ADA Universitetində Yuta Universitetinin Siyasi elmlər kafedrasının professoru Hakan Yavuzun “Dağlıq Qarabağ münaqişəsi: tarixi və siyasi rakurs” kitabının təqdimatı keçirilib.

Kitab ADA Universiteti və Beynəlxalq Münasibətlərin Təhlili Mərkəzinin birgə dəstəyi ilə nəşr edilib.

H.Yavuz təqdimat mərasimində keçmiş Dağlıq Qarabağ münaqişəsi mövzusunun hərtərəfli işıqlandırılmasını və həqiqətlərin dünyaya çatdırılmasını vacib sayıb: “İndiyədək Dağlıq Qarabağ münaqişəsi ilə bağlı 11 kitab işıq üzü görüb. Onlardan 9-u erməni müəlliflər tərəfindən yazılıb və onlardan yalnız ikisini nisbətən obyektiv adlandırmaq olar. Buna görə də bu mövzuda daha çox kitab nəşr etmək vacibdir”.

İstinadlar Report