Cəlilabadda baş verən ölüm hadisəsinin intihar olduğu məlum olub

Rayon Prokurorluğundan APA-ya verilən məlumata görə, rayonun Adnalı kənd sakini, 1987-ci il təvəllüdlü Fərid Baba oğlu Quliyev ov tüfəngindən atəş açaraq özünü öldürüb.

Hadisə yerindən 12 kalibrli “İJ” markalı tüfəng və bir ədəd giliz götürülüb.

Faktla bağlı Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanıb, istintaq gedir.

***

28 dekabr

Cəlilabad rayon sakininin ovda ölməsi ilə bağlı bəzi yeniliklər məlum olub.

APA-nın cənub bürosunun əldə etdiyi məlumata görə, özünün ehtiyatsızlıq nəticəsində açdığı atəş nəticəsində öldüyü bildirilən Fərid Baba oğlu Quliyev ova qardaşı və digər bir neçə nəfərlə gedb.

Məlumatda bildirilir ki, güllə ona kürək nahiyəsindən dəyib.

F. Quliyevin cəsədi bir gün sonra tapılıb.

İlkin məlumatda isə onun ehtiyatsızlıqdan özünü güllə ilə vurduğu və hadisə yerində öldüyü bildirilirdi.

Faktla bağlı araşdırma aparılır.

***

Cəlilabad rayon sakini silahla özünü vurub.

Rayonun Adnalı kənd sakini Fərid Baba oğlu Quliyev qaban ovuna gedərkən ehtiyatsızlıqdan tüfəng ilə özünü vurub.

1987-ci il təvəllüdlü F. Quliyev hadisə yerində ölüb.

Faktla bağlı araşdırma aparılır.