Sabunçu rayonu, Bakıxanov qəsəbəsi ərazisində iki küçənin kəsişməsindəki işıqfor 1 ildən çoxdur istifadə edilmir.

Bu barədə “Xəzər TV” sujet hazırlayıb.

Sürücülər qəzaları azaltmaq və sıxlığı aradan qaldırmaq üçün quraşdırılmış işıqforun tezliklə istifadəyə verilməsini istəyirlər.

Məsələ ilə bağlı Azərbaycan Yerüstü Nəqliyyat Agentliyindən (AYNA) bildirilib ki, nizamlayıcının işə salınması üçün texniki tamamlanma işləri aparılır.

Daha ətraflı videomaterialda:

Son on illikdə Kür çayında və ən əsası Xəzər dənizində su səviyyəsinin kəskin şəkildə aşağı düşməsi bir çox problemə yol açmışdı.Nəticədə ölkənin ikinci böyük elektrik stansiyası olan 800 meqavatlıq “Şimal”, üçüncü böyük stansiyası olan 780 meqavatlıq “Cənub” və dördüncü böyük elektrik stansiyası olan 525 meqavatlıq “Sumqayıt” elektrik stansiyalarının fəaliyyətini dayandırmaq təhlükəsi ilə üzləşdirmişdi. 

Nəzərə alınsa ki, ölkənin orta hesabla enerji tələbatı 3500 meqavatdır və hər üç elektrik stansiyasının birgə real imkan gücü 2000 meqavatdan artıqdır, o zaman ölkə üzrə 60 faiz enerji istehsalı dayanmaq təhlükəsi ilə üz-üzə qala bilərdi. Məhz buna görə də Prezident İlham Əliyevin tapşırığına uyğun olaraq 2019-cu ildə “AzərEnerji” tərəfindən təxirəsalınmaz şəkildə iri miqyaslı layihələrə start verildi. 

Belə ki, soyutma suyunu daha dərin və soyuq hissədən götürmək üçün “Sumqayıt” Elektrik Stansiyasında 750 metr, Şüvəlan qəsəbəsində yerləşən “Şimal” Elektrik Stansiyasında isə 540 metr uzunluğunda estakada və nasos stansiyaları tikildi. 2021-ci ildə Sumqayıt, 2023-cü ildə isə Şimal estakada və nasos stansiyaları istismara verildi. 

Qeyd edək ki, 2020-ci ildə estakadaların tikintisinə başlanılan vaxtdan bu günə kimi dənizdə su səviyyəsinin düşməsi daha da sürətlənib və  30-40 sm azalma var. 

Xəzər dənizi ilə bərabər Kür çayında da su səviyyəsinin düşməsi nəticəsində ölkənin üçüncü böyük elektrk stansiyası olan “Cənub” Elektrik Stansiyasını soyutma suyu ilə təmin etmək üçün su aşıran qurğu tikilib və nəticədə bu stansiya da dayanmaq təhlükəsindən xilas edilib. 

Hazırda “AzərEnerji” sözügedən “Şimal”, “Cənub” və “Sumqayıt” elektrik stansiyalarının işini “yaşıl” enerji konsepsiyasına uyğunlaşdırır. Belə ki, ölkədə yeni tikilən və tikiləcək bərpa  olunan enerji mənbələrinin enerjisistemə inteqrasiyası və tezliyin tənzimatını təşkil etməklə bu üç elektrik stansiyasında yeni rəqəmsal tətbiqlərin icrasına başlanılıb.

Sentyabrın 9-u axşam saatlarında Binəqədi rayonu Abay Kunanbayov küçəsində evə silahlı basqın olub. Polis əməkdaşları bir ailəni cinayətkarın əlindən xilas edib.

Ilkin məlumatlara əsasən, cinayətkarlar saat 21:00 radələrində evin qarşısında gözləyiblər, hava qaraldıqdan sonra isə mənzilə daxil olublar.

Silahlı şəxs ev sahibinin daşına silah dayayaraq 30 milyon dollar tələb edib.

Evdə baş verənləri kamerdan izləyən ailə üzvlərindən biri polisə zəng edib və əraziyə dərhal təhlükəsizlik əməkdaşları cəlb olunub. Hadisəni törətməkdə şübhəli bilinən Eldəniz Şükürov zərərsizləşdirilib.

Ətraflı videomaterialda:

Ağdaş şəhərində 1996-cı il təvəllüdlü İlkin İsgəndərlinin qətlinə görə saxlanılan var.

DİN-in mətbuat xidmətinin regional qrupundan “Qafqazinfo”ya bildirilib ki, polis əməkdaşları tərəfindən həyata keçirilən tədbirlərlə əməli törətməkdə şübhəli bilinən 1970-ci il təvəllüdlü Qadir Məmmədov saxlanılıb.

Rəsmi açıqlamaya əsasən, hadisə şəxsi münasibətlər zəminində baş verib.

Sgəndərli toyda düşən mübahisə nəticəsində öldürülüb.

Belə ki, o Ağdaşa başqa rayondan qonaq gəlibmiş. Şahidlərin sözlərinə əsasən, toyda mübahisədən sonra dava düşüb. Bıçaqlanan 28 yaşlı İlkin İsgəndərli də onlar arasında olub. O, ağır vəziyyətdə xəstəxanaya çatdırılsa da, həyatını xilas etmək mümkün olmayıb.

Faktla bağlı araşdırma aparılır. 

Fövqəladə Hallar Nazirliyinin “112” qaynar telefon xəttinə Naxçıvan Muxtar Respublikasının Naxçıvan şəhəri, Xətai məhəlləsi, 35 ünvanında vətəndaşın köməksiz vəziyyətdə qalması barədə məlumat daxil olub.

Nazirlikdən “Qafqazinfo”ya bildirilib ki, məlumatla əlaqədar dərhal Naxçıvan Muxtar Respublikası Fövqəladə Hallar Nazirliyinin Xüsusi Riskli Xilasetmə Xidmətinin xilasediciləri əraziyə cəlb edilib.

Hadisə yerində əməliyyat şəraiti qiymətləndirilərkən müəyyən olunub ki, 1968-ci il təvəllüdlü Haqverdiyev Asəf Abdullah oğlu ağacdan yıxılaraq müxtəlif dərəcəli bədən xəsarətləri alıb və evin divarı ilə hasarı arasında köməksiz vəziyyətdə qalıb.

Xilasedicilər zərərçəkmiş A.Haqverdiyevi xüsusi vasitələrin köməyi ilə ərazidən təxliyə edərək təcili tibbi yardım briqadasına təhvil veriblər.

Fövqəladə Hallar Nazirliyinin “112” qaynar telefon xəttinə paytaxtın Nərimanov rayonu ərazisində doqquzmərtəbəli yaşayış binasında 1, Yasamal rayonu ərazisində doqquz və yeddimərtəbəli yaşayış binalarında 2 ünvanda liftdə, Qaradağ rayonu, Lökbatan qəsəbəsi ərazisində isə 2 azyaşlının mənzildə bağlı qapı arxasında köməksiz vəziyyətdə qalması barədə məlumatlar daxil olub.

Bu FHN-in mətbuat xidmətindən məlumat verilib.

Məlumatlarla əlaqədar Xüsusi Riskli Xilasetmə Xidmətinin xilasediciləri çağırış üzrə cəlb olunublar.

Xilasedicilər tərəfindən həyata keçirilən xilasetmə tədbirləri nəticəsində 2-si azyaşlı olmaqla ümumilikdə 7 nəfər xilas edilib.

Xəbər verdiyimiz kimi, Şamaxıda növbəti Üzüm və Şərab Festivalı keçirilir.

Festival Dövlət Turizm Agentliyi və Şamaxı Rayon İcra Hakimiyyətinin təşkilatçılığı ilə Şamaxının Meysəri kəndində baş tutur.

“Şirvan şərabları” MMC-nin üzümçülük və şərabçılıq kompleksinin ərazisində təşkil olunan festivalda ziyarətçilər üzüm istehsalı və şərabçılıq, Azərbaycanın turizm potensialı ilə daha yaxından tanışlıq imkanı qazanıb.

Festivalda yerli və xarici istehsalçıların şərab məhsullarının dequstasiyaları təşkil edilir, şərab evlərinin maraqlı hekayələrini izləmək imkanı yaradılır.

Festivaldan maraqlı görüntüləri təqdim edirik:

Xəbər verdiyimiz kimi, Şuşada 32 ildən sonra ilk dəfə toy mərasimi keçirilib.

44 günlük Vətən müharibəsi veteranı Elmir Məmmədlinin toyunda gənclərin ailə üzvləri, qohumlar, Şuşa sakinləri, rəsmi şəxslər, o cümlədən Prezidentin xüsusi nümayəndəsi Aydın Kərimov da iştiak edib.

A.Kərimov bu xoş günlə bağlı təəssüratını bölüşüb: “Nəhayət o gün gəldi, şuşalı ailə qurur və biz bu hadisəni doğma Şuşamızda qeyd edirik. Gənc ailəyə xoşbəxt ömür, firavanlıq arzulayıram”.

Ətarflı videomaterialda:

İki aydan çoxdur ki, metronun “28 May” stansiyasının qarşısında təmir işləri  aparılır.

Xarici mütəxəssislərin iştirakı ilə hazırlanmış layihə sənədlərinə əsasən, burada piyadaların hərəkəti üçün təhlükəsiz zona yaradılacaq.

Layihədə əraziyə yalnız ictimai nəqliyyatın girişinə icazə veriləcəyi bildirilib.

Hazırda işlərin əsas hissəsi yekunlaşıb və köhnə beton örtüyü sökülərək yenisi ilə əvəzlənib. İşlərin oktyabrda yekunlaşacağı gözlənilir.

Ətraflı videomaterialda:

Xəbər verdiyimiz kimi, Şuşada 32 ildən sonra ilk dəfə toy mərasimi keçirilib.

44 günlük Vətən müharibəsi qazisi Elmir Məmmədlinin toy mərasimi “İsa bulağı” istirahət kompleksində təşkil olunub. 

Qarabağda keçirilən antiterror əməliyyatının bir ili tamam olmaq üzrədir.

Azərbaycan Müdafiə Nazirliyi bu əməliyyatdan bəhs edən sənədli film hazırlayıb.

Filmdə antiterror əməliyyatından görüntülər yer alıb.

Həmin videonu təqdim edirik:

Restoranlarda menyuların qiyməti 10-15 manat artıb.

Bu barədə “Xəzər TV” süjet hazırlayıb. 

Belə ki, restoran sahibləri bu artımı ətin bahalaşması ilə əlaqələndiriblər.

Onların sözlərinə görə, menyunun tərkibində ət məhsullarına çox yer verildiyindən qiymətinin artması normaldır: “Ətin yeni qiymətləri ilə menyunu köhnə qiymətdə saxlamaq restoran bizə sərf etmir”.

Nəticədə bəzi menyuların qiyməti 10-15 manat artıb. Bəzi restoran sahibləri isə qiyməti stabil saxlamaq üçün menyunun tərkibində dəyişiklik edib. 

Daha ətraflı videomaterialda: