
2023-cü ilin oktyabrından bu ilin yanvarına kimi Qəzza zolağının infrastrukturuna dəyən ziyanı 18,5 milyard dollar təşkil edib.
Bu məlumat BMT və Dünya Bankının birgə hesabatında təqdim olunub.
Sənəddə qeyd edilir ki, dörd ay ərzində dəymiş ziyan Fələstinin 2022-ci il üçün ÜDM-nin 97 %-nə bərabərdir.
Ən çox mənzil sektoru zərər çəkib. Dəymiş ziyanın beşdə dördündən çoxu yaşayış binalarının (ümumi məbləğin 72 %-i) payına düşür.
Ticarət, sənaye və xidmət sahələrinə dəyən ziyan ümumi məbləğin 9 %-ni təşkil edir.
Dağıntılar ən çox Qəzzanın şimalında və Xan Yunis əyalətində qeydə alınıb.