Böyük Britaniya Honq-Konqdakı vəziyyət və Rusiya-Ukrayna müharibəsi ilə bağlı fikir ayrılıqlarına baxmayaraq, Çinlə ticarət əlaqələrini inkişaf etdirməyə hazırlaşır.
Bunu Böyük Britaniyanın maliyyə naziri Reyçel Rivs Pekinə səfəri ərəfəsində bildirib.
“Milli təhlükəsizlik və iqtisadi artım ziddiyyətli deyil. Onlar bir-birini gücləndirir. Biz təhlükəsizliyimizə və dəyərlərimizə güzəştə getməməyimizi təmin etməklə yanaşı, iqtisadi artıma nail olmaq üçün ticarət və sərmayə sahəsində beynəlxalq tərəfdaşlarımızla əlaqə saxlamalıyıq və davam etdirəcəyik. Bu o deməkdir ki, ” Çinlə sabit və balanslı münasibətlər qurmaq üçün düzgün yol tapmaq zərurəti var”, – Maliyyə Nazirliyinin rəhbəri bildirib.
Rivs bildirib ki, rəsmi London qlobal problemlərin həlli üçün Pekinlə işləməkdə maraqlıdır. Eyni zamanda, o, tərəflərin həm də rəqib kimi çıxış edə biləcəyini etiraf edib. Bundan əlavə, nazir vurğulayıb ki, Böyük Britaniya bəzi məsələlərdə Çinə həlledici çağırış etməyə hazırdır.
