, ilk gəlişimdən indi yaxşıyam. Səhhətimdə dəqiq nədən əziyyət çəkdiyimi özüm də bilmirdim. Məni daha çox təngnəfəslik narahat edirdi. Addımımı düz ata bilmirdim. Canıma qorxu düşdü. Təcili yardım çağırdılar, bura gətirdilər. Ürək çatışmazlığı imiş. Bir də daxildə su var idi. 4 günə özümə gətirdilər. Ürəklə bağlı problemi tarazlaşdırdılar. İndi böyrəklərimdə su qalıb, onu düzəldəcəklər”.

Qeyd edək ki, R. Dadaşov dekabrın 2-də ürəyin işemik xəstəliyi infarktdan sonrakı kardioskleroz və ağciyərlərin xroniki abstruktiv xəstəliyi diaqnozu ilə Mərkəzi Neftçilər Xəstəxanasına yerləşdirilib.

Azərbaycanın dahi şairi, dramaturq, eyni zamanda həkim olmuş Abbas Səhhətin nəvəsi Qəmərxanım Mehdiyevanın 94 yaşı ötən ay tamam olub.

Q. Mehdiyeva şairin qız nəvəsidir. Daha doğrusu, sağ qalan yeganə qızı Dostuxanımın. O biri qızı Ruqiyyə sultan 1918-ci ildə Şamaxıda törədilən erməni qırğınlarından sonra Gəncəyə köçən Abbas Səhhət ailəsinin digər üzvləri ilə birlikdə vəba xəstəliyindən cəmi 10 yaşında vəfat edib.

Bu gün Qəmərxanım nənə yeganə oğlu ilə kirayədə qalır. Bir vaxtlar evləri olsa da, gözünün ağı-qarası balasının xəstəliyi ucbatından evini satıb və illərdir bu ailə kirayə həyat sürmək məcburiyyətindədir:

“İndi 7-ci evdir dəyişirəm bu qoca vaxtımda. O evdən bu evə, bu evdən o evə köçürəm. Amma istəyirəm haqq dünyasına getmək üçün öz evim olsun. Çox arzulayıram o evi…”

Nigeriyanın iqtisadi paytaxtı Laqos şəhərinin şimal-şərqində Nigeriya Milli Neft Korporasiyasının magistral boru kəmərindən qanunsuz çəkilən yeraltı boru kəmərində partlayış baş verib.

Hadisə nəticəsində 7 nəfər ölüb.

Polis qeyd edir ki, Alimoşo rayonunda yaşayış məntəqəsinin yaxınlığından keçən neft boru kəmərinə bir neçə “qol” əlavə edilib, çox sayda avadanlığın olması və yaradılan infrastruktur qanunsuz biznesin xeyli müddətdir mövcud olduğunu göstərir.

Partlayışdan sonra yanğın başlayıb, yanğın yaxınlıqdakı evlərə yayılıb.

Polis neft oğurluğunda şübhəli bilinən bir neçə şəxsi saxlayıb. Bu, son aylarda Alimoşo bölgəsində boru kəmərində baş verən üçüncü partlayışdır. Əvvəlkilər kimi, bu da qanunsuz olaraq “qara qızıl” əldə etmək cəhdləri səbəbindən baş verib.

Bir neçə gündür ki, Nizami rayonunun Elşən Süleymanov küçəsində bina evlərindən bir nəfər naməlum şəxs smart-kart tipli sayğacların kartlarının dəyişdirilməsi adı ilə pul yığır.

Bu “Azəriqaz”dan bildirilib. Qeyd olunub ki, hər abonentdən 10 manat tələb edilir: “”Azəriqaz” İstehsalat Birliyi olaraq bildiririk ki, əməkdaşlarımız abonentlərlə heç vaxt bu cür ünsiyyətdə olmur və smart-kartların zədələnmədiyi halda istifadə müddəti məhdudiyyətsizdir”.

“Azəriqaz” həmin şəxsin müşahidə kameraları ilə qeydə alınan görüntülərini də yayıb.

Ukraynanın Odessa şəhərində kollec binasında yanğın baş verib.

Bu barədə Ukrayna Dövlət Fövqəladə Hallar Xidmətinin “Facebook” səhifəsində məlumat verilib.

Bildirilib ki, yanğın Odessa İqtisad, Hüquq, Mehmanxana, Restoran Biznesi Kollecinə məxsus altımərtəbəli tədris binasının üçüncü mərtəbəsində başlayıb.

2 min kvadratmetr sahəni əhatə edən yanğınla bağlı 40 nəfərdən çox şəxs təxliyyə olunub. Aralarında üç nəfər yanğın xidməti əməkdaşı da olan 13 nəfər xəstəxanaya yerləşdirilib.

Hazırda təxliyyə işləri davam etdirilir.

“FOX 10 Phoenix” telekanalı ABŞ Prezidenti Donald Trampın Ağ Evdən ayrılan zaman helikopterlə uçuş öncəsi hərəkətlərinin videosunu paylaşıb.

Jurnalistlərin diqqətini incə məqam çəkib.

Belə ki, D.Tramp helikopterə doğru irəliləyərkən onun birgə uçmalı olan həyat yoldaşı Melaniyanı “unutduğu” iddia edilir. Videoda Trampın yarı yolda ayaq saxladığı və xanımının da gəlməsini gözlədiyi aydın görünür.

Qeyd nedək ki, bu cütlük dəfələrlə çətin vəziyyətlərə düşməsi ilə diqqət mərkəzində olub. Məsələn, Çexiyanın baş naziri Andrey Babişin Ağ Evə səfəri zamanı Tramp fotosessiya üçün onu gözləyən həyat yoldaşını unudub və qonaqla içəriyə daxil olub. Melaniya isə Floridada keçirilən tədbir zamanı həyat yoldaşı ilə şəkil çəkdirməkdən imtina edib.