2002-ci ildə yaradılan və ölkənin ən böyük beton istehsalçılarından olan “Crystal Beton” Qapalı Səhmdar Cəmiyyəti “Keyfiyyətin və dürüstlüyün ünvanı” şüarı altında 20 illik yubiley tədbirini keçirib.

Yubiley “JW Marriott Absheron Baku” hotelində “Crystal Beton”-un kollektivi, investorların, tərəfdaşların, həmçinin yerli və xarici qonaqların iştirakı ilə xüsusi ziyafətlə qeyd edilib.

Şirkət nümayəndələrinin çıxışları ilə başlayan tədbirdə qonaqlara şirkətin uğurlu fəaliyyəti barədə məlumat verilib, keçdiyi yola nəzər salınıb və gələcək hədəflərindən söz açılıb. Daha sonra qala gecəsi xüsusi dəvət olunmuş musiqi kollektivlərinin ifaları ilə davam edib.

Qeyd edək ki, “Crystal Beton” şirkətinin yaranması, inkişafı və uğurla fəaliyyət göstərməsi Ulu öndər Heydər Əliyev tərəfindən Azərbaycanda iqtisadiyyatın və sahibkarlığın inkişaf etdirilməsi sahəsində həyata keçirilən tədbirlərin nəticəsində mümkün olub və o dövrdən başlayaraq ölkəmizdə geniş vüsət alan irimiqyaslı tikinti- quruculuq və abadlıq işlərinin məntiqi nəticəsidir.

Şirkətin əsas vəzifəsi beton istehsalında qabaqcıl texnologiyanın həlli yollarının daha geniş tətbiqinə nail olmaq və keyfiyyət standartlarını qorumaqla  səmərəli nəticələr əldə eləməkdən ibarətdir.  

Fəaliyyəti dövründə “Crystal Beton” Qapalı Səhmdar Cəmiyyəti beton istehsalı sahəsində müasir texnologiyaların Azərbaycana gətirilməsi, beynəlxalq standartlara cavab verən idarəetmə sistemlərinin təbiqi, eləcə də  yeni iş yerlərinin yaradılması siyasətinə sadiq qalaraq ölkəmizdə özəl sektorun inkişafına təkan verən şirkətlərdən oldu.

Sahibkarlığın inkişafına dövlət dəstəyi ilə bağlı Azərbaycan Prezidenti cənab İlham Əliyevin müxtəlif dövrlərdə imzaladığı fərman və sərəncamlar, milli sahibkarlğa ardıcıl şəkildə göstərilən dövlət  qayğısı “Crystal Beton”-un beton istehsalı fəaliyyətində başlıca yol xəritəsidir.

Yarandığı ilk gündən tikinti bazarında özünə dayanmadan tərəfdaşlar qazanan “Crystal Beton ” Qapalı Səhmdar Cəmiyyəti bir çox inşaat layihələrinə imza atıb və milli tikinti sektorunun inkişafına öz dəyərli töhfəsini verib.

“Crystal Beton” Keyfiyyətin və Dürüstlüyün ünvanıdır !