Koreya Respublikası və Ukraynanın maliyyə nazirləri Çxve San Mok və Sergey Marçenko Vaşinqtonda Kiyevə 2,1 milyard dollarlıq güzəştli uzunmüddətli kreditlərin verilməsi ilə bağlı çərçivə sazişi imzalayıblar.
Bu barədə Cənubi Koreyanın Planlaşdırma və Maliyyə Nazirliyi xəbər yayıb.
“Xüsusilə, İqtisadi İnkişaf və Əməkdaşlıq Fondunun xəttilə hazırkı çərçivə sazişinin bağlanması ilə 2,1 milyard dollarlıq orta və uzunmüddətli kreditlərin verilməsi üçün hüquqi əsaslar qoyulur. Tərəflər Ukraynanın bərpasına və inkişafına kömək edə biləcək layihələri birlikdə araşdırmağa razılaşıblar”, – Seulda bildirilib.
Vəsaitlərin ayrılacağı İqtisadi İnkişaf və Əməkdaşlıq Fondu 1987-ci ildə Koreya Respublikası tərəfindən təsis edilib.
Azərbaycan24 sosial şəbəkələrdə
İstinadlar Report
