Çinin mərkəzindəki Hunan əyalətinin kəndlərində torpaq sürüşməsi baş verib, nəticədə 8 nəfər ölüb.

Bu barədə Çin Mərkəzi Televiziyası məlumat yayıb.

Sürüşmə Sinxuan-Dun Muxtar Dairəsinin Dousi kəndində qeydə alınıb. Nəticədə dörd yaşayış binası uçub, 8 nəfər itkin düşüb.

Axtarış-xilasetmə əməliyyatı zamanı itkin düşənlərin hamısını tapmaq mümkün olub, onlardan heç biri sağ deyil.

Təbii fəlakətin nəticələrinin aradan qaldırılması istiqamətində işlər davam etdirilir.

İstinadlar Report