ABŞ-da hər il noyabrın 26-sı təşkil olunan məşhur endirim günü “Black Friday” (“Qara cümə”) alıcı izdihamı ilə məşhurdur.

Bu il ABŞ mağazalarında adət edilən izdiham və alıcılar arasında qarşıdurma yaşanmayıb. Buna isə əsas səbəb olaraq alıcıların koronavirusla bağlı ehtiyat etməsi olub.

Analitiklər “Qara Cümə” günü mağazalarda satışa çıxarılan məhsulların həcminin digər illərə nisbətən az olduğunu vurğulayıb. Bildirilir ki, mağazalar endirim gününə yaxşı hazırlaşa bilməyib. Belə ki, bir çox alıcı mağazalarda istədikləri məhsulu görə bilməyib. Buna səbəb isə mağazaların təchizatla bağlı yaşadığı problemlər olub. 

ABŞ-da alıcılar axşam 21:00-a qədər 6,6 milyard dollar xərcləyiblər. Lakin həmin gün ümumi xərclərin 8,8 – 9,2 milyard dollar arasında olacağı gözlənilirdi.

 






İstinadlar Qafqazinfo