“Bu amillər olan zaman istənilən münaqişə həll oluna bilər” – İlham Əliyev + Video
“Qarabağı azad edənlərin arasında ən böyük rol oynayan, bax, bizim son 17 il ərzində yetişmiş insanlarımızdır”.
Bu sözləri Prezident İlham Əliyev ötən gün yerli və xarici media nümayəndələri üçün keçirilən mətbuat konfransında deyib.
Dövlət başçısı bildirib ki, yaşlı nəslin, əlbəttə ki, böyük əməyi, təcrübəsi və bilikləri var:
“Amma döyüşə gedən, öz sinəsini atəş altına qoyan, bax, 17 il ərzində vətənpərvərlik ruhunda tərbiyə almış bizim övladlarımızdır. Hansılar ki, öz canından keçib vətən uğrunda. Bu amillər olan zaman istənilən münaqişə həll oluna bilər”.
Hərbi hissə komandirləri və müavinləri ilə komandir hazırlığı məşğələsi keçirilib – VİDEO
Naxçıvan Qarnizonu Qoşunlarında hərbi hissə komandirləri və müavinləri ilə komandir hazırlığı məşğələsi keçirilib.
Bu barədə Müdafiə Nazirliyinin mətbuat xidmətindən məlumat verilib.
Komandir hazırlığı məşğələsi komandirlərin və qərargah zabitlərinin yaranmış mürəkkəb şəraitdə döyüş tapşırığını vaxtında və dəqiq yerinə yetirmək bacarıqlarının təkmilləşdirilməsi məqsədi ilə keçirilib. Səhra şəraitində təşkil edilmiş təlim yerlərində “Artilleriya divizonunun atış və atəşin idarə olunması”, “Motoatıcı briqadanın ikinci eşelon taborunun müdafiə rayonunu tutması” və “Komanda məntəqəsində döyüş işinin təşkili qaydası” mövzularında məşğələlər keçirilib, zirehli tank texnikalarından praktiki atışları nümayiş olunub.
Məşğələlərin sonunda zabitlərin rəhbəredici sənədlərdən və hərbi topoqrafiyadan nəzəri bilikləri yoxlanılıb.
Birləşmənin Təlim-Tədris Mərkzində keçirilən yekunda bildirilib ki, məqbullar götürülən zaman hərbi hissə komandirləri və müavinləri komandir hazırlığından yüksək nəticə göstəriblər.
Ağdamın Baş Qərvənd kəndinin görüntüləri – VİDEO
Müdafiə Nazirliyi Ağdam rayonunun Baş Qərvənd kəndindən videogörüntülər yayıb.
“Report” görüntüləri təqdim edir:
Suqovuşan: Qələbəyə ilk addım – VİDEOREPORTAJ
Tərtər rayonunun Suqovuşan kəndi 2020-ci ilin oktyabrın 3-də erməni işğalından azad olunub və bu yaşayış məntəqəsində Azərbaycan bayrağı qaldırılıb.
“Caliber” layihəsi Müzəffər Azərbaycan ordusunun döyüş yolu haqqında ilk xüsusi buraxılışını məhz Suqovuşan uğrunda döyüşlərə həsr edib.
“Caliber” 2016-cı ildən sonrakı əməliyyat şəraitini təhlil edir, bu ərazinin azad edilməsi üçün aparılan hərbi əməliyyatın təfərrüatından bəhs edi
Şəkidə Aprel şəhidi anılıb – VİDEO
Azərbaycanın ön xətt mövqeləri və yaşayış məntəqələri 2016-cı ilin aprel ayında erməni terrorçuları tərəfindən intensiv artilleriya atəşinə tutuldu. Azərbaycan Silahlı Qüvvələrinin bölmələri təxribatların qarşısını almaq və erməniləri geri oturtmaq üçün əks-hücum həmlələrinə başladı. Tarixə Aprel döyüşləri kimi yazılan 4 günlük döyüşlər Azərbaycan Ordusunun qələbəsi ilə nəticələndi.
2016-ci il aprel döyüşlərində şəhidlərimiz adlarını Azərbaycan tarixinə qızıl hərflərlə yazdılar. Onların arasında Azərbaycan Ordusunun zabiti, baş-leytenant Elnur İskəndərov da var.
“Report”un Şimal-qərb bürosu şəhidin evindən reportaj hazırlayıb.
İskəndərov Elnur İskəndər oğlu 1989-cu ilin iyunun 1-də Şəki şəhərində anadan olub. 1995-ci ildə Şəki şəhər 11 saylı tam orta məktəbin 1-ci sinfinə daxil olub və 2006-cı ildə həmin məktəbin 11-ci sinfini əla qiymətlərlə bitirib.
Məktəbi bitirdikdən sonra Heydər Əliyev adına Ali Hərbi məktəbə daxil olub və həmin məktəbi zabit kimi bitirib. 2010-cu ildən isə leytenant kimi ordu sıralarında xidmətə başlayıb.
Xidmət etdiyi illərdə döyüş yoldaşları arasınd mərdliyi, qorxmazlığı və hərbi biliyi ilə hörmət qazanan Elnur sayılıb-seçilən zabitlərdən olub. Baş-leytenant 2016-cı il aprel döyüşlərinə qatılıb. Döyüşlərin 3-cü günündə, aprel ayının 3-də Lələtəpə uğrunda gedən döyüşlərdə qəhrəmancasına şəhid olub. Elnur İskəndərov aprelin 11-də Şəki şəhərindəki Şəhidlər xiyabanında torpağa tapşırılıb.
Ömrünün 27-ci baharında vətəni uğrunda şəhid olan Elnur İskəndərovun uyuduğu torpaq hər zaman ziyarət edilir. Bu gün ölümünün 5-ci ildönümündə şəhidin məzarını ziyarətə gələn ailə üzvləri qürurlu olduqlarını, aprel şəhidlərini zəfər yolumuza açılan pəncərə kimi təsvir ediblər.
Qəhrəman zabitimiz özündən sonra vətənə bir oğul övladı, əsgər qoyub gedib. Balaca Elmar atası şəhid olarkən hələ 7 aylıq idi. İndi onun 5 yaşı tamam olub. Qoy düşmənlərimiz bilsin ki, bizim Elnur kimi oğullarımızın sayları çoxdur. Biri dünyadan köçər, mini doğular mərd igidlərin.
Qeyd edək ki, baş-leytenant Elnur İskəndərov ölümündən sonra “Vətən uğrunda” medalı ilə təltif edilib, yaşadığı küçəyə onun adı verilib.
Azərbaycanlı deputat AŞPA-da ermənilərə sərt reaksiya verib – Video
Azərbaycanın AŞPA-dakı nümayəndə heyətinin üzvü, deputat Kamal Cəfərov “erməni hərbi əsirləri, digər əsirlər və köçkünlər” adlı sərbəst debatlar zamanı erməni və ermənipərəst deputatların fikirlərinə sərt reaksiya verib.
Sözügüdən debatda çıxışı barədə məlumat verən K. Cəfərov bildirib ki, Assambleyanın belə bir məsələ ilə bağlı sərbəst debat aparmaq qərarı məyusluq doğurub: “Ancaq Assambleya bu müzakirəni birtərəfli aparanda daha çox məyusluq yaranır. Müzakirənin adına baxanda nə demək istədiyi aydın görünür. Bu Assambleya üzvlərinin şəklini göstərmək istəyirəm. Deputat Zohrabyan, bu sizsiniz? Mingəçevir su anbarını vurduğunuzu yazırdınız? Əgər belədirsə, bu terrorizmdir, Stefan Şennakdan soruşuram ki, buna aydınlıq gətirmək lazımdır, əgər bu doğrudursa, onda biz AŞPA-da terrorizmi dəstəkləyirik?
Hər zaman istənilən formatda mövqeyimizi qorumağa hazırıq. Bu Assambleya birinci Qarabağ müharibəsindən sonra 1 milyondan çox qaçqın və məcburi köçkünümüz olanda, Xocalı soyqırımı törədiləndə azərbaycanlılara qarşı törədilmiş faciələrə göz yumdu, susdu. İndi daha aktual bir mövzu – azad olmuş ərazilərin minalardan təmizlənməsi barədə danışılmalı olmasına baxmayaraq, saxlanılan cinayətkarlardan bəhs edir”.
Deputat vurğulayıb ki, üçtərəfli bəyanat imzalanandan sonra Ermənistan tərəfindən yerləşdirilən minalara görə 20 mülki azərbaycanlı ölüb: “Bu müharibə cinayətidir. Ermənistan mina xəritələrini təhvil verməkdən imtina edir. Ermənistan nümayəndə heyətinin bu mövzunu sərbəst debata salmaq səyləri siyasi motiv daşıyır. Tezliklə Ermənistanda seçkilər olacaq. Erməni deputatlar əhaliyə hələ də faydalı olduqlarını göstərmək və ailələrin ağrılarından istifadə edərək kredit qazanmağa çalışırlar. Onlar şəxsi maraqları üçün bu platformadan sui-istifadə etməkdən çəkinməlidirlər. Bəzi səyləriniz qəsdən ola da bilər, olmaya da bilər, ancaq belə davranışlar Azərbaycan və Ermənistan arasındakı dövlətlərarası münasibətlərə zərbə vurur, kömək etmir. Erməni nümayəndə heyətinin çıxışlarını dinlədikdən sonra görürük ki, onlar sülhə deyil, revanşizmə hazırlaşırlar. Onlara ölkələrinə qayıdaraq, insanları sülhə hazırlamağı tövsiyə edirəm”.
İTV əməkdaşı koronavirusdan 3 ailə üzvünü itirib – Video
İctimai Televiziyanın operatoru Zaur Hüseynov koronavirus infeksiyası nəticəsində üç yaxınını –anasını, bacısını və bacısının həyat yoldaşını itirib.
Z. Hüseynovun sözlərinə görə, ailənin yoluxmasına səbəb bacısının COVID-19 xəstəsi ilə maskasız görüşməsidir: “Bacım blokda koronavirus xəstəsi ilə görüşüb. Həmin adam da maskasız olub, bacım da maska taxmayıb. Onunla da virusa yoluxub. Təcili tibbi yardım avtomobilində xəstəxanaya çata-çatda vəfat etdi… Bacımın həyat yoldaşı da astma xəstəsi idi, o da rəhmətə getdi. Biz bacımın ölməsini anamdan gizlədirdik, heç kim də ürək eləmirdi deməyə. Axır mən gedib anamı gətirdim və dedim ki, bacım artıq bizimlə yoxdur…”
Z. Hüseynovun sözlərinə görə, 14 gün keçəndən sonra anası da öskürməyə başlayıb.
“Dedik birdən sən də koronavirusa yoluxarsan. Tez özəl klinikada analiz verdik, koronavirus çıxdı, başladıq müalicəyə. Bir gün axşam gördüm ki, nəsə yaxşı nəfəs almır. Həmin gün gedib KT elətdirdik, məlum oldu ki, ciyərlərinin 50-60 faizi tutulub. Mən də yoluxmuşdum, məndə tutulma 5-10 faiz idi. Anamın saturasiyasını ölçdük, gördük 45-dir. Qandurulducu iynə vurdum, halı bir az düzəldi. Süni tənəffüs aparatına qoşdular. Aparatda 8 gün qaldı, çıxmadı…”
Z. Hüseynov şükür edir ki, onun yaxınları istifadə edə bilməsə də, artıq bu virusun vaksini tapılıb: “Mənim rəhmətə gedən bacım çox arzulayırdı ki, vaksin çıxsın, tez gedib vurdursun. Birinci növbədə maska kömək olur, maska taxmaq mütləqdir. Biz dua edirik ki, bu bəla dünyadan keçsin”.
Zəngəzurda Paşinyanın avtomobilinə hücum olub, mühafizəçisinin paltarı cırıldı – VİDEO
Ermənistanın baş naziri Nikol Paşinyanın Meğriyə səfəri qalamaqallı olub.
Şəhər sakinləri baş naziri vilayətə səfərinə etiraz ediblər.
Onlar “Nikol satqındır!” şüarını söyləyərək, onun Süniki (Zəngəzur) tərk etməsinin tələb ediblər.
Etrirazçılar baş nazirin avtomobilinə hücum edib. Hadisə zamanı Paşinyanın mühafizəçisinin paltarı cırılıb.
Qubadlının Ulaşlı kəndinin görüntüləri – VİDEO
Müdafiə Nazirliyi Qubadlı rayonunun Ulaşlı kəndindən videogörüntülər yayıb.
“Report” görüntüləri təqdim edir:
Paşinyan Qasparyanın səsyazısını yaydı – VİDEO
Ermənistan Təhlükəsizlik Şurası Qarabağda döyüşlərin dördüncü günü baş tutan görüş zamanı Silahlı Qüvvələrin Baş Qərargahının keçmiş rəisi Onik Qasparyanın nitqinin səs yazısından fraqmentləri yayımlayıb.
Bu barədə “Sputnik Ermənistan” məlumat verib.
Keçən həftə Qasparyanın hesabatının mətni qismən ictimaiyyətə açıqlanmışdı, lakin indi bu fraqment səs versiyasında təqdim olunub.
Məruzəsində Qasparyan əməliyyat vəziyyətinin dəyişmədiyini, düşmənin irəliləmədiyini bildirib: “Hər halda qoşunlar vəzifələrini yerinə yetirirlər, səhərlər Cəbrayıl istiqamətində kiçik bir hücum təşkil edərək uğur qazanıblar”.
Sonda Qasparyan ordunun tapşırıqları yerinə yetirməyə davam etdiyini və sona qədər yerinə yetirəcəyini deyib.
Xatırladaq ki, Ermənistan parlamentinin 14 aprel iclasında Ermənistan Baş naziri Nikol Paşinyan Qasparyanın keçən ilin noyabrında verdiyi açıqlamanı təkzib etmişdi. Həmin vaxt Qasparyan Qarabağdakı müharibənin dördüncü günü Təhlükəsizlik Şurasının iclasında hərbi əməliyyatların dayandırılmasının vacibliyindən danışdığını iddia edirdi.
Qohumun evindən 70 min manat və 40 minlik qızıl oğurladılar – Video
Paytaxtın Yasamal rayonunda evlərdən birindən oğurluq edilib.
Bu barədə DİN məlumat yayıb.
Bildirilib ki, naməlum şəxs mənzildə olan seyfi yararaq içərisində olan 70 min manat, 40 min manat məbləğində qızıl-zinət əşyalarını, habelə noutbuk və fotoaparatı oğurlayıb.
Yasamal Rayon Polis İdarəsi və 29-cu Polis Şöbəsinin əməkdaşları tərəfindən həyata keçirilən əməliyyat nəticəsində həmin hadisəni törətməkdə şübhəli bilinən zərərçəkənin yaxın qohumu Toğrul Axundzadə və İdris Salahov saxlanılıblar. Hər iki şəxs ifadələrində etdikləri hadisəni etiraf ediblər.
Araşdırma zamanı müəyyən edilib ki, qohumunun mənzilindən k üçün evin və seyfin açarlarını İdris Salahova Toğrul Axudzadə verib.
O, evdə heç kimin olmadığı barədə İ.Salahova məlumat verdikdən sonra sonuncu evə daxil olaraq həmin hadisəni törədib. İş üzrə keçirilən istintaq-əməliyyat tədbirləri nəticəsində T.Axundzadə və İ.Salahovdan oğurladıqları pul və qızıl-zinət əşyalarının bir hissəsi aşkar olunaraq maddi sübut kimi götürülüb.
Qeyd edək ki, İ.Salahov evə iki dəfə daxil olub. Birinci dəfə o, seyfdə olan pulları oğurlayıb. Daha sonra T.Axundzadənin təkidi ilə ikinci dəfə evə daxil olan İ.Salahov bu dəfə qızılları oğurlamaqla yanaşı, fotoaparat və noutbuku da ələ keçirib.
Saxlanılan şəxslər barəsində Yasamal Rayon Polis İdarəsinin İstintaq Şöbəsinə Cinayət Məcəlləsinin 177.3.2-ci (Oğurluq, külli miqdarda ziyan vurmaqla törədildikdə) maddəsi ilə cinayət işi başlanılıb, istintaq və əməliyyat tədbirləri davam etdirilir.
Ermənilərin Füzulidə viran qoyduqları daha bir kənddən görüntülər – VİDEO
Müdafiə Nazirliyi Füzuli rayonunun Sərdarlı kəndindən videogörüntülər yayıb.
“Report” görüntüləri təqdim edir:
Qubadlı rayonunun Tarovlu kəndindən videogörüntülər
Azərbaycan Müdafiə Nazirliyi Qubadlı rayonunun Tarovlu kəndindən videogörüntülər paylaşıb.
“Report” həmin görüntüləri təqdim edir.
Paşinyana ölən əsgərin məzarına gül qoymağa icazə vermədi – Video
Ermənistanın Baş naziri Nikol Paşinyan Vayosdzor bölgəsinə səfəri zamanı çıxılmaz vəziyyətdə qalıb.
Paşinyan buraya səfəri zamanı ikinci Qarabağ müharibəsində ölən əsgərlərin məzarlarını da ziyarət etmək istəyib. Lakin qəbiristanlıqda olan əsgər yaxınlarından biri Paşinyana məzarın üzərinə gül qoymağa icazə verməyib.
“Bu, qardaşımın məzarıdır. Mənim buna haqqım var. Sizə icazə vermirəm”, – deyə ölən hərbçinin yaxını Paşinyana bildirib.
O qeyd edib ki, məsul şəxslərdən heç biri ona qardaşının meyitinin tapmasına kömək etməyib, əksinə mane olublar.
Cəbrayılın Daş Veysəlli kəndinin görüntüləri – VİDEO
Müdafiə Nazirliyi Cəbrayıl rayonunun Daş Veysəlli kəndindən videogörüntülər yayıb.
“Report” görüntüləri təqdim edir:
Vətən müharibəsinə həsr olunmuş sənədli film beynəlxalq mükafata namizəddir – VİDEO
“Vice News” xəbər kanalının Vətən müharibəsi dövründə çəkdiyi sənədli film Britaniyanın nüfuzlu “One World Media” mükafatına namizədlər siyahısına daxil edilib.
Bu barədə mükafatın rəsmi saytında məlumat yerləşdirilib.
“Azərbaycandakı hərbi əməliyyatların ön cəbhəsində” adlanın film “İlin xəbər mükafatı” nominasiyası üzrə mükafata namizəddir.
Qeyd edək ki, filmdə hərbi əməliyyatlar zamanı ermənilərin mülki əhaliyə qarşı törətdikləri cinayətlər əks olunur.
Məlumat üçün bildirək ki, “One World Media” mükafatı dünya KİV-də əksini tapmış ən yaxşı materiallara təqdim olunur. Builki seçimlərdə 96 ölkədən olan 500-dən çox iş iştirak edib.
Mükafatın qalibləri iyunun 17-də açıqlanacaq.
Filmin tam versiyasına bu linkdən izləyə bilərsiz.
KOBİA-dan leqal sahibkarlıq və rəsmi məşğulluğa dəstək – Video
“Kölgə iqtisadiyyatı”na qarşı mübarizə, o cümlədən qeyri-rəsmi məşğulluğun aradan qaldırılması və sahibkarlıq fəaliyyətinin rəsmiləşdirilməsi davamlı və dayanıqlı iqtisadi inkişafın mühüm amilləri sırasındadır.
Kiçik və Orta Biznesin İnkişafı Agentliyi (KOBİA) şəffaflıq prinsipinə əsaslanan və leqal sahibkarlıq fəaliyyətini təşviq edən layihə və təşəbbüsləri daim dəstəkləyir.
Bu yaxınlarda fəaliyyətə başlamış “Çak çuk” startap layihəsi belə təşəbbüslərdən olmaqla, qeyri-rəsmi məşğulluğun aradan qaldırılmasını və düzgün uçotun aparılmasını təşviq edir.
Qeyd edək ki, ev təmizliyi, usta, bərbərxana və s. kimi 9 kateqoriya üzrə 180-ə yaxın xidmətin təqdim olunduğu “Çak çuk” (https://cakcuk.az/) onlayn platforması bu xidmətləri göstərən şəxsləri (icraçı) və bu xidmətlərə ehtiyacı olanları (müştəri) bir araya gətirir. Yalnız rəsmi sahibkarlıq fəaliyyəti ilə məşğul olan şəxslər platforma üzərindən xidmət təmin etmək üçün qeydiyyatdan keçə bilir.
Platforma üzrə ödənişlərin onlayn qaydada həyata keçirilməsi isə şəffaf mühasibatlığın aparılmasına imkan verir.
Startap layihəsinin vətəndaşlar üçün faydası ev xidmətlərinin bir platformada təqdim olunması, xidmət vaxtını və icraçını seçmək, sifariş prosesini izləmək və nəticəni qiymətləndirmək imkanı, görülən işə zəmanət verilməsidir. Ev xidmətləri göstərən iş axtaranlar üçün isə onlayn platforma davamlı olaraq iş imkanları təklif edir.
Həmçinin baxın
Hərbi hissə komandirləri və müavinləri ilə komandir hazırlığı məşğələsi keçirilib – VİDEO
Zəngəzurda Paşinyanın avtomobilinə hücum olub, mühafizəçisinin paltarı cırıldı – VİDEO
Ermənilərin Füzulidə viran qoyduqları daha bir kənddən görüntülər – VİDEO
Vətən müharibəsinə həsr olunmuş sənədli film beynəlxalq mükafata namizəddir – VİDEO
Raket-artilleriya batareyalarının döyüş atışlı taktiki təlimləri başlayıb – VİDEO
Müdafiə Nazirliyi ordunun ərzaq təminatı ilə bağlı məlumat yayıb – VİDEO
Rusiyada azərbaycanlı avtoriteti öldürən şəxs cinayəti etiraf edib – VİDEO
Azərbaycan Ordusunun Zenit-Raket Qoşunlarında döyüş atışlı təlimlər keçirilib – VİDEO
Bizi Facebook-da izləyirsiniz?
Bağla